Көрікті көктем

Басты бет » Уроки » Көрікті көктем

Көрікті көктем

Сайттан жүктеу

Көрікті көктем

Мақсаты: балалардың көктем туралы білімдерін бекіту.

Білімділік: көктемгі табиғат ерекшелігі мен өзгерістерге туралы білімдерін кеңейту,әңгімелесу.

Дамытушылық: құстарға қамқорлықпен қарауға және еңбексүйгіштікке баулу.

Тәрбиелігі: табиғатты аялай білуге , ұқыптылыққа тәрбиелеу.

Көрнекіліктер: көктем көрінісі ,құстардың суреттері,құстың ұясы

Билингвалдық компонент: көктем–весна,құстар-птицы,күн-солнце,ағаштар-деревья.

Әрекеттер кезеңі

Тәрбиешінің іс-әрекеттері

Балалардың іс-әрекеттері

Ынталандыру,сезімді ояту.

Балалар шаттық шеңберге тұрады.

Тәрбиеші:Балалар,Күн-анамыз бізге нұрын шашып тұр. Қане, бәріміз күн сәулесінен қуат алып , бір-бірімізге жылы лебіздер айтайық.Балалар бір-біріне жақсы тілектер айтады.

Ұйымдастыру - іздену:

- Балалар ,қазір жылдың қай мезгілі?

- Көктемде қандай өзгерістер байқадыңдар?

- Көктемде күн жылып , қар ериді , құстар ұшып келеді , ағаштар бүршік жарады .

- Көктем жайлы қандай тақпақ білесіңдер?

Айбек:

Көктем келді бүгін

Күн де төкті нұрын

Сайрап барлық құстар

Ән салуға құштар.

Құдырет:

Көктемде , көктемде

Күн нұрын төккенде

Көк шыбық былтырғы

Көгерді , құлпырды

- Балалар , көктемде жылы жаққа ұшып кеткен құстар оралады. Біз оларды ұя жасап қарсы аламыз. Ата-аналар көмегімен жасалған ұяны көрсетіп , серуенге шыққанда ағаш басына ілеміз.

- Балалар , осындай ұяны геометриялық пішіндер арқылы құрастырып, жапсырамыз .

Тақтада ұяны жапсыру ретін қағаз бетіне пішіндерді орналастыру ретімен түсіндіріледі.

Балаларды алдын ала дайындалған бөлшектер қойылған үстел басына шақырып , жапсыру жұмысы жүргізіледі.

Үшбұрыш , төртбұрыш , шеңберді жапсырамыз .

Сергіту сәті:

Қане , қанат жазайық

Құстай болып ұшайық

Ұшып-ұшып алайық

Орнымызды табайық

Тыйым сөздер

Құс ұясын бұзба.

Жұмыртқаға тиме.

Құсқа тас лақтырма.

Ұшты-Ұшты ойыны.

Ұшты-ұшты қарлығаш ұшты

Ұшты-ұшты қарындаш ұшты

Ұшты-ұшты қарға ұшты

Ұшты-ұшты арба ұшты

Ұшты-ұшты үйрек ұшты

Ұшты-ұшты бүйрек ұшты

Ұшты-ұшты қаз ұшты

Ұшты-ұшты саз ұшты

Топтастыру «Құстар» (суреттер арқылы)

Рефлексивті- түзету

Балалар құстың ұясына таң қалып , өздерінің топта жасаған жұмысын әңгімелеп береді. Барлық жұмысқа оң баға беріледі.

Құстар біздің досымыз

Ұя жасап,қарсы алып

Біз оларды қорғаймыз.

Күтілетін нәтиже:

Білу керек: Құстардың атын атар,топтастыру,қорғай білу.

Игеру керек: дайын бөліктерден ұяны құрастырып,жапсыру.

Меңгеру керек: ойынды бірлесе ұйымшылдықпен ойнауды

Соңғы жарияланған материалдар тізімі


«Орман еңбекшілері. Қ қ дыбысы мен әріпі»

Құстар

Құстардың көктемгі тіршілігі.

Құстар қайда қыстайды?

«Құстар біздің досымыз»

«Қайтпай қалған қарлығаш»

Құстар- біздің досымыз

«Құстар біздің досымыз»

Қорқақтық жараспайды

Ойындар жинағы