Қайдан келдің бауырсақ?Заттың қимылын білдіретін сөздер.

Сабақ тақырыбы: Қайдан келдің бауырсақ?Заттың қимылын білдіретін сөздер.

Сабақтың мақсаты:

Білімділік: Өлеңді дұрыс түсініп, мәнерлеп оқуға үйрету, сауатты, көркем жазу дағдысын қалыптастыру.

Дамытушылық: Оқушылардың өз ойларын еркін тілмен мәнерлеп, белгілі бір кейіпке ене отырып, жеткізе алуларын қалыптастыру, сөздік  қорларын дамыту.

Тәрбиелік: Түрлі тапсырмаларды орындату арқылы оқушылардың іскерлік, танымдық, шығармашылық белсенділігін арттыру. Нанды қастерлеп, қадірлеуге, диқан еңбегін құрметтеуге тәрбиелеу.

Сабақтың түрі: Жаңа сабақ.             

Сабақ типі: Аралас сабақ.

Әдіс-тәсілі: сұрақ-жауап,түсіндіру,көрнекелік.

Көрнекілігі: сюжетті суреттер.

Сабақтың барысы:

I.Ұйымдастыру кезеңі:

1.Дайындықтарын тексеру,зейіндерін сабаққа аудару.

2.Дәптерлерін тарату,партада дұрыс отыруын қадағалау.

II.Психологиялық дайындық:

Үлкенге де сіз

Кішіге де сіз

Сәлем бердік сіздерге

Құрметпенен сіз.

III.Үй тапсырмасын тексеру.

1) Шуақ өлеңін мәнерлеп оқыту.

2) Сөздердің қарсы мағыналы сыңарын тап.

Қара-(ақ)

Жақсы-(жаман)

Күн-(түн)

Алыс-(жақын)

Кішкентай-(үлкен)

Оңай-(қиын)

Ұзын-(қысқы)

3) Төрт түлікті ата

-Қой қалай дыбыстайды?

Қой маңырайды.

Сиыр мөңірейді

Жылқы кісінейді.

Түйе боздайды.

4) Сөздерге сұрақ қой.  Кім?  Кімдер? Не? Нелер?

Тауық,бота,мұғалім,алмұрт,ұшқыш,дәрігер.

IV.Қызығушылықты ояту

Жаңа сабақтың тақырыбын табу үшін қазір сөзжұмбақ шешеміз.

Бұл сөзжұмбақта нан біздің дастарханға жету үшін көп еңбек ететін адамдардың мамандықтары жасырылған.

1. Ол нан жабады? (Наубайшы)

2. Кім жерді жыртады? (Тракторшы)

3. Ол машина жүргізеді? (Жүргізуші)

4. Ол егістіктен астық жинайды. (Комбайыншы)

5. Ол астықтан ұн жасайды. (Диірменші)

6. Біз одан нан сатып аламыз. (Сатушы)

7. Ол егістікті баптаушы. (Диқаншы)

8. Ол бидайды сақтайды. (Қоймашы)

V. Жаңа сабақ “Қайдан келдің,бауырсақ?” авторы Өтебай Тұрланжанов

1. Өлеңнің авторы туралы мәлімет
2. Өлеңді мәнерлеп оқып беремін
3. Сөздік жұмыс
4. Оқушыларға өлеңді тізбектеп, дауыстап оқытамын
5. Өлең мазмұнына байланысты сұрақтар

• Бауырсақ қайда жатты?

• Қуыршақ не деп сұрады?
• Бауырсақ қайдан келіпті?
• Қуыршақ тағы не сұрады?
• Бауырсақ не деп жауап берді?
• Қуыршақ тағы не сұрады?
• Бауырсақ не деп жауап берді?
• Қуыршақ тағы не сұрады?
• Диірменге қай жақтан келдің?

VI. Өлеңді рөлге бөліп оқыту

VII. Ас атасы – нан

Нанға байланысты қандай тыйымдарды білесіңдер?

1. Нанды бір қолмен үзбе
2. Нанды төңкеріп тастама
3. Нанды аяққа бастыртпа
4. Нанды ысырап қалма

Сергіту сәті

VIII. Дәптерде жұмыс

244-245 жаттығулар

IX. Ой толғау

Нанды пісіріп дайындау үшін қандай жұмыс тәртіптері орындалатынын ретімен қой.

• Дән себу
• Астық жинау
• Диірменге әкелу
• Нан пісіру
• Егістікті күтіп-баптау
• Ұн тарту
• Дүкенге әкелу
• Жерді күту
• Элеваторға әкелу

X.  Сабақты қорытындылау

• Не істедік?
• Өлеңнің аты қалай?

Үйге тапсырма:  өлеңді мәнерлеп оқып келу.

Бағалау.                                                    

Соңғы жарияланған материалдар тізімі

Ертегі елінде Кәрім Сауғабаев. Нан туралы өлең. « Ас атасы – нан » «Қайдан келдің бауырсақ?» Бауырсаққа көмектес Үй жануарлары. Дыбыстық талдау Заттың атын білдіретін сөздер. Жазғытұрым Заттың атын білдіретін сөздер. Құстарым, келіңдер Буын Айтшы,әжетай.

Бөлім: Уроки / Бастауыш сынып | Көрсетілім: 2889 | Қосты: NA | Ілмек сөздер: