Берекелі күз – мерекелі күз - Ашық сабақтар - Ашық сабақтар - Ашық сабақтар

Басты бет » Уроки » Берекелі күз – мерекелі күз

Берекелі күз – мерекелі күз

Сайттан жүктеу

Тақырыбы: Берекелі күз – мерекелі күз

Жүргізуші: Уа, халайық, халайық,

Мұнда назар салайық!

Мерекесі халықтың

Алтын күзге арналған,

Кешімізді бастайық!

ІІ жүргізуші: Қайырлы күн! Армыссыздар, құрметті ата – аналар мен балалар! Ел байлығын арттырған, берекелі күз айы да келді. Күзді құрметтеп бүгінгі «Берекелі күз – мерекелі күз» атты ертеңгілігімізге қош келдіңіздер.

І жүргізуші: Біз - бақытты баламыз

Би билеп, ән саламыз.

Құс боп қанат қағамыз

Міне, былай қараңыз.

(Ортаға «Балдырған» тобын шақырамыз. (Музыка ырғағымен шығады).

ІІ жүргізуші: Көңілді өскен баламыз,

Шырқатып әнге саламыз.

Тойымызға сән берер,

Ән де айта аламыз.

Хор: «Жау, жау жаңбыр» әні

І жүргізуші: Алтын күз мерекесіне арналған тақпағымызды айтайық.

Балбала: Бұтағындай емініп,

Күзде жеміс піседі.

Сабағынан жел үзіп,

Жерге топ – топ түседі.

Жәния: Ой, балалар, балалар,

Қоңырай күз болыпты.

Құрап жапырақ солыпты,

Ел егінін алыпты,

Ақ үзіктер жауыпты.

Айзат: Алтын, сары, қызыл, көк,

Алуан – алуан жапырақ.

Күзгі бақта күлімдеп

Көз тартады атырап.

Мадияр: Күн шуаққа маужырап,

Жатыр еді атырап.

Ағаштар жамырап,

Ұшты кенет жапырақ.

Аруна: Таудан жақын жел соқсаң,

Сыбдырлайды қалтырап.

Жақын қалды желтоқсан

Жабыр қайды жапырақ.

І жүргізуші: Жапқандай жапырағы іздерді,

Қуантып жапырағы ізгі елді.

Бір тойдырып қайту үшін елімді

Сабырлы сары алтындай күз келді.

(Ішке сары киім киген түрлі – түсті жапырақтар тағылған Алтын күз ханшайымы кіреді).

ІІ жүргізуші: Қош келдің, Алтын күз. Өзіңмен бірге береке, байлық, молшылық, тоқшылық ала келдіңіз. Оған біз өте қуаныштымыз.

Алтын күз: Балалар мен сендерге әдемі түрлі – түсті жапырақтар ала келдім. Қане, балаларымыздың маған қандай сыйы бар екен.

ІІ жүргізуші: Ән: «Біз бақытты баламыз».

І жүргізуші: Ендігі кезекті балалардың тақпағына берейік:

Назым: Үйрек – үйрек қаздарды,

Шулайды көл жағасы,

Дәурен өтіп жаздағы

Күздің желі соғады.

Гүлден: Алма, өрікті қамбаларға ,

Толтырыпты Алтын күз.

Шәкірт болып парталарға,

Отырыпты Алтын күз.

Абдрасул: Ақтарады мырза күз,

Уылжыған жемісін.

Күзге біз де ризамыз

Аянбаған ел үшін.

Даниял: О, алақай, тамаша,

Шашу шашты жапырақ.

Бақтың іші алаша,

Аунар ма еді жатып ап!

Айғаным: Сау – сау етіп жапырақ,

Сабағынан үзілді.

Қоңыр тартып атырап,

Көкте құстар тізілді.

Алтын күз: Балалар мен сендерге бір ойын алып келдім. Ойнағыларын келе ме?

- Балалар: Ия.

Ойын: «Көкеністер мен жемістер» жинау.

І жүргізуші: Балалар Адельдің орындауында «Қуыршақ» әні.

ІІ жүргізуші: Бала, бала балдаймыз,

Балдай тәтті баламыз.

Бала болып ән салып,

Би де билей аламыз.

Би: Орыс биі

І жүргізуші: Ендігі кезекті балалардың тақпағына берейік.

Дильназ: Ұшты талдан жапырақ,

Сары көбелек секілді.

Аспанда жай шатырлап,

Тамшы жерде секірді.

Дамир: Астық, жеміс жиналды,

Қамбаларға құйылды,

Ардақты күз, мың алғыс,

Алдым өнім сайымды.

Нұрперзент: Дала сары секілді,

Самал соқты салқындау.

Қырмандарға үйілді,

Алтын астық, алтын дән.

Бекзат: Көбейеді құт - береке,

Астық толы қамбамыз,

Құтты болсын мереке,

Алтын күзді тойлаймыз.

Ж.Ислам: Кездескен соң күзімен,

Бұтағынан үзілген.

Ай жапырақ сары алтын,

Айналаның бәрі алтын.

Әлкен: Туған жерден кетерде,

Қоңыр әнге саламыз.

Қош болыңдар бәрің де,

Қимай кетіп барамыз.

ІІ жүргізуші: Айзеренің орындауында «Анашым» әнін қабылалыңыздар.

І жүргізуші: Ендігі кезекті «Шалқан» ертегісіне берейік.

ІІ жүргізуші: Бізге қонаққа шие, жүзім, құлпынай, өрік келіпті, қарсыалайық.

Өрік: Өрік, алма, шие, алша,

Қауын, қарбыз, қияр

Дүкендерге түседі.

Шие: Мен шиемін, шиемін,

Күннің көзін сүйемін.

Қышқыл шырын менде бар

Төмен басты иемін.

Жүзім: Жүзім пісті бір – бірлеп,

Үзіп мәзбіз біз енді

Қоңырауы күңбірлеп

Қыркүйекте күз келеді.

Құлпынай: Жапырақта тасалап,

Өскен жері бақша – бақ.

Күлен қызыл шиені – ай,

Оның аты құлпынай.

І жүргізуші: Балалардың орындауында «Балапан»әнін қабылалыңыздар.

Хор: «Балапан» әні.

І жүргізуші: Балалар, бүгінгі күз мерекесіне арналған ертеңгілігімізді аяқтағалы отырмыз. Берекелі, мерекелі жомарт күздің сыйы әрбір отбасының ақ дастарханынан арылмасын.

ІІ жүргізуші: Еліміз аман болып, заманымыз тыныш болсын. Осымен біздің «Берекелі күз – мерекелі күз» мерекесіне арналған ертеңгілігімізді аяқтаймыз.

Соңғы жарияланған материалдар тізімі


Күн бұлтпен қонаққа келеді

«Алтын күз»

Алтын күз мерекесінің сценарийі

Алтын күз

Берекелі күз

Еліне береке сыйлаған»

"Алтын күз"

Армысың алтын күз

Берекелі, алтын күз Мерекелі, алтын күз

Алтын күз