Сабақтың тақырыбы: Салақтық.
Сабақтың мақсаты:1. Мәтіндегі негізгі ойды анықтау,идеяны ұғындыру, тәрбиелік мәнін ашу.Ы.Алтынсарин туралы мағлұмат беру.Мәтіннің мазмұнын түсініп,жүргізіп оқуға жаттықтыру. Өз ойын жинақтап сөйлеуге үйрету.
2.“Тазалық денсаулық кепілі “ екенін ұгындыру.Тіл байлығын,
сөздік қорын, шығармашылық, танымдық қабілеттерін дамыту.
3.Оқушыларға денсаулықты сақтауға және табиғатты сүюге,
салауатты өмір салтын сақтай отырып спорт түрлерімен айналысуға үйрету..
Сабақтың әдіс-тәсілі: Сұрақ жауап әңгімелеу, өз ойын ортаға салу, қорытынды шығару.
Сабақтың көрнекілігі: Ы.Алтынсарин суретті, сөзжұмбақтар, слайдтар, интерактивті тақта, СТО технологиясының стратегиялары, Венн диограммасы.
Сабақтың жүрісі:
І. Ұйымдастыру
ІІ. Үй тапсырмасын тексеру
ІІІ. Жаңа сабақ
ІV. Сергіту сәті
V. Оқулықпен жұмыс
VI. Сабақты қорыту
VII. Бағалау
VIII. Үйге тапсырма
І.Ұйымдастыру кезеңі
Психологиялық дайындық
ІІ.Үй тапсырмасын тексеру
«Қызығушылығын ояту»
“Жақсыдан қашпа, жаманға баспа” тарауы бойынша қайталау
• 1.Ы.Алтынсарин “Ананың сүюі” өлеңін мәнерлеп оқу.
• 2.Жақсылыққа -жақсылық” ертегісін талқылау
• 3.Адамгершілік, жақсы, жаман істер туралы мақал-мәтелдер айту.

ІІІ..Жаңа сабақ.
“Мағынасын ашу»
1.Сөзжұмбақ шешу.

2.Осы мақал-мәтелдерге ортақ тақырып табу.
3.«Салақтық» әңгімесінің авторы Ы.Алтынсарин туралы мағлұмат беру.
Ыбырай Алтынсарин – бар саналы ғұмырын туған халқын өнер-білімді, жаңа заманның өркениетті, мәдениетті елдерінің қатарына қосу жолына арнаған көрнекті тұлға. Ол өзінің ағартушылық, педагогтік, ақын-жазушылық тарихи қызметі мен зор талантын, жан-жақты терең білімі мен қайрат-жігерін елдің «желкілдеп өскен көк шөптей» жас ұрпағын оқытып, тәрбиелеуге, қазақ жерінде жаңа үлгідегі мектептер ашып, оқушыларды өз кезінің озық ғылымымен қаруландыруға, кәсіп түрлеріне үйретуге арнаған.
Ыбырай бұл жолда сан алуан кедергілер мен қиындықтарды жеңе отырып, үлкен жетістіктерге қол жеткізді, сөйтіп, туған халқының мақтан тұтатын ардақтысына айналды.
Ыбырай 1841 жылы қазан айының 20-сында қазіргі Қостанай облысы, Қостанай ауданында дүниеге келеді. Үш-төрт жасында әкесі Алтынсары қайтыс болып, атасы Балғожаның қолында өсіп, тәрбиеленеді.
1850 жылы Орынбор қаласында ашылған қазақ-орыс мектебіне 9 жасында қабылданады.
1857 жылы оқуын «өте жақсы» деген бағамен бітіріп шығады. 1859 жылдың тамызына дейін өзінің туған елінде тілмаштық қызмет атқарады.

1864 жылы жаңадан ашылған Торғай мектебіне ұстаздық қызметке орналасады.
1876 жылы Ыбырай Петербург, Қазан қалаларына барады. Орыстың ағартушылық жүйесін, орыс ағартушыларының еңбектерін зерттейді. Қазақ тілінде оқу құралдарын жасауды ойлайды.
1879 жылы Ыбырай Торғай облысы мектептерінің инспекторы қызметіне тағайындалады. Бұл оның ағартушылық қызметінің кең өріс алуына жол ашады. Ол еуропалық үлгідегі мектептер ашу ісімен шұғылданады.
1879-1883 жылдар аралығында Торғай облысының төрт уезінде (Торғай, Ырғыз, Троицк, Ақтөбе) жаңа мектептер ашады.
1883 жылы Торғай қаласында қолөнер мектебі ашылды. Ол қазақ даласындағы техникалық білім беретін тұңғыш оқу орны болды.
1887 жылы Ырғызда қыздар мектебін ұйымдастыруы – оның ағартушылық аса зор еңбегі.
1881 жылы Омбы қаласында тұңғыш мұғалімдер мектебі ашылды
Өзі 1876 жылдан бастап «Қазақ хрестоматиясын» жазуға кірісіп, оны 1879 жылы Орынборда бастырып шығарды.
Еңбекті сүю және қадірлеу – Ыбырай әңгімелерінің негізгі тақырыбы. Оны жазушы шағын әңгімелерде үгіт, өсиет түрінде берсе, кей шығармаларында халықтың қоғамдық санасын тәрбиелейтін реалистік суреттер арқылы бейнелейді.

«Салақтық» мәтінін оқу, 3 бөлікке бөл, талдау.
«Тазалық - денсаулық кепілі» екенін ұғындыру.
ІҮ. Сергіту сәті.
Ү. «Ой қозғау». Оқулықпен, дәптермен жұмыс.
Мәтінді тізбектеп оқу.
Дәптермен жұмыс.
Венн диаграммасы
«Сөзден сөз тер» ойыны
1қатар ТАЗАЛЫҚ
2қатар ДЕНСАУЛЫҚ
3қатар САЛАҚТЫҚ

ҮІ.Сабақты қорыту.
Сонымен бүгін не үйрендіңдер?
- Керім қандай адам?
- Керім сендерге ұнады ма?
- Салақтық неге апарып соқтырады.
Мәтіннің авторы кім? Ол туралы не білесің?
2. Салақтық сөзіне қарама-қарсы мағынадағы сөзді ата.
3. Берілген мақал-мәтелдерден осы мәтіндегі оқиғаға сай келетін нақыл сөзді ата.
4. Мәтіндегі оқиғаның осы нақыл сөзге құралғанын дәлелде.
Ыбырай атаның пікірлер ағашын толтыру.
ҮІІ.Бағалау.
ҮІІІ.Үйге тапсырма.
Мәтінді оқу. Мазмұнын айту. «Салақтық» туралы әңгіме жазу
Соңғы жарияланған материалдар тізімі

Ыбырай Алтынсарин-ағартушы Ыбырай Алтынсариннің өмірбаяны мен өлеңдері Тұңғыш ағартушы-ұстаз Алтынсарин – ағартушы, педагог Ы. Алтынсарин – ағартушы, педагог Ыбырай Алтынсарин-ағартушы, педагог Ыбырай Алтынсарин Алтынсарин әңгімелері Таза бұлақ Ыбырай-шағын әңгіме шебері

Бөлім: Уроки / Бастауыш сынып | Көрсетілім: 8668 | Қосты: Урбисинова Гулмира Сайлаубековна | Ілмек сөздер: