Интелектуалды сайыс

Өткізген: Ақтөбе облысы, Шалқар ауданы, аудандық  көркемсурет лицейінің кескіндеме пәні  мұғалімі Құндақбаева Тамара Төлепбергенқызы

Білім бәйгесінің мақсаты: Пәндер бойынша оқушылардың білім деңгейлерін бақылау,білімді оқушыларды анықтау, білімді ,тапқыр, ізденімпаз оқушылар қатарын көбейту. Лицейейміздің білімді де жан-жақты оқушыларын анықтау.

Пәнаралық байланыс: Кескіндеме, сурет,  композиция, сәндік қолданбалы өнер, мүсін.

         Мұғалім: Адамзат тарихында қай кезеңде болмасын ғұламалар ғылым мен білім мәселелеріне ерекше көңіл бөлген. Қазіргі ғаламдық заманда 50 елдің қатарына қосылу үшін білімнің аса қажет екенін Елбасы Н.Ә.Назарбаевта жолдауларында баса көрсетті. Қазақстан Республикасы өркениетті ел болу үшін ең бастысы білім. Білім-патриотизм негізі. Білімді болу жүйелі түрде үйренудің, оқығанды зердеге, миға тоқудың нәтижесі. Бүгінгі сайысымыздың ұраны:

Білекті бірді жығады,
Білімді мыңды жығады.
Ойын толық, айналған қатты ағысқа
Табылғандай танымда, жат дауыс та.
Біреу озып келеді қатарынан,
Біреу қалып жатады асығыста.
Ойын толық жатқандай асып, тасып,
Біреу мығым, біреулер шалыс басып.
Бұл ойыннан өтеді ғұлама ойлар,
Жеңсең де жеңілсең де қал ма жасып.

Құрметті Ұстаздар, сайысқа қатысушы үміткерлер 2 сынып оқушылары. «Білімді мыңды жығады» атты интелектуалды сайысын бастауға рұқсат етіңіздер. Барлығы 6 оқушы. «Батылдық-балалық шақта шыңдалады» десек баланы бала ететін тәрбие құралының бірі-ойын екендігі белгілі. Ортаға сайысқа қатысушы үміткерлерді шақырамыз.

1-топтың аты: «Білімділер»

Өсиеттері: «Білімділер мен дос бол – тарыққанда ақыл береді. адамшылығыңды біледі»

2-топтың аты: «Білгіштер»

Өсиеттері: «Білгіштермен дос бол –  адамшылығыңды біледі»

  Сайыстың кезеңдерімен таныстырып өтейік.

І. Жалпы сұрақтар.
ІІ. Көкпар.
ІІІ. Бәйге.
ІV. Жорға.

І. Жалпы сұрақтар.

 Бағалануы 10 ұпай. Ұпай сандарын айтып отыру. Ұпайы аз ойыншы келесі ойынды бастайды. Жауап бере алмаса, жауап беру келесі ойыншыға ауысады.

1 сұрақ.Сурет салу үшін не керек деп ойлайсыңдар?

2 сұрақ.Пропорция дегеніміз не? (бейнеленетін заттардың үлкенді-кішілі бөлігінің арақатынасын салыстырып белгілеу)                                                                         

3 сұрақ. Үйлестіру, орналастыру қалай аталады? (композиция)

4сұрақ. Акварель дегеніміз не?(суға тез еритін түссіз желімдерге жұғыстырылатын сулы бояу)

5 сұрақ. Анималистік жанр дегеніміз не?(жан-жануарларды бейнелейтін көркем шығарма)

6 сұрақ. Суретті неше кезеңге бөліп салуға болады? (4)

       Пәндер бойынша әртүрлі жанрдағы суреттер  беріледі. Ойланып, қай пәнге, жанрға жататынын айтуларың керек.

                          Пейзаж                 Портрет                     Натюрморт

 

                      Мүсін                 Сәндік қолданбалы өнер          Композиция

       

   ІІ. Көкпар. Әр пәннен 3 сұрақтан қойылады. Жауап нақты әрі тез болуы керек. Қай ойыншы бірінші болып карточкасын көтереді, сол оқушы бірінші жауап береді. Бағалануы 10 ұпайдан. Жалпы ұпайды есептеу.

Сурет пәнінен:

1. Сызықтын үш негізгі түрі? А) түзу Ә) ирек   Б)сынық   В) үшбұрыш
2. Дұрыс сурет салу  үшін  не  керек?  А) түстану   Б) үйлестіру  В) мүсіндеу 
3. Жұмыс бітер кезде  не  істейміз?   А) түзетеміз  Б) кептіреміз  В)бояймыз

Кескіндеме пәнінен:

1.Табиғатта не бейнелейміз? А) жер,су,өсімдік   Ә) қол,аяқ,бас   Б) мұрын,көз,ауыз

2.Пейжаз  дегеніміз  не?  А) құмыраны  бейнелеу  Ә)  үйді  бейнелеу  Б)  табиғатты  бейнелеу

3.Кескіндемеге қажетті құралдар? А)бояу,қылқалам  Ә)тушь,қаламұш Б)ермексаз,саз балшық

Композиция пәнінен:

1. Композицияның негізгі талабы? (шығарманың көркемдік бірлігін табу)

2.Табиғат көрінісі бейнеленген көркем шығарма? (пейзаж)

3. Адам келбетін бейнелейтін жанр қалай аталады? (Портрет)

Сәндік қолданбалы өнер. Дизайн пәнінен:

1.Жапырақ  өрнегі қандай  ою-өрнекке  жатады?  А)жануарлар   Ә)өсімдік    Б)аспан денелері                                                                                             2.Заттардың көркем үлгісі?  А) оригами  Ә) дизайн  Б) қолөнер            3.Коллаж сөзі қандай мағынаны білдіреді? А) Қиынды қағаз Ә)  Жабыстыру Б) Көріністер                                                                                                             Коллаж неден жасалады? А) Қағаз, журнал қиындысы Ә) суреттерден  Б) матадан

Мүсін пәнінен:

1. Мүсіндеуде қандай құралдарды қолданамыз?

    -ермексаз             -сазбалшық

    -қалақшалар        -мүсін тұрғызатын орын          -қалып

2. Мүсіндер қандай материалдардан жасалады? А) ермексаз Ә) құм     Б) қиыршық тас                                                                                                                     3. Кескіндемеден мүсіннің айырмашылығы неде?  А) бояуында  Ә) кенепте  Б) пішінде

Жалпы ұпай санын анықтау.

Қызығушылығын ояту

 Мұғалімнің сөзі:

1.Суретті әрлеп,бояу үшін не қажет?

- түстер 

2.Бояу үшін қандай құрал қолданамыз?

 - қылқалам

                       

ІІІ. Бәйге.

Қарап тұрмай бәйгеге еріңіз, 
Шәкірттерге әділ шешім беріңіз
Жүзден жүйрік мыңнан тұлпар шығарар,
Бәйге, бәйге, бәйгелерді көріңіз.
Мәңгі бақи есте қалар,
Ғажайып бір кеш болсын.
Білімдірек шәкірт озар,
Қиынырақ сұрақ болсын

         10,20,30,40 ұяшықтарын таңдап, сол ұяшықтардың сұрақтарына жауап береді. Ұпай аз ойыншыдан бастаймыз. Жауап бере алмаса, дайын оқушы жауап береді де, жауабы дұрыс болса, ұяшық таңдайды.

Сурет 10 20 30 
Кескіндеме 10 20 30 
Композиция 10 20 30 
Сәндік қолданбалы өнер.Дизайн 10 20 30                                                              Мүсін 10 20 30

«Сурет»

10.Көптеген, біртектес сызықтар жиынтығын не дейміз? (штрих)

20.Штрих түрлерін ата?(түзу, көлбеу, тік, кереге көз, доғал)

30.Жарық дегеніміз не? (нәрсеге сәуле түскен бет жарық деп аталады)

«Кескіндеме»

        10.Жансыз заттар мен бұйымдар бейнеленген көркем шығарма?(натюрморт)

        20.Портрет-дегеніміз не?(Портрет дегеніміз-адамның келбеті, тұлғасы бейнеленген көркем шығарма)

       30.Бір түсті бояу, қарындаш, тушь арқылы орындалған сурет? (графика)

«Композиция»

10.Композиция дегеніміз не?

20.Компоновка дегеніміз не? (Компоновка дегеніміз- нәрсенің біріктірілген ұсақ, жеке бөлшектерінің біртұтас, бүтін болып көрінуін қамтамасыз ету)

30.Негізгі көрінісі бейнеленген, сызықпен салынған сурет? (нобай)

«Сәндік қолданбалы өнер.Дизайн»

10. Сәндік қолданбалы өнер дегенімізді қалай түсінесің? (эстетикалық салаларға ие практикалық пайдалы заттар жасауды айтады)

 20.Заттардың көркемдік үлгісін жасау дегеніміз не? (дизайн)

30. Аппликация-дегеніміз не? (жабыстыру немесе қиыстыру арқылы орындалған көркем шығарма)

«Мүсін»

          10.Мүсін дегеніміз не? (қатты материалдардан фигураларды қашап жасауды, шекуді білдіреді)

20.Рельеф дегеніміз не? (тек бір жағынан қарағанда жақсы көрінетін, жазық бетіндегі мүсіндік бейне)

30. Мүсін жасауға арналған жұмсақ материал? (пласталин)

Барлық ұпайды есептеп, ұпайлары көп екі ойыншыны қалдырамыз.

ІV. Жорға.
        Плакатқа сөздер жазылып ілінеді. Әр топ өзіне арналған плакаттағы тапсырмаларды орындайды.Тез әрі дұрыс жауап беру керек. Дұрыс жауапқа 1 ұпайдан.
        Асып тасып, асықпа,қалыспа сен.
        Уақыт деген зымырап , зулап жатыр,
        Шапшаңдық бұл сайыста керек екен.
        Жоғары, жоғары, жорғала
        Шапшаңдыққа таң қал ма.
        Ойын деге нарталас
        Жеңілемін деп ойлама.

 Жемістердің атын білдіретін сөздерді боя:

Сұлы арпа шабдалы

Алма өрік алмұрт

Шие алма күріш

Жер-су аттарын боя:

Асқар Әсет Балқаш

Ақтау Көкшетау Есік

Іле Ақмола Пияз

Заттың атын білдіретін сөздерді боя:

Ағаш үлкен қонақ үй

Айбек дәптер арба

Сары нан аппақ

Сөйлемдерді дұрыс құрастыру

1 топ: Мал, жайылды, өріске.

Бұтақта, отыр, құс.

2 топ: Сабақ, оқыды, Асқар.

Жинадым, мен, үйді.

Қорытынды: Қазылар алқаларының қорытындысы бойынша сайыскерлердің жинаған ұпайлары есептелініп, жеңімпаздарды анықтап, мақтау қағаздарымен марапаттау. Қатысушы оқушыларға көп рахмет!    

Соңғы жарияланған материалдар тізімі

Сәндік қолданбалы өнер Натюрморт жанры Кескіндеме Білімпаздар бәйгесі Композиция және перспектива Бектауата маңындағы тауындағы тастардан сувенир жасау Африкада кімдер тұрады? Көркем қолөнерді қорытындылау Ш. жобаға жұмыс таңдау. Ағаш ж/е басқа материалдармен жұмыс істеу Сабақтың тақырыбы:Қазіргі заманғы сәндік өнері

Бөлім: Уроки / Сыныптан тыс жұмыстар | Көрсетілім: 4128 | Қосты: NA | Ілмек сөздер: