Тақырыбы: Ақ күрішті аймақ.

Мақсаты:

Білімділігі: Қызылорда қаласы туралы әңгімелеп, бағалы астық дақылы күріш және еңбекшілер еңбегі туралы ұғындыру.
Шығармашылығы: Оқушылардың білімін кеңейтіп, шығармашылық қабілеттерін дамытуға арналған тапсырмалар орындауға баулу.
Тәрбиелігі: Өз Отанына деген сүйіспеншілігін арттыра отырып, туған елін, жерін танып білуге тәрбиелеу.
Түрі: Көрнекілік сабақ.
Әдістері: Сұрақ-жауап, көрнекілік, картамен жұмыс, нашар оқитын оқушылармен жұмыс, дәптермен жұмыс.
Технологиялары: Дамыта оқыту технологиясы
Көрнекіліктері: Қазақстанның саяси картасы, бүктемелер мен суреттер, сызба, күріш гербарийі, Ы.Жақаевтың суреті, қаракөл терісі және күріштен жасалатын тағам түрлері, үлестірмелі суреттер, сөзжұмбақ, электронды оқулық.
Пәнаралық байланысы:География, тарих
Барысы:  І. Ұйымдастыру:
а) Кезекші хабарламасы.
ә) Психологиялық дайындық:
Қоңырау да соғылып,
Міне, сабақ басталды.
Елімнің бай тарихы
Санамызға жатталды.
б) Сабақ мақсатын хабарлау: Еліміздің тарихы туралы әңгімелей отырып, қазыналы жеріміз, ырысты еліміз туралы мағлұматтар алатын боламыз.
ІІ. Өткенге саяхат. 1. Үш қатардан 3 оқушыдан сабақ сұрау (қосымша сұрақтар бере отырып, білімдерін пысықтау).
2. Үлгерімі төмен оқушыларға үлестірмелер беріп, тапсырмалар орындату.
3. Дәптермен жұмыс.
а) Тәуелсіздік үшін күрескен жергілікті жандар туралы;
ә) Музейден алған әсерлерін әңгімелеп, дәптерден оқыту.
4. Бүктемелер мен суреттер арқылы оқушыларды сөйлету (Өсімдіктану пәнінен алған білімдерін пысықтап айтқызу).
ІІІ. Сөзжұмбақ шешу.
Сөзжұмбақ шеше отырып, үй тапсырмасын пысықтау, жаңа сабақтың тақырыбын ашу (сөзжұмбақ сұрақтарын оқушы оқып, шешкізеді).

1. Қазақ тайпаларының ежелгі ата-бабалары.
2. Ресей құрамына кіруге келісіп, келісімге қол қойған қазақ ханы.
3. Үш жүздің басын біріктірген хан.
4. Еліміздің тарихы қанша жылдан асады?
5. Қазіргі заң шығарушы орган.
6. Қазақ тарихындағы тұңғыш заң жүйесі.
7. Ең қауіпті жау қайдан болды?
8. Ұлы жүздің биі.
9. «Алтын адам» сүйегі қай қаланың маңынан табылды?
10. Орта жүз биі.
11. Кіші жүздің биі.
12. Қазақстанның оңтүстігімен шектесетін ел.
13. Қазақ жерін жоңғарлардан тазартқан батыр, қолбасшы, хан.
14. Шығыстағы шекаралас ел.

ІV. Жаңа сабақ.  
1. Тақырыпты тақтаға жазып, оқушыларға таныстыру.
- Күріш деген не? (Өсімдік, астық)
- Күріштен не жасалады?
- Күріш қай жерде өсіріледі?
2. Картаға саяхат. Картадан Қызылорда облысын, қаласын, Арал теңізі мен Сырдария өзенін көрсетіп, таныстыру (оқушыларға көрсеткізу, мүмкіндіктері болса).
  

3. Қызылорда қаласына саяхат. Карта мен бүктемені пайдаланып, қала туралы түсінік қалыптастыру.

4. Күріш – бағалы астық. Күріштің көп түрлілігі, қандай жерде өсетіндігі айтылады (гербарийден, суреттен көрсетіліп, не жасалатыны таныстырылады).
   
5. Күрішші – Ы.Жақаев. Суреті таныстырылып, оның ерлігі, еңбегі туралы ұғындыру.

  

6. Қаракөл қойы елтірісі. Сурет пен елтірі көрсетіледі (электронды оқулық пайдаланылады: шөлді жерлер мен қаракөл қойы көрсетіледі).

7. Сырдария өзені. Балықтың түрлері таныстырылады.

8. Арал теңізінің өткені мен қазіргі жайы (суреттер көрсетіле отырып, жайын әңгімелеу).    

  

Сызба арқылы шаруашылығын анықтау.

V. Оқулықпен жұмыс.
Мәтіндегі әрбір азат жолды оқушыларға оқыту (оқу шапшаңдықтарын бақылау).
VІ. Дәптермен жұмыс.
а) дәптерлеріне жазады:
- Күріш қалай өсіріледі?
- Қандай жағдайлар қажет?
- Күріштен не жасалады?
ә) Оқылып, жазғандары тексеріледі, сабаққа қатыспаған оқушылардан сұралады.
VІІ. «Бәйге» ойыны. Ойын арқылы білімдерін бекіту.
1. Қызылорда қай жерде орналасқан?
2. Ақ күріштің атасы кім?
3. Күріштен не алынады?
4. Қызылорда қандай шаруашылықпен айналысады?
5. Сырдария балықтарын атап, өзенді картадан көрсет.
6. Арал теңізінің қазіргі жайы қандай?
7. Картадан Қызылорданы көрсет.
8. Сырдария өзенін көрсет.
9. Арал теңізін көрсет.

VІІІ. Тапсырма:. Қызылорда облысының байлығы туралы шығарма (эссе ) жазып келу.
ІХ. Бағалау. Ерекшеліктерін ескерте отырып, оқушыларды бағалау.
Қорытынды: Білім сапасын арттыру және нәтижеге бағытталған үлгіге беталуы барысында мұғалімдер мемлекеттік стандарт берілген нәтижелерге жетуде кәсіби шеберлікпен меңгерген зерттеу біліктері мен дағдылары нәтижесінде проблеманың шешімін таба алатын, ақпараттық – коммуникативті мәдениеті жоғары тұлғалық - дамытушылық функцияны атқарады. Қазіргі заман адамның осы құзыреттілікті меңгере отырып тек « кәсіби икемділігін оңтайландыруды қамтамасыз ету ғана емес, іске асырылу мүмкіндігін « үнемі оқып – үйрену және өзін-өзі жасау талабын қалыптастыра алады.Инновациялық технология нәтижелері:
1. Түрлі әдістерді пайдалану сабақтың нақты мәнін терең ашуға көмектеседі.
2. Оқушылардың барлығын сабаққа қатыстыруға мүмкіндік туды.
3. Олардың  әрқайсының деңгейін анықтай аласың.
4. Оқушылардың көбін бағалауға мүмкіндік аласың.
5. Оқушыларды ізденіске баулып, өз бетімен жұмыс істеуге үйретеді.
6. Оқушылардың қабілеттері, сөз саптау еркіндігі, ұйымшылдығы, шығармашылық белсенділігі артады. 
7. Жеке тұлғалық сипатын дамытуға, шығармашылығын шыңдауда, өзіне деген  кәсіби сенімін қалыптастырады.

Соңғы жарияланған материалдар тізімі

Шағын мектептегі инновациялық технология Б.Исаев. «Күріш туралы сыр». Астық тұқымдастар-бағалы азықтық өсімдіктер Астық тұкымдастар- бағалы азықтық өсімдіктер Өсімдік –өмір тірегі Қазақ халқының саяси тәуелсіздігін жоғалтуы. Ресейдің Қазақстанды жаулап алуының аяқталуы Астық тұқымдастар – бағалы азықтық өсімдіктер Астық тұқымдастар – бағалы азықтық өсімдіктер Көлдер. 6- сынып Қазақтардың ата мекенінен ауа көшуі

Бөлім: Уроки / Бастауыш сынып | Көрсетілім: 3449 | Қосты: NA | Ілмек сөздер: