Сабақтың тақырыбы: Ана тілім – асыл қазынам!

Сабақ мақсаты: Қазақ тілінің мемлекеттік тіл болуына байланысты, оқушылардың тіл туралы танымдық деңгейін көтеру. Қазақстанның мемлекеттік тіліне деген қызығушылығын арттыру елін, жерін, өз тілін құрметтеуге тәрбиелеу.
Көрнекілігі: мақал – мәтелдер. Қазақстан туралы буклет. Нақыл сөздер. 
Барысы: 
Тілден артық қазына жоқ.
Тілден артық қасиет жоқ. (Н. Ә. Назарбаев)
1 жүргізуші: Қазақстан Республикасының Конституцисында «Қазақ тілі – Қазақстан Республикасының мемлекеттік тілі» деп жазылған. 
2 жүргізуші: Қазақстан Республикасының алғашқы Тіл туралы заңы 1989 жылы 22 қыркүйекте қабылданды. Біздің елімізде тұратын барлық ұлт өкілдері қазақ тілін оқып үйренуде. Қазақ тілін үйреніп жүрген шетел азаматтары да аз емес. 
Мұғалім: Қазақ тілі түрлі тектес тілдерге, соның ішінде қыпшақ тобындағы тілге жатады. Түркі тілдес халықтар: қазақ, қырғыз, өзбек, ұйғыр, қарақалпақ, татар, башқұрт, әзербайжан, тува, хақас, алтай, құмық жатады. Жер шарының бірсыпыра жерінде көптеген қазақтар тұрады. Басқа шетелдерде тұратын қазақтар да өз тілін ана тілім деп есептейді. Қазақ тілі – қазақ халқының ана тілі. 
1 – оқушы: Ана тілі – бар білімнің қайнары,
Аталардың өсиеті пайдалы.
Алақаны мейірімді ананың,
Ұстазыңның жарқын жүзі – жайдары.
2 – оқушы: Ана тілім – тастамайтын әліппем,
Болғаным жоқ әріптерін танып мен.
Өз тілімді жақсы көру арқылы,
Достасамын барлық жақсы халықпен.

3 – оқушы: Ең бірінші бақытым – тілім менің,
Тас жүректі тіліммен тілімдедің.
Кей – кейде дүниеден түңілсем де
Қасиетті тілімнен түңілмедім.
4 – оқушы: Сүйемін туған тілді – анам тілін
Бесікте жатқанымда – ақ берген білім.
Шыр етіп жерге түскен минутымнан 
Құлағыма сіңірген таныс үнім.
Мұғалім: Оқушылар енді оқу, білім, тіл, өнер туралы мақал – мәтелдер айтамыз. 
1. Білім кілті – тіл
2. Жеті жұрттық тілін біл,
Жеті түрлі білім біл.
3. Тіл көңілдің кілті 
4. Өнер алды – қызыл тіл
5. Өнер – таусылмас азық.
Жұтамас байлық.
6. Ана сүті бой өсіреді,
Ана тілі ой өсіреді.
7. Тіл қылыштан өткір. 
5 – оқушы: Сол тілімнен үйрендім нәрсе аттарын,
Сол тілімнен әдетті мен жаттадым.
Ең бірінші сол тілімнен сыртқа шықты,
Сүйгенім, жек көргенім, ұнатқаным. 
Тіл туралы барлық адамдар айтқан. Енді ұлы адамдардың тіл туралы айтқан нақыл сөздерін оқиық. 
Б. Момышұлы: Тіл дегеніміз – қай халықтың болмасын кешегі, бүгінгі ғана емес, ертеңгі де тағдыры: 
М. Қашқари: «Игі істің басы – тіл,
Тәрбие басы - тіл»
М. Әуезов: «Ана тілін білмейтін адам, мәдениетті адам санатына қосылмайды»
1 жүргізуші: Ана тіліне тағзым.
Ана тілі – біздің туған анамыз.
Анамыздай сыйлап бағып – қағамыз.
Ана тілін бағаласақ қалай біз,
Өзіміздің сондай болмақ бағамыз.
Ана тілін кім аялай білмесе,
Анасынан безген ұл деп санаңыз.
2 жүргізуші: Ана тілім!
Дана тілім – бақ тілім.
Сенсіз бақыт дүниеден тапты кім?
Сенсіз менің қасіретті шаттығым.
Сенсіз менің тазалығым, пәктігім.
ІІІ Қорытындылау 
1) Бекіту сұрақтары: 
А) Сендердің ана тілдерің қай тіл?
Ә) Қандай атақты адамдарды білесіңдер?
Б) Мақал мәтел айту.
Үйге тақпақ жаттау.