Адырбекова Ләззат Нұрғалиқызы . ОҚО Шымкент қаласы . №3 Ұлықбек атындағы . жалпы орта мектебінің . қазақ тілі мен әдебиеті пәні мұғалімі

Сабақтың тақырыбы: «Тілді сүйсең менше сүй»
Сабақтың мақсаты: а) Мақал-мәтелдер арқылы қазақ тілінің байлығын көрсету, сабаққа қызықтыру. ә) Оқушыларды мақал – мәтелдерді дұрыс қолдануға, еркін, сауатты сөйлеуге үйрету. б) Патриоттық тәрбие беру, ойлау қабілетін дамыту, қазақ тілін құрметтеуге баулу.
Көрнекілігі: плакатқа жазыпған тіл туралы ойлар.
1 – жүргізуші: Армысыздар, ұстаздар, оқушылар, жас өркендер!
2 – жүргізуші: Зерделі де, білімді мектеп оқушыларының « Тілді сүйсең ,менше сүй» танымдық сайысқа қош келдіңіздер! Сіздердің алдарыңызда 5-сынып оқушылары өнер көрсетеді.
1 – жүргізуші:Тіл қай ұлтта болса да, қай елде болса да қастерлі, құдіретті. Ол әрбір адамның бойына ана сүтімен бірге еніп қалыптасады.Тіл байлығы- әр елдің мақтанышы. Ол атада балаға мирас болып қалған баға жетпес мұра.
2 – жүргізуші: Қазақ тілі – дүние жүзінденгі ең бай, беделді тілдердің бірі.
Өткірдің жүзі, Кестенің бізі, Өрнегін сендей сала алмас- деп ұлы Абай атамыз таңырқап, тағзым еткен осы қасиетті – қазақ тілі.
---ХОР---
«Достық» әні орындалады
1 – жүргізуші: Ал келіңдер келіңдер,
Біріңе – бірің еріңдер,
Біліміңді тексеріп,
Ойынға қатысып көріңдер

2 – жүргізуші: Бәйгеге түсіп жарыспай,
Жүйріктің бағы жанар ма?
Білім мен өнер жарысып, . Тәрбие білім табар ма?
Бұл бәйге сөздің бәйгесі . Кім жүйрік сөзге – сол алда!

1 – жүргізуші: Бүгінгі 5-сыныптар арасындағы өтетін сайысымыз IV- кезеңнен тұрады.
I - кезең «Таныстыру»
II - кезең « Мақал-мәтелдер сайысы

III - кезең Көрініс
IV - кезең Өнер сайысы
V – кезең «Ғажайып қоржын»

Ортада 5 – сынып оқушылары кезекпен шығып, өз топтарын таныстырады.
I топ. « Зерде »
Зерделі ойды тіл айтады зейінмен
Танытар тіл – отаныңды еліңмен
Тіл тағдыры – ел тағдыры білсеңіз
«Зерде» деп қойдық тобымызды сеніммен

II топ. «Топжарған »

Шығарар намыс топты алдан
Дуалы ауыз тілге арман
Сайысқа келдік біліммен
Тобымыз біздің « Топжарған »

III топ. « Ақ желкен »

Тілімен елге бақ келген
Сара бір жолды сап берген
Құрметтеген ана тілдерін
Тобымыз біздің « Ақ желкен »

IV топ. « Жас ұлан »

Қалықтап көкте жас қыран
Халықпыз сөзге тоқтаған
Тілімен топты жаратын
Тобымыз біздің « Жас ұлан! »

2 – жүргізуші:
Өлең, мақал, жаңылтпаш, ертегі, жыр
Мұның бәрі жанды сөз, ішінде сыр
Елдің сәні сақталар жақсы сөзбен
Қай жұрт болсын толассыз осыған құл.

1 – жүргізуші:
Ойлы,шешен болғың келсе қазақтың мақалдарына үңіл дегендей, сайысымыздың келесі кезеңі « Мақал – мәтелдер » сайысы « Зерде » тобы мен « Топжарған » тобы, « Ақжелкен » тобы мен « Жас ұлан » тобы мақал – мәтел айтудан жарысады және жаңылтпаштар айтады.

2 – жүргізуші:
Қазақ жұрты жаратылысынан шешендік өнерге бейім. Түйе мінгеннің төрт ауыз, атқа мінгеннің алты ауыз өлеңі бар демекші, кез – келген сөзге, ән мен күйге шешен. Халық өзінің от ауызды, орақ тілді, қара қылды қақ жарған әділ билік айтатын шешен билерін қадірлеп, сыйлап, айтқан сөздерін жадында сақтап келген.

1 – жүргізуші: Енді әр топ өздері дайындап келген рөлдік көріністерін көрсетеді. I - топ III – топ II – топ IV - топ

2 – жүргізуші:

Озады деп түбінде,
Бәрін оқып тауысқан
Шөлі қанбай білімге, . Өткен талай данышпан.

1 – жүргізуші:
Іздегенде табады,
Ғылым жұмбақ, тау сындас
Білім өмір сабағы,
Ғұмыр бойы таусылмас.

2 – жүргізуші:

Енді қоржынға қол сала отырып, « Ғажайып қоржынның » сұрақтарына жауап береміз.
1. Қазақстан қандай мемлекет?
2. Қазақстанның мемлекеттік тілі қай тіл?
3. Елтаңба сөзінің аудармасы қалай?
4. Мемлекет сөзі қалай аталады?

1 – жүргізуші:

Жас көңілдер жайнасын
Шешен тілдер сайрасын
Айтып жібер бір әнді
Әнші жігіт қайдасың ?

Ән.

2 – жүргізуші

Би болады әрқашанда қыз барда
Жылуынан жібіп тіпті мұздар да,
Мың бұралып билегенде басқа кім
Жетер біздің әсем сұлу қыздарға. – деп

келесі кезегімізді өнер сайысына береміз.Әр топтың өнерлерін ортаға салып көрсетеді.

1 – жүргізуші:
Ана тілім – қазақ тілім, туған тіл,
Қасиетті тіліміздің мәнін біл.
Ана тілді құрметтеңдер адамдар,
Заманға сай өзге тілдің бәрін біл.

Осымен бүгінгі сайыс сабағымыз өз мәресіне жетіп қалыпты.Қорытынды сөзді әділқазылар алқасына береміз. ( Қатысушыларды марапаттау ).
Хор. «Алтын күн аспаны»

2 – жүргізуші:

Көңіл қойып тыңдағандарыңызға көп – көп рахмет ! Сау болыңыздар!
Соңғы жарияланған материалдар тізімі

Тіл сайысы "Қазақшаңыз қалай?" танымдық ойыны Балдырған арулар мен сал-серілер сайысы Ел рәміздері – ұлттық мақтаныш Мың бір мақал, жүз бір жұмбақ Тілім менің тірлігімнің айғағы Тіл талапкері атты сыныптан тыс жұмыс Қазақшаңыз қалай? Ана тілім – асыл қазынам! үлгілі отбасы

Бөлім: Уроки / Қазақ тілі | Көрсетілім: 2731 | Қосты: Адырбекова Ляззат Нұрғалиқызы | Ілмек сөздер: