Басты бет » Уроки » ХИМИЯЛЫҚ ЭЛЕМЕНТТЕРДІҢ ВАЛЕНТТІЛІГІ

ХИМИЯЛЫҚ ЭЛЕМЕНТТЕРДІҢ ВАЛЕНТТІЛІГІ

Сабақтың мақсаты:

а) білімділік: Оқушыларға элементтердің валенттілігі туралы мағлумат беру

ә) дамытушылық: элементтердің валенттілігін анықтау; қосылыстардың формуласын құрастыру; қосылыстардың құрылымдық формуласын құрастыру біліктерін дамыту, өздігінен жұмыс істеуге және өз білімін бағалап тексеруге баулу;

б) тәрбиелік: ізденімпаздық, жауапкершілік, ұйымшылдық қасиеттерін тәрбиелеу.

Сабақ құрал-жабдықтары: интерактивті тақта, компьютер, тірек кестесі,молекулалар модельдері, жауап парақтары.

Сабақ барысы

I.Ұйымдастыру кезеңі. Оқушыларды сабақтың мақсатымен және жоспарымен таныстыру

II. «Ой шақыру» кезеңі: сұрақтар қою арқылы және тірек–сызба бойынша үй тапсырмасын тексеру:

А. «Cен білесіңбе?»

оқушылар сұрақтарға ауызша жауап береді, дұрыс жауап үшін матрицада 1 ұпай қосылады

1 нұсқа сұрақтары:

Заттар қандай бөлшектерден құралған?
Атомдармен мен молекулалардың айырмашылығы қандай?
Химиялық элемент дегеніміз не?
Жай заттың анықтамасы; мысал келтіріңдер.

2 нұсқа сұрақтары:

Күрделі заттың анықтамасы; мысал келтіріңдер.
Химиялық формула анықтамасы; мысал келтіріңдер.
Индекс, коэффициент дегеніміз не?
Химиялық реакция дегеніміз не?

Ә. «Химиялық диктант» тапсырма тақтада берілген, әр нұсқа өз тапсырмасын орындайды

1 нұсқа. Келесі элементтердің таңбаларын жазыңдар: магний, хлор, фтор, қорғасын, қалайы, бром, кальций, алтын, фосфор, күкірт.

2 нұсқа. Келесі элементтердің атауларын жазыңдар: Mn, Ba, Li, Hg, N, Si, K, Fe, Ag, C

Тапсырманы орындап болған соң, оқушылар бір-бірінің жұмысын тексереді, дұрыс жауап тақтада берілген

1 нұсқа: Mg, Cl, F, Pb, Sn, Br, Ca, Au, P, S

2 нұсқа: марганец, барий, литий, сынап, азот, кремний, калий, темір, күміс, көміртек

Алған ұпайлары матрицаға еңгізіледі.

Б. «Кім жүйрік?»

тапсырма тақтада берілген, әр нұсқа өз тапсырмасын орындайды

1 нұсқа. Келесі қосылыстардың молекулалық массасын анықта: K₂SО₄, Са(NО₃)₂

2 нұсқа. Келесі қосылыстағы элементтердің массалық үлестерін анықта: Nа₂SО₄

Тапсырманы орындап болған соң, оқушылар бір-бірінің жұмысын тексереді, дұрыс жауап тақтада берілген:

1нұсқа: K₂SО₄ - 174, Са(NО₃)₂ -164

2. нұсқа: Nа - 32, 39%, S - 22,54%, О – 45,07%

Алған ұпайлары матрицаға еңгізіледі.

III. Ұғыну кезеңі

Валенттілік туралы түсінік

- Осы мезгілге дейін, біз оқулықта берілген заттардың дайын формулаларымен қолданып келдік. Химиялық формуланы қосылыстардың құрамына негізделе отырып құрастыруға болады. Негізінде, көп жағдайда, элементтер бір-бірімен қосылыс түзгенде арнайы заңдылықтарға бағынады.

Тапсырма: HCl , H₂O, NH₃, CH₄ қосылыстарының сандық және сапалық құрамын салыстырыңдар.

Оқушылармен келесі сұрақтарды талқылау:

1. Молекулалардың қандай ұқсастығын байқадыңдар?

Оқушылардың жауаптары- Құрамында сутек атомдары бар.

2. Молекулалардың айырмашылығы неде?

Оқушылардың жауаптары:

- HCl – Бір хлор атомы мен бір сутек атомынан құралған

- H₂O – Бір оттек атомы мен екі сутек атомынан құралған

- NH₃ – Бір азот атомы мен үш сутек атомынан құралған

- CH₄–Бір көміртек атомы мен төрт сутек атомынан құралған

3.Қосылыстардың молекулаларының модельдерін көрсету.

5. Мәселенің шешімін табыңдар: Не себептен әртүрлі атомдар сутектің әртүрлі атом санын қосып алады? Оқушылардың жауаптарын талқылау.

6. Мәселені талқылау бйынша қорытынды жасау:

Қосылыс тузгенде атомдар басқа атомдардың, өзіне тәң, белгілі бір санын ғана қосып алады. Бүл қабілет “валенттілік” деп аталады. Валенттілік сөзі латын сөзі valentia –күш деген мағынасын білдіреді.

“Валенттілік” терминін Э.Франкленд 1853 ж. енгізген.

Валенттілік – химиялық элемент атомының басқа химиялық элемент атомдарының белгілі бір санын қосып алу қабілеті.

Валенттік химиялық элементтің таңбасының үстінгі жағына рим сандарымен жазылады.

_I _I

HCl

_I _II

H₂O

_I_III

H₃N

_I_IV

H₄C

Сутек атомының валентігі I, ал оттек атомының валенттігі II тең

Валенттілігі өзгермейтін элементтердің валенттігін тұрақты, ал валенттілігі өзгеретін элементтердің валенттігін айнымалы деп аталынады.

Тұрақты валентті элементтер

I валетті элементтер: H, Li, Na, К, Rb, Cs, F, Ag

IІ валетті элементтер: О, Be, Mg, Ca, Sr, Ba, Zn, Cd

IІІ валетті элементтер: B, Al

Айнымалы валентті элементтер

I және ІІ валетті элементтер: Cu, Hg. Мысалы: Cu₂О, CuО

IІ және ІІІ валетті элементтер: Fe, Co, Ni. Мысалы: FeО, Fe₂О₃

IІ және IV валетті элементтер: Sn, Pb, C. Мысалы: СО, СО₂

IІІ және V валетті элементтер: P, As. Мысалы: Р₂О₃, Р₂О₅

II, IV және VІ валетті элементтер: S. Мысалы: Н₂S, SО₂, SО₃

II, III және VІ валетті элементтер: Cr. Мысалы: CrО, Cr₂О₃, CrО₃

II, IV, VI және VII валетті элементтер: Mn.Мысалы: MnО, MnО₂, MnО₃, Mn₂О₇

I, III, V және VII валетті элементтер: Cl, Br, I. Мысалы: Cl₂О, Cl₂О₃, Cl₂О₅, Cl₂О₇

IV. Қосылыстағы элементтің валенттілігін анықтау алгоритмімен танысу

Валенттілікті анықтау заңдылығы: Молекулада бір элементтің барлық атомдарының валенттіліктерінің саны екінші элементтің барлық атомдарының валенттіліктерінің санына тең.

Элементтің валенттілігін анықтау алгоритмі	Мысал
1. Қосылыстың формуласын жазыңдар	H₂S, Cu₂O
2. Валенттігі белгілі элементтің валенттігін белгілеңдер	I_I H₂S,	_II Cu₂O
3.Валенттігі белгілі элементтің валенттігін оның атомының санына көбейтіңдер	₂ _I H₂S	₂ _II Cu₂O
4.Алынған санды валентігі белгісіз элементің атомдарының санына бөліңдер. Алынған жауап ізделінген валенттік болып табылады	₂ _{I II} H₂S	₂ _{I II} Cu₂O

Жаттығу: Қосылыстағы элементтің валенттілігін анықта(тапсырма улестірме ретінде берілген)

1 нұсқа: SiH₄, CrO₃, H₂S, CO₂, CO, SO₃

2. нұсқа: HBr, Cl₂O₅, Cl₂O₇, РН₃, K₂O, Al₂O₃

Тапсырманы орындап болған соң, оқушылар бір-бірінің жұмысын тексереді, дұрыс жауап тақтада берілген:

_{IV I} _{VI II} _{I II} _{IV II} _I_I_II_{VI II}

1 нұсқа: SiH₄, CrO₃, H₂S, CO₂, CO, SO₃

_{I I V II VII II III I I II III II}

2 нұсқа: HBr, Cl₂O₅, Cl₂O₇, РН₃, K₂O, Al₂O₃

Алған ұпайлары матрицаға еңгізіледі.

V. Екі элементт атомдарынан құралған қосылыстың формуласын

құрастыру алгоритмі

Амалдарды орындау реті	Фосфор(v) оксидінің формуласын құрастыру
1. Элементтердің символдарын жазу	Р О
2. Элементтердің валенттілігін жазу	V-II P O
3. Валенттілік сандарының ең кіші орта еселігін анықтау	5•2 = 10
4.Анықталған ЕКО санын элементтердің валенттілігіне бөліп элементтердің атомдарының қатынасын анықтау. Қатынасын білдіретін сандар элементтердің индекстері болып табылады	10 : 5 = 2, 10 : 2 = 5; P : О = 2 : 5
5. Элемент символдарының қасына индекстерін жазу	Р₂О₅
6. Қосылыс формуласы	Р₂О₅

Жаттығу орындау:Қосылыстардың формулуларын құрастырыңдар:

_{II I} _{III I V II III II VII II}

1нұсқа: CaCl PCl NO CrO ClO

_{VI II II I III I VII II III II}

2-нұсқа: СrO BaCl AlH MnO PO

Тапсырманы орындап болған соң, оқушылар бір-бірінің жұмысын тексереді, дұрыс жауап тақтада берілген:

1нұсқа: CaCl₂ PCl₃ N₂O₅ Cr₂O₃ Cl₂O₇

2-нұсқа: СrO₃ BaCl₂ AlH₃ Mn₂O₇ P₂O₃

Алған ұпайлары матрицаға еңгізіледі.

VI. Қосылыстардың құрылымдық формулулары туралы түсінік беру

Элементердің қосылыстағы валенттігі бойынша молекуланың құрылымдық формуласын құрастыруға болады. Құрылымдық формула – молекуладағы атомдардың байланысу тәртібін анықтайды. Атомдардың арасындағы байланыс саны сызықшамен белгіленеді.

Мысалы:Fe₂О₃-қосылыс молекуласында Fe - 3 байланыс, ал О - 2 байланыс түзеді, себебі Fe 3- валентті,ал О – 2 валентті элементтер.

_III_II

Fe₂О₃ молекуласының құрылымдық формуласы: О = Fe - О - Fe = О

VII. Cабақты қорытындылау

1.Оқушылармен сұрақ-жауап жүргізу:

Біз сабақ барысында қандай мәселені шештік?

Қандай қорытындыға келдік?

Валенттілік ұғымына анықтама беріңдер.

Сутек атомының валенттілігі неге тең? Оттегінің валенттілігі?

2.Матрица және жауап парақтары бойынша оқушылардың білімін бағалау.

3. Үйге тапсырма:

Соңғы жарияланған материалдар тізімі


Химиялық реакция теңдеулері

Бастапқы химиялық ұғымдар

Коваленттік байланыс, полюсті және полюссіз байланыстар.

Иондық байланыс,металдық байланыс.

Жай және күрделі заттар ,салыстырмалы атомдық масса және молекулалық масса.

2 тарау бойынша қайталау сабағы

№1 бақылау жұмысы

Химимядан бақылау жұмысы

Бастапқы химиялық ұғымдар тарауын қайталау

Химиялық реакция теңдеулері