Исаканова Джанна Кайсановна
Шығыс Қазақстан облысы Катонқарағай ауданы Е.Рыков атындағы орта мектептің бастауыш сынып мұғалімі
Тәрбие сағатының тақырыбы: Жақсы сөз –жылы тілек
Мақсаты: Оқушыларға «жақсы сөздің» құндылығы туралы түсінік беру
Міндеттері:
- Жақсы сөздің адам өміріндегі маңыздылығын түсіндіру;
- Жақсы сөздерді қолдана білу іскерліктерін дамыту;
- ізгілікке, ізеттілікке, жақсы сөз арқылы жақсы мінез - құлыққа тәрбиелеу
Сынып сағатының барысы:
І Ұйымдастыру.
І Қызығушылықты ояту.
Шаттық шеңбері
- Сәлеметсіңдер ме балалар! Бүгін мен сендерді көргеніме қуаныштымын. Сендер қандай көңіл - күйдесіңдер?
Бір - біріміздің қолымыздан ұстаған кезде нені сезініп тұрмыз? Жақсы көңіл - күйді сезініп тұрмыз ба?
Оқушылардың жауаптары.
Ендеше бәріміз бірге мына әнді хормен орындайық.
Караоке :Ән «Дос болайық бәріміз»
Түстер арқылы 4топқа бөлінеді.
Бүгінгі тәрбие сағатының тақырыбы: «Жақсы сөз – жылы тілек»деп аталады. Бүгін біз осы тақырыпта әңгімелесетін боламыз.
Слайд арқылы Сара Алпысқызы Назарбаева туралы әңгімелеу.
Тақтадан мына өлең шумақтарын мәнерлеп оқиық:
Ой - жүйрік, тіл - шебер,
Танытса шындықты.
Мәнді ойды тілмен бер,
Сөзді тауып ұқыпты.
«Сіз», «біз»деген жылы сөз,
Жақсылықтың мейірі.
Бір - біріне болып көз,
Кең болсын адам пейілі.
Ой қозғау:Осы өлең шумағын қалай түсінесіңдер?
Әңгімелесу:
- Қандай кезде жақсы сөздерді қолданасыңдар?
- Жақсы сөз естігенде қандай сезімде боласыңдар?
- Жаман, дөрекі сөз естігенде қандай сезімде боласыңдар?
- Жақын адамдарыңа қандай жақсы сөздер айтқыларың келеді?
-«Жақсы сөз - жарым ырыс» дейді халқымыз. Жақсы сөз естісең, жаның жадырайды. Жақсы сөз ашу шақырмайды, жүрегіңді жылытады. Тек қана жақсылыққа жеткізеді, бақытқа кенелтеді, қуанышқа бөлейді.
Мағынаны тану: «10жақсы,10жаман» Оқушылар мәнерлеп жатқа өлең шумақтарын оқиды.



Дәйексөз.
«Жүректен шыққан сөз жүрекке жол табады» Ә. Науаи
- Жылы сөз адамдарды достастырады, сабырлы болуға, денсаулығын сақтауға, көңілін көтеруге, ашуын қайтаруға септігін тигізеді. Әр айтылған сөзді адам жүрегімен қабылдайды. Сондықтан, қолдан келгенше бір - біріңе жылы, жақсы сөздер айтқан дұрыс.
Топтық жұмыс:
1топ- Досыңа;
2топ- Ата-анаға;
3топ-Мектеп,ұстазға;
4топ- Еліңе ,Отаныңа жақсы тілек-жылы сөздеріңді жазыңдар.
Сергіту сәті (Көбелекті ұшыру-электрондық оқулықтан орындалады)
«Жақсы сөз адамдарды қуанышқа бөлейді. Олардың қарым - қатынасын жақсартуға ықпал етеді. Адамдар бір - бірімен жақсы сөйлесу арқылы сыйластыққа, достыққа қол жеткізеді»
Әр топ мүшелеріне сұрақ қою:
1торқа: Құрметті ұстаздар!
Сіздерге шығармашылық табыс, еңбектеріңізге жеміс, отбасыларыңызға бақыт тілейміз.
Күтілетін жауаптар: жақсы тілек, құттықтау сөз;
2топқа: Апа, аман – есенсіз бе? Қал - жағдайыңыз қалай? Ауырып қалды деп еді айығып кеттіңіз бе?
Күтілетін жауаптар: амандық, жағдай сұрау;
3топқа: Алло! Сәлеметсің бе, Айжан! Сенің маған 8 - наурызға жіберген ашық хатыңды алдым. Саған көп - көп рахмет айтып, алғысымды білдіргім келеді.
Күтілетін жауаптар: алғыс айту, ризашылық білдіру;
4топқа: Жарайсың, құлыным! Менің кішкентайым ата - анасына қолғанат, үлкен жігіт болып қалыпты ғой. Әлі - ақ елін қорғайтын азамат болады.
Күтілетін жауап: мақтау.
Ойын - жаттығу
Жақсы сөздерді қатыстыра отырып, диалог құрастыру.
1 топ. Сабаққа кешігіп келген оқушы мен мұғалім арасындағы әңгімеден үзінді.
2 топ. Тұтынушы мен сатушының арасындағы сыпайы қарым - қатынастан үзінді.
3 топ. Емханаға келген науқас пен дәрігер арасындағы диалогтан үзінді.
4 топ. Кітапханашы мен оқырмандар арасындағы әңгіме.
Ой толғаныс:
« Иә не жоқ» ойыны(Оқушылар үн арқылы жауап беріп отырады)
Пікірлер:
Үлкендердің алдынан кесіп өтпеймін, Мен ұрлық жасағанды ұнатамын
Ініме оқу үйретемін, Кішкентай баланы ұрмаймын
Итті аяғыммен тебемін, Ойыншығымды ешкімге бермеймін
Сабақтан кешікпеймін, Досыма көмектеспеймін
Нанды шашпаймын, аяғыммен баспаймын Бас киімді доп қыламын, Анама ренжітіп сөздер айтамын
Дәптерлерімді, кітабымды таза ұстаймын, Әкемнің айтқанын тыңдаймын.
Үлкендерге сәлем беремін, Ешкімнің айтқанын тыңдамаймын
Күлді баспаймын, Жақындарыма көп жақсылық жасаймын
Жарайсыңдар сендер ізетті балалар екенсіңдер!
Қорытындылау:
- Жақсы сөз, жылы тілек әр адамның көңілін көтеріп, олардың жүрегіне жылу береді, көңіліне қуаныш сыйлайды. Жылы сөз адамдарды татуластырады, достастырады. Жақсы сөздерді бір - біріне жиі айту нәтижесінде өзара сыйластық артады.
Оқушылар стикерге әркім өз досына арнап жылы тілектер жазып, таратады.
Караоке: Ән: «Бала тілегі» сөзі: С. Молдасанұлы
әні: Ф. Жолдасова
Осы ән сөзінде айтылған бала тілектеріне біз де қосыла отырып сабағымызды аяқтаймыз.
Соңғы жарияланған материалдар тізімі

Достық татулықтан басталады Мен әдіпті баламын Жақсыдан үйрен, жаманнан жирен! Үлкенге - құрмет, кішіге ізет Әдептен озбайық Біз бақытты балдырған, Тіршіліктің тірегі ана Өзін-өзі тану пәнінен кіріктірілген сабақ Әдептен озбайық Сабақтың тақырыбы: «Жаныңда жүр жақсы адам» Мейірімділік асыл қасиет

Бөлім: Уроки / Бастауыш сынып | Көрсетілім: 24234 | Қосты: Исаканова Джанна Кайсановна | Ілмек сөздер: