Қырық өтірік ертегісі

Сабақтың мақсаты: Ертегінің мазмұнын игеру; Жанрлық ерекшелігін тану; Шығармашылық жұмыстар арқылы оқушының ой-қиялын дамыту; Өзіндік көзқарасын, жазба әдеби тілін қалыптастыру;

Сабақтың түрі: Жаңа сабақ

Сабақтың әдісі: Талдау, салыстыру, жинақтау

Сабақтың көрнекіліктері: Тазша баланың суреті, Куб,

Сабақтың барысы: Ұйымдастыру

І. Қызығушылықты ояту

Ой шақыру стратегиясы

Өтірік айтып көрдің бе ?

(Оқушылардың әңгімелері тыңдалады)

Өтірік туралы қызықтар мұнымен шектелмейді. «Өтіріктің құйрығы бір-ақ тұтам», «Өтіріктің өрісі тар» Демек, жақсы әдет емес. Психологтардың зерттеулері бойынша бұндай әдетке адам бала кезінде үйір болады екен. Кейін басы «тасқа» соғылған соң қойып кетуге мәжбүр болады. Ал кейбіреулер оны өміріне жолдас етіп алады. Өтіріктің зияны қыруар. Қолайсыз жағдайға ұшырайсың. Абыройдан айырыласың. Қысқасы, ең жақсысы қолдан келгенше өтірік айтпауға тырысқан жөн.

Әрине, өтіріктің адамға залалсыздары да кездеседі. Оған мысал «Алдар көсенің бастан кешкендері» мен «Қырық өтірік» ертегісі. Олар қажет болған соң амалсыз айтылған өтіріктер. Күлкіге қарық боласың. Риза боласың.

Ал неге риза болатыныңды ертегіні талдай отырып, көз жеткізейік.

ІІ. Мағынаны тану

Кубизм стратегиясы (топтық жұмыс)

1. Талдау (Ертегіге мазмұндық жоспар құру)
2. Сипаттау (Тазша балаға мінездеме беру)
3. Салыстыру («Қырық өтірік» ертегісін өзге ертегімен салыстыру) 

ІІІ. Ой-толғаныс

Сұрақ қою арқылы талдау стратегиясы

Өтірік әңгімеден қандай құндылықтар аңғаруға болады ?

Үй тапсырмасы

Міндетті деңгей 

«Қырық өтірік» ертегісін оқып, түсінгенін айту

Мүмкіндік деңгей  

«Өтірік ертегі» мен 4 ауыз өтірік өлең құрастыру

Соңғы жарияланған материалдар тізімі

Қуыршақ театры Атадан қалған асыл сөз. Алдардың алдауы. (Үш сом, Алдардың Шығайбайды тағы бір алдауы). Өтірік өлең. Өтірік өрге баспайды. Н.Серәлиев. Қырық өтірік, өтірік өлең «Қырық өтірік» ертегісіндегі Тазша бала бейнесі Лексикадан өткенді қайталау «Толағай» жырындағы кейіпкерлерге мінездеме Ертегі еліне саяхат

Бөлім: Уроки / Әдебиет | Көрсетілім: 8178 | Қосты: NA | Ілмек сөздер: