Мектеп кітапханасы – оқу процесіне қажетті құжаттармен және ақпараттармен қамтамасыз  ететін оқу кітапханасы.Ол кең көлемдегі кітапханалық – ақпараттық жүйенің бір бөлімі.

     Бүгінгі таңдағы мектеп кітапханасы өз заманының даму деңгейінде болып,мектептің оқушыларға тәрбие беруі мен оқытуына белсенді көмек беру қажет.Қазіргі заманда ақпарат көздерінің қаншалықты көбеюіне қарамастан кітап және мерзімді басылымдар кітапханадағы негізгі ақпарат көзі болып қала береді.

     Мектеп кітапханасында бала шын мәнінде алғаш рет кітаппен жұмыс жасай бастайды.Бастауыш буын оқушылармен өткізілетін кітапханалық сабақтардың орны ерекше болып отыр. Әдәістемелік құралдың мақсаты – оқушылардың ұлан-байтақ кітаптар әлемінен өздеріне қажеттісін ажырата алуына көмектесу,кітапқа деген құрмет пен сүйіспеншілікті қалыптастыру,кітаппен жұмыс жасай білуді үйрету. Оқырмандардың ақпараттық сауаттылығы мен мәдениетін қалыптастыру тақырыптарын қамтыған мектеп кітапханасы жұмысының тәжірибесінен алынып,кітапханалық сабақтар мен сабақты өткізуге көмектесетін қосымшаларды кітапхана мамандарына көмек ретінде ұсыну.

    1. «Кітаппен бірге ер жетеміз» (Кітаптың шығу тарихымен таныстыру. Кітапты қадірлеп,сүйе білуге тәрбиелеу)

    2. «Кітаптың құрылысы»  (Кітап құрылысымен таныстыру.Танымдық ойын).

    3 «Дүниедегі барлық сұрақтардың кілті»  (Энциклопедия,анықтамалық,сөздіктермен таныстыру).

    4. «Кітап - рухани қазына» (Кітапқа деген қызығушылығын арттыру,кітапханалық сабақ)

    5. «Қара сөздің қас шебері» (О.Бөкейдің 70 жылдығына арналған конференция)

    6. «Кітап – ойдың талмас қанаты» ( сайыс түріндегі сабақ)

    7. «Абай ой данасы,қазағымның панасы» атты Абай  Құнанбайұлына  қазақ ақыны,қазақәдебиетінің негізін салушы, ойшыл,ағартушы,философқа кітап көрмесі ұйымдастырылды.