Сабақтың тақырыбы: «Оқу құралдары». Антоним, синоним, омоним. (қайталау)

Сабақтың мақсаты:
Оқу құралдарының пайдасымен  танысып,  білімдерімізді кеңейту; 
- грамматикалық тапсырмалар орындау; 
- сөз мағыналарын қайталау. 
Оқушылардың сөздік қорын, сөз байлығын, есте сақтау және ойлау қабілеттерін дамыту;
Оқушыларды адамгершілікке, әдептілікке тәрбиелеу, сауаттылыққа, тазалыққа, оқу құралдарын таза ұстауға, өнерге деген сүйіспеншілікке тәрбиелеу;

Сабақтың түрі: жаңа сабақ
Сабақтың әдісі: сұрақ-жауап, проблемалық сұрақ, ой толғау, қорытындылау.
Көрнекілігі: интерактивті тақта, сызбанұсқа, үлестірмелі кеспелер, нақыл сөздер;
Қолданылған әдебиеттер: Қазақ тілі. Орыс тілінде оқитын негізгі жалпы мектептің 5 сынып оқулығы. Алматы «Атамұра», 2010 ж.  Отцы «Драгоценных слов». Издательство «Аруна», 2002 г.
Сабақтың барысы: 
1. Мұғалім оқушылармен амандасып, Гимн орындайтындарын айтты.
2. Гимн орындалды.
3. кезекшімен бүгін сабақта кім жоқ, сабаққа дайындықтары туралы сұхбаттасты.
4. Үй тапсырмасы: «Отбасы мүшелері» туралы бірнеше баладан сұрап, тексеріп шықты. Сонымен қатар, оқушылар тақтаға шығып, үйтапсырмасына байланысты тапсырмалар орындады.
5. Білімді жан-жақты тексеру: өткен сабақтағы грамматикалық тақырып – құрмалас сөйлем және оның түрлері туралы білімдерін жан-жақты тексерді.
6. Жаңа сабақ: жаңа тақырыпты жұмбақ арқылы шешіп, слайдтар арқылы көрсетіп, жалпы түсінік берді.
7. Жаңа сөздерді мұғалім өзі дауыстап оқып, балалармен бірге қайталап оқып, жаңа сөздермен сөз тіркесі, сөйлем құрастырды.
8. Сабақта мәтінмен жұмыс жасалды.
9. Грамматикаға байланысты әр түрлі тапсырмалар орындалды.
10. «5 жол өлең»   тапсырмаларға оқушылар өз ойларын айтып, интерактивті тақтаға толтырды.
11. Сабаққа байланысты және МАБ дайындығына 5 сұрақ тестке оқушылар жауап берді. Интерактивті тақтадан жауаптарын қарап, оқушылар өздерін тексерді.
12. Мұғалім сабақты сұрақ-жауап әдісі арқылы қорытындылады.
13. Үйге тапсырма беріліп, түсіндірілді.
Мұғалімнің қорытындысы: сабағымды беру барысында алдыма қойған мақсатыма жеттім деп ойлаймын.  Сабақ барысында жоғарыда айтылған барлық кезеңдер бойынша  жұмыс жасалды.Сабақты бекіту барысында жоспарым бойынша тест сұрақтарын оқушылар өз бетінше тексерді.Сабақта қолданылған әдіс-тәсілдерім сабаққа сай пайдаланылды. Интерактивті тақтада оқушылар жұмыс жасады, ауызша және жазбаша жұмыстар болды. Сондықтанда сабағымды қорытындылай келе, сабағымды «жақсы» деген бағаға бағалаймын