Адам болам десеңіз

23 апта

3- күн

Ана тілі 2сынып

Сабақтың тақырыбы

Адам болам десеңіз

Сілтеме

Күнтізбелік –тақырыптық жоспар 2 -сынып.

Жалпы мақсаттар:

 «Адам болам десеңіз»  тарауын қайталау

Адам бойында кездесетін жақсы, жаман әдеттер жайлы алған білімін бекіту.

    Еңбекқорлық, тазалық, қайырымдылық, татулық, жомарттыққа осы кезден үйрену керектігін түсіндіру.

Алған білімдерін өмірде пайдалана білуге , тұлға ретінде дамытуға ерекше көңіл бөлу; 

Оқыту нәтижелері  немесе  күтілетін нәтижелер:

Адам бойындағы жақсы, жаман қасиеттерді білу, жақсыдан үйрену, жаманнан аулақ болу.

Негізгі идеялар:

Білім жолындағы табандылық , еңбекқорлық , адамгершілік.

Сабақта қолданылатын модульдер

1.Сыни тұрғыда ойлау қабілетін дамыту.

2.Оқыту мен оқудағы жаңа тәсілдер.

3.Оқытуда АКТ-ны қолдану.

4.Оқушыларды жас ерекшеліктеріне сәйкес оқыту және оқу

5.Талантты  және қабілетті балаларды оқыту.

6.Оқытудағы басқару және көшбасшылық.

7.Оқыту үшін бағалау және оқуды бағалау.

Ресурстар н/е құрал-жабдықтар:

2-сынып оқулығы, бағалау парағы, суреттер.

Тапсырмалар немесе жаттығулар: ().

Ұйымдастыру кезеңі.Психологиялық дайындық: .(4модуль)

Біздер тату баламыз,

Өсіп,алға барамыз.

Жақсы оқып сабақты,

Білімді шәкірт боламыз.

Топқа бөліну ( түсті қағаз қиындылары арқылы) әр топ өздері құрастырғанда шыққан сөзге  (мейірімді, еңбекқорлық, ынтымақшыл, жомарттық,) ассоциация құрып, қорғайды

Сабақтың мақсатын хабарлау.«Адам болам десеңіз»  тарауын қайталау , осы тараудан алған білімімізді көрсетеміз. Сабағымыз алда келе жатқан «Наурыз» тойына арналады, бізге қонаққа  Күн –Ана келді. Ол сендердің сабаққа қатысуларыңа, жауаптарыңа қарай «шуақ-шашуын »шашып отырады,сондықтан сабақта белсенді болып, Күн-Анадан көбірек сыйлық алуға тырысайық.

Үй тапсырмасын тексеру, өткенді жан-жақты қайталау

1) Оқыған материал бойынша  топтар бір-біріне сұрақтар қою арқылы  мазмұнын еске түсіру.(2,4модуль)

2) «Жақсылық» ағашын салу (жапырақтарға жақсы әдеп-қасиеттерді жазып, жапсыру).(1модуль)

3)  Асан мен Алтайды ,  балық пен қиярды, Нүсіпбек пен Аймағанды салыстыру- Венн  диаграммасына салу.(1модуль)

  Сергіту  сәті . (4модуль)

4) Интербелсенді тақтада жұмыс: Кейіпкерлердің сипатын сәйкестендір:

Керім                               салақ

Сүт                                   ұйқышыл

Қияр                                 даңғой

Балық                               тәкаппар

Нүсіпбек                          қатыгез

Аймаған                           амал дос

Батыр                                жомарт

Ұстаз

Алтай                                 адамгершілігі мол

Қанат

Атай                                   еңбекқор

Үйшіктегі аңдар                 бірлікшіл

 «Қабуснамадан» үзіндіні жатқа айтқызу

      Адам бойындағы жақсы,жаман әдеттер

«Кім жомарт? Не жомарт?»рефлексия

Сыныптың білім деңгейін анықтау.

Тарау бойынша тест шешу(2,3,7модуль)

1.Оқиғасы «Тазалық- денсаулық кепілі»деген  мақалға

құрылған  шығарманы тап.

А)  Сүт қалай ұйықтады? О.Әубәкіров.

Ә)  Салақтық. Ы.Алтынсарин.    Б)  Көк кептер. М.Гумеров

В)  Жиырма тиын. Ж.Кәрбозин

2. «Ұйқышылдық-жаман әдет» деген нақыл сөз  қай мәтінге

 қатысты  айтылған?

А)  Жиырма тиын. Ж.Кәрбозин.    Ә)  Салақтық. Ы.Алтынсарин.

Б)  Сүт қалай ұйықтады? О.Әубәкіров   В)  Даңғой.Е.Ерботин

3. «Өндірмесе  дәнеме, мақтанғаннан не пайда?» деген жолдар

 қай мәтіннің  қорытынды ойы?

А)  Даңғой.Е.Ерботин    Ә)  Тәкаппар.Ш.Смаханұлы

Б)  Сүт қалай ұйықтады? О.Әубәкіров

В)  Атай. Ә.Дүйсенбиев

4«Өркөкірек,мақтаншақ»сөздерінің мағынасына жуық сөзді

ата. А)  ұйқышыл   Ә)  еріншек Б)  мақтаншақ  В) тәкаппар

5. «Даңғой »сөзінің мағынасын ашатын сөзді тап

А)  еріншек   Ә)  ұйқышыл      Б)  мақтаншақ     В) салақ

6. «Басыңа іс түссе, жақсы көмек етеді, жаман  күліп кетеді »

деген мақалға қатысы бар шығарма.

А)  Атай. Ә.Дүйсенбиев    Ә)  Жиырма тиын. Ж.Кәрбозин

Б) Салақтық. Ы.Алтынсарин   В)  Ұзынсары.Қ.Жұмаділов

7.Көк кептерді атқан кім?

А)  Балалар    Ә)  Көрші әйел    Б)  Аймаған   В) Нүсіпбек

8.Наурыздың ұзақ күні  қалай аталады?

А)  Мамыр    Ә)  Наурыз    Б)  Ұзынсары   В) Сәуір

9. «Қырға  кілем жайылды» Жұмбақтың  шешуін тап.

А)  Ағаш    Ә)  Қызғалдақ     Б)  Қозы-лақ   В) Мал

10. «Көлдің  мұзын  күн тесті,

Аппақ тонын жер шешті» деген жолдар қай жыл мезгілі

туралы айтылған?

А)  Қыс     Ә)  Көктем   Б)  Жаз  В) Күз

Жұптық  тексеру:   Жауабы:                               

1. Ә                                            Бағалау:
2. Б
3. А                                             9,  10- «5»
4. В                                              7,  8-  «4»                     
5. Б                                              5,   6- «3»      
6. Ә                                              5-ке жетпесе- «2»
7. В
8. Б
9. Ә

10-Ә

Шығармашылық тапсырма:(5модуль)

.................................. баламыз,

...................................аламыз.

...................................қамқор боп,

....................................сыйлаймыз.

                                     ................................. баламын,

                                        .................................адалмын.

                                         ...................................

                                         ..................................

              Суретпен  жұмыс

Қорытынды шығаруға жетелеу.

«Жақсылық»ағашының жемістері (жеміске өзінің мінезі, қылығынан мысалдар келтіріп, жазып, жапсыру)

Оқушыларға баға  қою-топ басшыларының бағасы, жиынтық баға  Күн-ананың сыйлықтарын  есептей отырып қойылады.

 Смайликтер арқылы қорытындылау.                                

Келесі тапсырмалар:

Үйге тапсырма.  Шығармашылық жұмыс : Көктем жайлы өлең құрастыру

Оқуға арналған тапсырмалар:

Бабалар өмірі –ұрпаққа өнеге

4 - апта

 2- күн

Математика 4сынып

Сабақтың тақырыбы

Сандар және шамалар

 Күнтізбелік жоспар бойынша сабақтың № 17

Сілтеме

Күнтізбелік –тақырыптық жоспар 4 -сынып.

Жалпы мақсаттар:

• Көп  таңбалы сандарды  қосу және азайту тәсілдерін меңгертуге берілген тапсырмаларды орындау,қайталау
• Екі  амалды есептер және кері есептерді шығару
• Оқушылардың ойлау, есте сақтау , есептеу қабілеттерінің, өз бетімен жұмыс істеу дағдыларының дамуына жағдай жасау;
• Алған білімдерін өмірде пайдалана білуге ж/е сынып өміріне қатысу қабілеттерін арттыруға, тұлға ретінде дамытуға ерекше көңіл бөлу; 
• Өзін-өзі бағалау  арқылы өз мүмкіндіктерін жүзеге асыруға көмектесу,топтық жұмыста бірін-бірі бағалауға үйрету;

Оқыту нәтижелері  немесе  күтілетін нәтижелер:

Көп  таңбалы сандарды разрядқа жіктей білуі,өрнек және теңдеуді құрып, шығара  білуі.

Негізгі идеялар:

Есептеу ,есептер шығару.

Сабақта қолданылатын модульдер

1.Сыни тұрғыда ойлау қабілетін дамыту.

2.Оқыту мен оқудағы жаңа тәсілдер.

3.Оқытуда АКТ-ны қолдану.

4.Оқушыларды жас ерекшеліктеріне сәйкес оқыту және оқу

5.Талантты  және қабілетті балаларды оқыту.

6.Оқытудағы басқару және көшбасшылық.

7.Оқыту үшін бағалау және оқуды бағалау.

Ресурстар н/е құрал-жабдықтар:

4-сынып оқулығы, бағалау парағы, суреттер ,электрондық  оқулық.

тапсырмалар немесе жаттығулар:

Ұйымдастыру кезеңі.Психологиялық дайындық: .(4модуль)

Арайлы таң атты,                        Қайырлы күн достарым!

Алтын сәуле таратты.                 Қайырлы күн қонақтар!

Жарқырайды даламыз,               Қонақтарды көргенде

Жарқырайды   айнала.               Қуана қарсы аламыз

Қазір қай жыл мезгілі?(Күз)

Күздің белгілері(оқушылар атайды)

 Топқа бөліну ( Күзгі жапырақтар арқылы).

Сабақ күзгі еңбек мерекесі -сабантойға арналады, сабақ бойы дұрыс жауап берген балаларға «алма ағашының жемістері» беріліп  отырады, сабақ соңында сол бойынша баға қойылады.

Әр топқа бағалау парағы таратылады. (2мин)

Ү/т   тексеру (6,7модуль) Топ басшылары өз тобын тексеріп, мәлімдеме жасайды.(2мин)

 Түстермен жұмыс:-қызыл-түйсік -Бүгін сабақта не істейміз деп ойлайсыңдар?(1модуль) Ақ түс-фактілер нені білемін(2мин)

өз ойларын айтқызу.

Дәптерге бүгінгі күнді жазу.Көркем жазу сәті.(3мин)

Сыныптың білім деңгейін анықтау. Өздігінен білім алуға жетелеу 

Слайд№1 «Сұрақты тап» (1модуль) топтық жұмыс: топ ережесін сақтауын, бағалау критериилерін ескерту.(5мин)

Интербелсенді тақтамен жұмыс.(2модуль)

1-слайд: Сандарды оқы:

Сандарды оқып, өсу ретімен жазу:

 7903, 48007, 320458, 609549, 771509.(6мин)

Әр топ өздерінің  алдарындағы «Тапсырмалар парағында» жазылған сандарды цифрмен жазады, оны келесі топқа береді ,олар тексеріп, бағалайды.(5мин)

2-слайд:Интербелсенді тақтада берілген тапсырмаларды өз бетімен орындайды: «Сәйкестендір »(3модуль)(2мин )

3-слайд: №7-45бет:Теңдеулерді шеш: (әр топтан бір оқушы тақтада, қалғандары дәптерде орындайды)(8мин)

600+х=7600        8600-х=600          6000+х=76000

Сергіту сәті-«Жұмыр қылыш»(1,2модуль.)(2мин)

4-слайд: «Жұппен жұмыла кіріс»жұптық тексеру,әркім өз жұбының жұмысын тексеріп, бағалайды Жауаптары шымылдықтан ашылады(2,3,7модуль.)(3мин)

Жауаптарымен сәйкестендір

Кітаппен жұмыс-  44 бет

№2-өз бетімен орындайды: (3мин)

сол кезде Жасыл түс арқылы Сабина,Амина, Эльмираларға  жеке тапсырма беріледі : Электрондық оқулықпен жұмыс (2модуль және  5модуль).

Қорытынды  шығаруға жетелеу:

Көк-шолу: не аштық, не ашылмады,

Сары-жағымды, қара-жағымсыз жақтарын айтқызу (2 мин).

                   Оқушыларды бағалау:-топ басшысы, өзін-өзі

Қорытындылау

Келесі тапсырмалар:

Үйге тапсырма. «Тойбастар шашуы» 1) № 4,6-45бет(ескі кітап)

№4-49бет,№6-50бет(жаңа кітап)

Шығармашылық жұмыс : 46-47бет(ескі)50-52– бет(жаңа кітап).

Оқуға арналған тапсырмалар:

Ережелерді қайталау.

Тақырыбы:

Тізбектелген сабақтар топтамасын  жоспарлау

Жалпы мақсаттар:

-Тізбектелген сабақтар топтамасын жасау , оның маңызы туралы түсінік беру

- Әр түрлі пәндер бойынша тізбектелген сабақтар жоспарын жасауды үйрету

Оқыту нәтижесі:

-Мұғалімдердің  топ болып бірігіп, тізбектелген сабақтар топтамасын жасай алуы

Түйінді идея:

Тізбектелген сабақтар топтамасын жоспарлап  жүргізудің маңызы, сабақтарда 7модульді кіріктіру

Тапсырмалар:

1.«Ой қозғау» -ТСТ жоспарлау туралы не білесіздер?

2. Топта берілген пән бойынша ТСТ жоспарын құру.

3. «Аялдама»әдісі арқылы жасаған жоспарды қорғау.

4. Топтардың жоспарын бағалау.

5.Өзін-өзі бағалау.

Мұғалімдер мен коучтің іс-әрекеттері:

1.Сәлемдесу. Психологиялық ахуал тудыру. «Ең ақылды, ең білімді, шығармашыл, тапқыр, дана адам»

2.Топқа бөлу .

3.Коучтің кіріспе сөзі.

Слайд арқылы

4.Топтарға  «Тізбектелген сабақтар топтамасын жоспарлау» туралы нұсқаулық, сұрақтар тарату. Мұғалімдер онымен  танысып оқып шығады.

Топ ішінде сұрақтарға жауап беріп талдайды.

5. Жеребе арқылы әр топ берілген пән бойынша ТСТ жоспарын жасайды.

6.Сергіту сәті.

7. Орта мерзімді жоспарлаудың нәтижелерін бағалау туралы нұсқаулық таратылады. Топ мүшелері  онымен танысып , оқып шығады.

8.«Аялдама» әдісі арқылы әр топтан бір мұғалім шығып келесі топқа барып құрған жоспарын қорғайды. Тыңдаушы топқа бағалау парағы таратылады. Жоспарды тыңдап  бағалайды.

9. «Ой қорыту». Өзін-өзі бағалау.

10.Ресурс, құрал –жабдықтар: ТСТ жоспарлау туралы нұсқаулықтар, таратпа материалдар, А4қағаздары, маркерлер, Интербелсенді тақта

Келесі тапсырма:

1. Таратпа материалдарды оқу.
2. Өз пәні бойынша ТСТ жоспарлау

5апта

1-2 күн

Қазақ тілі 3сынып

Сабақтың тақырыбы

Жалаң және жайылма сөйлем.

Сілтеме

Күнтізбелік –тақырыптық жоспар 3 -сынып.

Жалпы мақсаттар:

Оқушыларға сөйлемнің жалаң және жайылма түрлері туралы топтастырылған ұғым қалыптастыруға    мүмкіндік туғызу; оқушылардың өз бетімен жұмыс жасау арқылы теориялық ойлауын, сөйлеу тілін дамыту; үлкенге және құстарға қамқор болуға тәрбиелеу.

Оқыту нәтижелері  немесе  күтілетін нәтижелер:

Сөйлем  мүшелерін  ажырата білу.

Негізгі идеялар:

Білім жолындағы табандылық , еңбекқорлық , адамгершілік.

Сабақта қолданылатын модульдер

1.Сыни тұрғыда ойлау қабілетін дамыту.

2.Оқыту мен оқудағы жаңа тәсілдер.

3.Оқытуда АКТ-ны қолдану.

4.Оқушыларды жас ерекшеліктеріне сәйкес оқыту және оқу

5.Талантты  және қабілетті балаларды оқыту.

6.Оқытудағы басқару және көшбасшылық.

7.Оқыту үшін бағалау және оқуды бағалау.

Ресурстар н/е құрал-жабдықтар:

3-сынып оқулығы, бағалау парағы, суреттер, интербелсенді  тақта.

Тапсырмалар немесе жаттығулар:

Ұйымдастыру кезеңі.Психологиялық дайындық: (4модуль)

 Шаттық шеңберін құрып:

Біздер тату баламыз,

Өсіп,алға барамыз.

Жақсы оқып сабақты,

Білімді шәкірт боламыз-деген шумақты хормен айтып, бір-біріне сәттілік тілейді.

Топқа бөліну ( түсті қағаз қиындылары арқылы)

Сабақтың мақсатын хабарлау

Үй тапсырмасын тексеру, өткенді жан-жақты қайталау

77-жаттығуда берілген сызба бойынша сөйлем құрастыру,  оларға сұрақтар қою. Сөйлемнің қандай мүшесімен таныстық? Оларды неліктен тұрлаулы мүшелер деп атаймыз? Тұрлаулы мүшелер не құрай алмайды? Неліктен?

Жаңа сабақ.

а) қызығушылықтарын ояту:  ертегі тыңдағыларың келе ме? Бүгін біз тағы да Қазақ тілі атты ғажап елге саяхаттаймыз. Жай сөйлем деген кішкентай ауылында Жалаң деген сөйлемнің екі ақылды ұлы болыпты, біреуі - бастауыш, ал екіншісі - баяндауыш. Бастауыш үлкен ұлы болғандықтан ылғи алдында, басында жүреді екен. Жайылма сөйлем деген қария Жалаң сөйлемнің ұлдарын қатты құрметтеп, ауылдағы алатын орындары үшін тұрлаусыз атты мүшелерді жандарына серік етіп жібереді. Солай екі қария бір-бірімен ұрыспай тату-тәтті өмір сүреді.

 ә) оқулықпен жұмыс,  дәптермен жұмыс Күн ретін жазу. Көркем жазу.Негеш пен Білгішбектің арасындағы диалогты оқу, түсіну, есте сақтау. 79-жаттығу. Сөздерден сөйлем құрау. Жалаң, жайылма сөйлемдердің пойыз вагондарына сәйкестендіріп орналастыру.  80-жаттығу сөйлемдерді көшіріп жазу, жай сөйлемнің түрін анықтау. 

81-жаттығуда берілген жалаң сөйлемдерді жайылма сөйлемдерге айналдырып көшіріп жазу. 

Сурет бойынша екі жалаң, үш жайылма сөйлемді ауызша құрастыру:

 «Сөйлем »ағашын салу (жапырақтарға сөйлем түрлерін, ережесін, сұрақтарын  жазып, жапсыру).(1модуль)

    2)   Жалаң және жайылма сөйлемдерді салыстыру-  Венн  диаграммасына салу.(1модуль)

3). Интербелсенді тақтада жұмыс(3модуль):семантикалық карта- сәйкестендір:

 4).   Сергіту  сәті . (4модуль  )

5).   Шығармашылық тапсырма: -Тақтадағы сызба бойынша сөйлемдер құрап жазу,топтық жұмыс

- Қар кесектеріндегі сөздерден сөйлем құрау;

- кіші пікірталас(5модуль)

-Шығармашылық диктант(5модуль)

«сөзді тап»ойыны арқылы

Қорытынды шығаруға жетелеу.

«Сөйлем »ағашының жемістері (жеміске жалаң және жайылма сөйлемдерге мысалдар келтіріп, жазып, жапсыру)

Оқушыларға баға  қою-топ басшыларының бағасы, мұғалімнің бағасы.

«Бағдаршам» арқылы қорытындылау.                               

Келесі тапсырмалар:

Үйге тапсырма.Ережелерді қайталау. Жалаң және жайылма сөйлемдер.  Шығармашылық жұмыс : «Қыс»тақырыбына өлең құрастыру

5-сабақ.

30 апта

3- күн

Қазақ тілі 2сынып

Сабақтың тақырыбы

Сөз  таптары

Сілтеме

Күнтізбелік –тақырыптық жоспар 2 -сынып.

Жалпы мақсаттар:

 «Сөз  таптары»  тарауын қайталау

Сөз  таптары, оның сұрақтары, түрлері  жайлы алған білімін бекіту мысалдар  келтіріп, тест шеше білуге үйрету.

    Еңбекқорлық, тазалық, қайырымдылық, татулық, жомарттыққа осы кезден үйрену керектігін түсіндіру.

Алған білімдерін өмірде пайдалана білуге , тұлға ретінде дамытуға ерекше көңіл бөлу; 

Оқыту нәтижелері  немесе  күтілетін нәтижелер:

Сөз таптарын ажырата білу.

Негізгі идеялар:

Білім жолындағы табандылық , еңбекқорлық , адамгершілік.

Сабақта қолданылатын модульдер

1.Сыни тұрғыда ойлау қабілетін дамыту.

2.Оқыту мен оқудағы жаңа тәсілдер.

3.Оқытуда АКТ-ны қолдану.

4.Оқушыларды жас ерекшеліктеріне сәйкес оқыту және оқу

5.Талантты  және қабілетті балаларды оқыту.

6.Оқытудағы басқару және көшбасшылық.

7.Оқыту үшін бағалау және оқуды бағалау.

Ресурстар н/е құрал-жабдықтар:

2-сынып оқулығы, бағалау парағы, суреттер, интербелсенді  тақта.

Тапсырмалар немесе жаттығулар: ().

Ұйымдастыру кезеңі.Психологиялық дайындық: .(4модуль)

Біздер тату баламыз,

Өсіп,алға барамыз.

Жақсы оқып сабақты,

Білімді шәкірт боламыз.

Оқушылар бір-біріне сәттілік тілеп, жылы лебіздерін білдіреді.

Топқа бөліну ( мозаика әдісі арқылы) әр топ өздері құрастырғанда шыққан сөзге  қарай зат есім, сын есім, сан есім, етістік топтарына бөлінеді.

Сабақтың мақсатын хабарлау.«Сөз таптары»  тарауын қайталау , осы тараудан алған білімімізді көрсетеміз. Сабағымыз алда келе жатқан «Мамыр»мерекелеріне арналады, бізге қонаққа  Көктем ару  келді. Ол сендердің сабаққа қатысуларыңа, жауаптарыңа қарай «гүл-шашуын »шашып отырады,сондықтан сабақта белсенді болып, Көктем арудан көбірек сыйлық алуға тырысайық.

Үй тапсырмасын тексеру, өткенді жан-жақты қайталау.

Өткен сабақта жазған тест қорытындысын хабарлау.

1).  Әр топ өздеріндегі сөз табына ассоциация, модель құрып, қорғайды.(2,4модуль)

  2) «Сөз табы »ағашын салу (жапырақтарға сөз таптарының аттарын, сұрақтарын  жазып, жапсыру).(1модуль)

3)Зат есім-сын есім, сан есім-етістік, сын есім-етістік, етістік-зат есім салыстыру- Венн  диаграммасына салу.(1модуль)

Интербелсенді тақтада жұмыс(3модуль):        

4).Көп   нүктенің орнына  керекті  сөз табын қойып, жаз:                                       

1-топ:  Көктемде ..................ұшып  келеді.

2-топ:  Балалар  құстарға  ұя ............., ағашқа .................... .

3-топ:   Ұяда ..................балапан жатыр.

3-топ:  ......................балалар  құстарға   қамқорлық жасайды.

 5) Cергіту сәті  (4модуль)

6) Семантикалық карта толтыру:  

6)   Ойын. «Аялдама» 

7) Шығармашылық тапсырма:(5модуль)

.................................. баламыз,

...................................аламыз.

...................................қамқор боп,

....................................сыйлаймыз.

8)  Жаңылтпашпен жұмыс:Сөздердің қай сөз табына жататынын анықта.(1мод)

Үш кіші ішік піштім,

Бес кіші ішік піштім,

Неше кіші ішік піштім?

Қорытынды шығаруға жетелеу. 

 9)    Суретпен жұмыс: мысалдар айту    

  10) Тестік тапсырма:

1.Зат есім деген  не?

А)  Заттың атын білдіретін сөздер.

Ә) Заттың сынын білдіретін сөздер.

Б)  Заттың санын білдіретін сөздер.

В)  Іс-қимыл,әрекетті білдіретін сөздер.

2. Зат есімнің сұрақтары.

А)  Қандай? Қай?

Ә)  Қанша? Неше?

Б)  Кім? Не?Кімдер? Нелер?

В)  Қайтті? Не істеді?

3. Заттың түрін , түсін білдіретін

 сөздер.

А)  Зат есім.

Ә)  Сан  есім.

Б)  Сын  есім.

В)  Етістік.

4 .Келді, оқыды, ұшып барады 

А)  Сын есім.

Ә)  Етістік.

Б)  Сан есім.

В) Сын есім.

5. «Даңғой »сөзінің мағынасын 

ашатын сөзді тап

А)  еріншек

Ә)  ұйқышыл

Б)  мақтаншақ

В) салақ

6. Етістіктің түрлері

А)  Жалпы, жалқы.

Ә)  Дара ,күрделі.

Б) Жекеше, көпше.

7.Көк құс, ақ жол . Сын есімдерді тап.

А)  Көк

Ә)  Жол, құс

Б)  Көк, ақ

В) Жол

8.Заттың санын білдіретін сөздер.

А)  Сын есім.

Ә)  Зат есім.

Б)  Сан есім.

В) Етістік.

9. «Қырға  кілем жайылды»

Етістікті  тап.

А)  Кілем

Ә)  Жайылды

Б)  Қырға

В) Етістік жоқ.

10. Жалқы есімдерді көрсет:

А)  Қанат, қар, қыс

Ә) қанат ,құс, аспан

Б)  Қанат, Ақтөс, Өскемен

В) ит, балалар, жүрді.

Жұптық тексеру және бағалау(Оқушылар бір-бірінің жұмысын

тексеріп, тақтада көрсетілген  бағалау нормасы

 бойынша бағалайды.)

11) «Сөз табы»ағашының жемістері (жеміске сабақ туралы  пікірлерін  жазып, жапсырады)

Оқушыларға баға  қою-топ басшыларының бағасы, Көктем арудың сыйлықтарын  есептей отырып қойылады.

 Смайликтер арқылы қорытындылау.                               

«Көк тудың желбірегені »әні-7,9 мамыр мерекелеріне арналады.

Келесі тапсырмалар:

Үйге тапсырма. Сөз таптарын қайталау.

 Шығармашылық жұмыс : Көктем жайлы өлең құрастыру