Сүт қалай ұйықтады?

Басты бет » Уроки » Сүт қалай ұйықтады?

Сүт қалай ұйықтады?

Сабақтың тақырыбы: Сүт қалай ұйықтады?

Сабақтың мақсаты:

Біліктілігі: Оқушылар мәтіндегі негізгі ойды, идеяны, ұғыну арқылы мысалдың мазмұнын меңгереді. Ой қозғалу стратегиясын пайдалана отырып, оқушылар сұрақ қою арқылы жан жақты ойлауға үйренеді.

Дамытушылығы: Дәлелді сөйлей білуге үйренеді. Ой өрістерін, тілдерін, сөздік қорын дамытады.

Тәрбиелігі: Салақтық, ұйқышылдық, мақтаншақтық, өсек айту, еріншектік, жалқаулық сияқты жаман әдеттерден аулақ болуға, тұрақты батыл болуға тәрбиеленеді.

Сабақтың әдісі: СТО технологиясының әдістері эссе, болжау әдісі, бес жолды өлең әдісі, галереяға саяхат, топпен жұмыс.

Сабақтың көрнекілігі: Сөзжұмбақ, танымдық тапсырмалар, сюжетті суреттер, интерактивті тақта.

Сабақтың барысы:

І.Ұйымдастыру кезеңі

Оқушылардың назарын сабаққа аудару.

ІІ.Қызығушылықты ояту

«Адам болам десеңіз» атты тарауды өттік. Біз өткен сабақта қандай жаман қасиеттен аулақ болуды білдік?

а) Ой шақыру

Қандай жаман әдетті білеміз? Сұрағы бойынша топтау әдісін пайдаланып, білгендерін интерактивті тақтаға жазамыз.

ІІІ.Мағынаны тану.

а)Жаңылтпашты жатқа айту

Ұйқышыл кісіні ұйқы қысты

Ұйқышыл кісінің ұйқысы күшті

Бүгінгі сабақта жаман қасиеттер ұйқышылдық пен салақтық екенін білдік.

ә)Сөз жұмбақ

1.Төр түліктің бірі не?

3.Дорбадағы құйылған айран не болады?

3.Сөреге кептіріп жайған не?

Сонда бүгінгі өтетін тақырыбымыз «сүт қалай ұйықтайды?» ертегісі.

- Бұл ертегіні жазған кім?

- Оспанхан Әубәкіріов

б)Автормен таныстыру.

в) Оқулықпен жұмыс:

Болжау әдісі:

Сүт бір күн ұйықтапты.

Қатты ұйықтапты

Ұйықтағаны соншалық,

Ұйып қапты.

- Балалар ары қарай не болыпты деп ойлайсыңдар?

- Ұйыған сүт неге айналады?

«Ойбай, сүт ұйықтап қапты,

Ұйықтап қапты!

Қарап отырып,

Айран бопты»,-

Деп, ел-жұрт қайран қапты.

- Ұйып қапты дегеніміз не?

- Ұйықтап қапты дегеніміз не?

Сүт ұйқысын қоя алмапты

Айқайлап жатсада оянбапты

Мүлдем берекесі қашыпты,

Айран болу оңай ма?

Бықырып тұрып ашыпты.

- Ұйқы бізге дос па, дұшпан ба?

- Балалар ары қарай не болыпты?

- Қане кім айтады?

Ашыған айран быжынып,

Қазанға сыймай құтырыпты.

Сүт ұйқысын қоя алмапты

Апталап жатсады оянбапты.

«Ұйқы дұшпан» деген ғой,

Сүт бір күні іріп апты

Сүттің мұндай қылығын

Әжем ғана біліп қапты

Не дерін білмей тұрып қапты,

- Балалр әжесі ол іріген сүтті не істеді деп ойлайсыңдар?

- Сендер білесіңдер ме№

«Бұл сүтке ұйқы ұя салыпты»

Депті де әжем айранды

Бір дорбаға құя салыпты.

Сүт сонда ған оянып,

Еңіреп тұрып жылапты.

Көзінің жасын бұлапты.

Бәлкім жұрттың өсегі

Әңгіме ғой кешегі

«Дорбадан аққан сары су

Сүттің көз жас,- деседі.

- Әжеміз быжынаған айранды қалтаға неге құйды деп ойлайсыңдар?

- Одан не ақты?

- Сары судың пайдасы барма?

- Қалтадағы сүзбеден не істейді?

«Мұнымыз өтірік» десең де,

Ертегіге сыяды-ау

Әй, дегенмен балалар,

Көп ұйықтаған зиян ау.

- Көп ұйықтаған неге зиян?

- Ол балаларжы еріншектікке, жалқаулыққа, сабақтын кешігуге, жігерсіздікке, талапсыз болуға, талпындырады.

Есіңе сақта! Балалр 11-12 сағат үлкендер 8 сағат ұйықтайды.

г) Сұрақ-жауап:

1.Ертегіде ненің әрекеті суреттелген?

2.Ертегідегі нақыл сөзді тап.

3.Мәтіндегі қорытынды ой айтылған жолды тап.

Дәптермен жұмыс: «Ұйқы – дұшпан» нақыл сөз

ғ)Ой қозғау:

- Ақ сиырдың сүтін іш,

Сүт береді саған күш.

Жылы мөлдір суға түс,

Тұмау тисе қуа түс,

д) Эссе:

«Сүт береді саған күш» әр оқушы өз пікірін жазып, тақтаға жапсырып қояды. Мұғалім сабақтың арасында тақтаға жазылған галеряға саяхат жасайды.

ж)Топпен жұмыс:

І – топ: Құрт қалай жасалады?

ІІ – топ: Сары май қалай жасалады?

ІІІ – топ: Ырым-тыйым.

з)Бес жолды өлең:

Не? Сүт

Қандай? Ақ,дәмді.

Не істейді? Сауады, ұйытады, ішеді.

Дәмді, ақ сүтті ұйытады. Ағарған.

ІУ. Ой толғаныс:

Дискуссиялық карта

Сүт өнімдері адам ағзасына пайдалы ма?

Иә Жоқ

Сүт өнімдері адам ағзасына пайдалы.

Сүтті көп ішкен адамның өмір жасы ұзақ болады екен.

Сүттің ішінде дәрумендер көп. Сүтті алюминий ыдысында ұзақ сақтауға болмайды.

Сүт ұзаққа шыдамайды, ашып кетеді.

Кез келген адамнан сүт алуға болмайды. Сүтке әк, су қосып жіберуі мүмкін.

Қорыта айтқанда сүттен алынған құрт, май, айрандардың адам ағзасына пайдасы көп. Әрқайсысының өзіндік емдік қасиеттері бар. Ешкінің сүті адамдарға пайдалы.

Төрт түліктен алынған сүттер мен стерилденген түрін салыстыру.

Қымыз асқазанға, ұйқы безіне, жүйке жүйесіне, жүрек, қан тамыр, қан аздығы, өкпе туберкулезін емдеуге пайдалы. Ұзақ жасайды. Тәбетін ашады.

Шұбат – қанның қызыл, ақ, түйіршіктерін арттыруға. Бауырдағы зат алмасуды қалыпқа келтіреді. Жүйке жүйесін емдейді. Созылмалы ауырғандарға ем.

Сүтте В2,Д,А1 дәрумендері бар. Сүт адам ағзасына кальцийді көбейтеді және сүйектерді қатайтады.

Үйге тапсырма:

«Сүт қалай ұйықтады?» ертегісін мәнерлеп оқуға жаттығу.

Қорытынды:

Сабаққа қатысқан оқушыларды бағалау. Мынандай анимациялы парақшалар таратып беру. Оқушылар өздерінің қандай баға алғанын көрсетеді.

Соңғы жарияланған материалдар тізімі


Үш арсыз

Мақтаншақ бұлақ

Сиыр

Сүт қалай ұйықтады? О.Әубәкіров

Төрт түлік

Абай Құнанбаев Адам болам десеңіз

Сүт өнімдері

Үй жануарлары

Еріншек ашық сабақ

Тәкаппар. Шона Смаханұлы