Менің анам – осындай

Тақырыбы: «Менің анам – осындай»

Мақсаты:1.Оқушыларды мейрімділікке, аналардың өлшеусіз еңбегін бағалай білуге үйрету. Анасын сүю арқылы еліне, жеріне деген сүйіспеншілігін арттыру.

2.Дүниедегі жақсылық атаулының бәрі күннің нұрынан, ананың мейірімімен тарайтынын ұғындыру.

3.Ана тілінен оқып үйренген өлең, тақпақтарын мәнерлеп айтуға машықтандыру, сөз қадірін түсінуге тәрбиелеу.

Көрнекілігі: Қанатты сөздер, суреттер, үнтаспа,гүл шоғы.

Барысы: 1.Ұйымдастыру.

Мұғалімнің құттықтау сөзі:                                                                                                                 Құрметті ата-аналар, ұстаздар, қонақтар! Сіздерді 8-наурыз халықаралық әйелдер мерекесімен құттықтаймыз! Сіздерге шат көңіл, ұзақ ғұмыр, бақытты өмір тілейміз.Ана әлемнің жандүниесі, оның бастауы  мен таусылмайтын жалғасы. Ана сөзі бізді елең еткізбей, жылылық пен шуақты сездірмей қоймайды.   Әлемдегі ең асыл сөз – ана.                                                                        Сонымен біздің сынып оқушылары ұйымдастырған «Менің анам - осындай» атты ашық тәрбие сағатын ашуға рұқсат етіңіздер. Ендігі кезекті осы бүлдіршіндерге берелік.

1 - жүргізуші: -Түсінбеймін... түсінбеймін...                                                        2-жүргізуші: -Шыңғыс, сен нені түсінбейсің?                                                       1 - жүргізуші: -Неге күнтізбеде 8 –наурыз қызыл бояумен берілген? Ол қандай мереке?                                                                                                                 2-жүргізуші: -Сен оны әлі білмейсің бе?                                                                          -Балалар, Шыңғысқа түсіндіреміз бе?                                                                            Бәрі: Түсіндіреміз!                                                                                                  2-жүргізуші: -Алдымен ең қарапайым нәрседен бастайық. Айналаңа қарашы! Аспанға көз салшы! Енді терең дем ал!

1 - жүргізуші: -Ал, қарадым, аспанға көз салдым, терең дем алдым. Сонда не болды?

2-жүргізуші: -Не болғаны несі? Балалар, қай мезгіл келді? 

Бәрі: Көктем.

Ән: «Көктем келді»

Ақниет:

Ой, балалар, балалар,                                                                                              Жылы-жылы жел соқты,                                                                          Жылғалардан су ақты                                                                                             Қаңқыл-қаңқыл қаз кепті                                                                                           Жер қарайды жаз кепті.                                                                                        Желкілдейді көк майса                                                                                       Желіндейді мал жайса.

Әрсен:                                                                                                                   Қарды ерітіп өкпек жел,                                                                                              Қақты көктем қоңырауын.                                                                                             Мұз аралас ақты сел,                                                                                                                          Жуып жердің омырауын.

Динара:                                                                                                                               Көктем күні көрікті                                                                                                             Күн шұғыла төгіпті.                                                                                                        Сол көктемде мереке,                                                                                                            Дүниеге келіпті.                                                                                                        Көктем күні қуатты,                                                                                                               Шашты әлемге шуақты                                                                                                  Наурыз өзі өмірді                                                                                                 Нұрландырған сияқты

Зарина:                                                                                                                                  Наурыз келді, анажан серпіліңіз,                                                                   Шуақтанып, шаттанып желпініңіз.                                                                    Кеудеңізде керемет оттар жатыр,                                                                               Сізден жылу әлемін күткеніміз!

2-жүргізуші:                                                                                                                          -Шыңғыс, сен балалар айтқан өлең шумақтарынан 8-наурыз қандай мереке екенін түсіндің бе?

1 - жүргізуші:

-Иә, Назерке, мен бәрін түсіндім. 8-наурыз аналар, апалар мерекесі. Қымбатты аяулы аналар, біз сіздерді мерекелеріңізбен құттықтаймыз! Шыңғыс:                                                                                                                          Ақ сүтінен жаралған,                                                                                                       Ақ сүтінен нәр алған,                                                                                                               Анаға бас иеміз!                                                                                                                      Туған елдің тілі деп,                                                                                                           Туған жердің үні деп,                                                                                                   Анаға бас иеміз!

Аяулым: -Осы отырған бәріміз аналарға борыштармыз. Оларға айтылар алғысымыз шексіз емес пе?! Елбасымыз Н.Ә.Назарбаев былай деген: «Шығыс халықтарының арасында, жалпы мұсылман әлемінде әйел затын ерекше бағалайтын, қарындасты қатты қадірлейтін халықтардың бірі де, бірегейі де біздің қазақ».

Ендеше бүгінгі айтылар ән де, ақ тілек, жылы сөз, күмбірлеген күй, барлығы сіздерге арналмақ.

Ән: «Ақ мамам»

Би: «Қара жорға»

Айдар:

Ана десем алғыс алам халқымнан,

Ана десем, теңіз болам шалқыған.

Ана десем, ашылады қабағым,

Ана десем әділдікті ұғынам.

Динара:

-Ананың алдында барлық адамзат қарыздар. Ана қарызы алтынды ақ орда салуды қаламайды. Ана баласының ер жетіп, адам болуын қалайды. Анаға одан артық тартудың қажеті жоқ.

Дидар:

Адам бар ма ана сүтін таптаған,

Алуан-алуан ауыр сынды аттаған,

Адалдықты, ер намысты сақтаған,

Мен ананың сонысына мақтанам.

Аяулым:

-Ананың қоғам өмірінде алатын орны үлкен. Ана –перзент тәрбиелеуші, Ана –қызметкер, Ана –ғалым, Ана –ғарышкер, Ана –зейнеткер. Сондықтан да әркім өз анасы жөнінде толғанады, ойланады, сағынады.

1 – жүргізуші:Анамызға деген біздің көңіліміз,мейіріміміз ұшан-теңіз.Анамыздың көңілі шат,жүзі жарқын,дені сау болуын әрқашан тілейміз.Тек тілеп қана қоймай анамыздың қабағына мұң ұялатпау үшін білім аламыз,еңбегімізбен қуантуға тырысуымыз қажет деп ойлаймын.Ана үшін баласының жетістігінен артық бақыт жоқ!Оқушылар өз аналары жайлы жазылған шығармаларын сіздерге ұсынады.

Шығарма: «Менің анам -осындай»

2-жүргізуші:

Не деген құдірет едіңіздер,аналарым!

Сыйынатын болса өмірде құдірет,

Сыйынар ем,ана деген тәңірге!                                                                                                                         

Ана туралы мақал –мәтелдер:

Айдар:Анаңа ауыр сөз айтпа!                                                                                             Атыңа ауыр жүк артпа!

Зарина:Ананың сүті –бал,                                                                                                      Баланың тілі –бал. 

Назерке:Ағайын –алтау, ана –біреу.

Аяулым:Ана сүтін ақтамағанды                                                                                           Ешкім мақтамайды.

Шыңғыс:Ананың басқан жерінде пейіш бар.

Динара:Ананы сыйламаған басқаны сыйлап жарытпас.

Арсен:Алып анадан туады.

1 – жүргізуші:Мереке қарсаңында барлық гүл шоқтарын аналарға сыйлаймыз!Аналарымыздың құшақтары гүлге толсын!Ия,бүгін аналардың мерекесі.Тек біздер айтар бір тілек сол мереке мәңгілік болсын!Анаға құрмет көрсете білу халықтық тәрбиенің басы!

Шаттық шеңбері: Оқушылар аналарына тілек айтып,гүл шоқтарын сыйлайды.

Ән: «Ана туралы жыр»

Мұғалім сөзі:

Ана-біздің күніміз,                                                                                                                                           Ананың біз гүліміз.                                                                                                            Ұланды ана қуантып,                                                                                                   Ұзақ өмір сүріңіз!

8 –наурыз мерекелеріңіз құтты болсын!

     Балалар, «Бала –ананың бауыр еті, көз нұры» деген халқымыз, аналарымызды жақсы бағамен, үлгілі мінезімізбен, жеткен жетістіктерімізбен қуанта берейік, ананың қуанышына айналып сендер де аман сау болыңдар!

 

 

Соңғы жарияланған материалдар тізімі

Менің анам – осындай Аяулы әже, ардақты ана, ару қыз. Қыз сыны Айналайын ана, мерекеңізбен! Ана - өмір шуағы. Ана- бақыт, ана -нұр Мерекеңмен анашым Мерекеңізбен аяулы - Анашым! Ана- өмір гүлі Ана – өмірдің шуағы

Бөлім: Уроки / Бастауыш сынып | Көрсетілім: 4203 | Қосты: Нұрмағанбетова Қарлығаш Оразқызы | Ілмек сөздер: