Сабақтың тақырыбы : Абай Құнанбаев. Қыс.
Сабақтың мақсаты :
а/ Оқушыларға Абай Құнанбаевтың өмірі ,оның шығармалары туралы білімін кеңейту.”Қыс” туралы өлеңнің мазмұны мен идеясын ашу.Оқушылардың таным мүмкіндіктерін анықтау.
ә/Оқушылардың сөздік қорын,ойын, көз алдына елестету,есте сақтау қабілеттерін дамыту.
б/Оқушыларды қоршаған ортаның тылсым сырларына қызықтыру арқылы туған елінің табиғатын сүйе білуге баулу.Эстетикалық тәрбие беру.
Көрнекіліктер: Абай суреті,слайд, қыс мезгілі слайд,
Сабақ түрі: кіріктірілген сабақ,жаңа сабақ.
Сабақ әдістері: түсіндіру сұрақ-жауап,
Сабақ барысы:
І. Ұйымдастыру кезеңі.
Сабаққа даярлық.
«Балалар,сендер сабаққа зейін қойыңдар. Іштеріңнен: «Мен жақсы адаммын, мен әйбәтпін!» деп бірнеше рет қайталаңдар.
Бір- біріңе қарап, жымиыңдар.»
ІІ. Үй тапсырмасын тексеру.
Өткен тарауларға шолу жасау.
Сұрақтар арқылы білімдерін тексеру
«Тұлғаны таны» оқыта үйрету ойыны.Оқушылырға суреттер таратылады. Оқушылар портреттегі тұлғаның аты-жөнін, оның атына байланысты оқиғаларды естеріне түсіруі тиіс.
ІІІ.Тақырыпты, мақсатын хабарлау.
-Бүгін біз, А.Құнанбаевтың «Қыс» туралы өлеңімен танысып қыс туралы ұғымымызды кеңейтейік.
Эссе: Абай туралы не білемін?
Әр оқушы отырып, Абай атамыздың атын естігенде ойларына не келгенін жазады.
ІҮ. Жаңа сабақты меңгерту
Абай туралы слайд. Қарқаралыдағы Абай тоқтаған үйге түсінік беру.
-Абайдың табиғат тақырыбына жазылған қандай өлеңдерін білесіңдер?
-Қыс. Жазғытұры. Жаз. Күз.
1.Өлеңді оқу. Мұғалімнің оқуы.
2.Өлеңнің шығу тарихынан. Слайд
-Қыс өлеңін Абай атамыз 1884 жылы жазған .Сол жылы Семей өңірінде қыс қатты болып ел жұтаған, мал қырылған екен.Қыста жауған қар сәуір айында бір-ақ еріген.Бұл өлең сол кезеңде жазылған.
Сондықтан ақын қысты «Ақ киімді, денелі, ақ сақалды” зор тұлғалы адам ретінде сипаттаған.
3.Іштей оқу.
Оқу барысында қиын сөздерді белгілеп отыру.
4.Сөздік жұмыс:
Домбығып - суықтан ісіп,қызарып.
Шидем - қой жүнінен тоқылған сыртқы киім.
Сергіту сәті.
Қимыл қозғалыс жаттығуы.
6.Өлеңнің мазмұнын ашу.
Сұрақ-жауап.
1.Автор қысты кімге теңейді?
2.Шалдың киімдері қандай?
3.Киім деп отырғаны не?
4.Малшы туралы не делінген?
5.Балалар туралы не делінген?
6.Қыс несімен көңілді?
7. Шығармашылық тапсырма:
Оқушыларға « Қыс» тақырыбына өлең шығарту.
8 «Қар» сөзіне жұмбақ құрау:
Неге ұқсайды? Өзгешелігі неде?.
9 . Өздік жұмыс:
Қыс маған ұнайды. Қыс маған ұнамайды.
Оқушылар қыс мезгілін сипаттап жазады.
Тауып оқу.
-Ақынның қысты суреттеген тұсын кім тауып оқиды?
-Малшы туралы айтылған тұсты кім тауып оқиды?
Балалар туралы айтылған тұсты кім тауып оқы.
8. Сурет бойынша әңгіме құрау. Слайд
Ү Сабақты қорыту.
ҮІ.Үйге тапсырма.
«Қыс» өлеңін жаттау.
«Қыс» тақырыбына әңгімелеу мәтінін құрау.
ҮІІ. Оқушыларды бағалау.
Соңғы жарияланған материалдар тізімі

Абай Құнанбаев. Қыс Абай. Қыс. Күз Абай Құнанбаев «Қыс» Қыс. Абай Құнанбаев. Абай Құнанбаев. «Қыс» Абай Құнанбаев «Қыс», сын есім Құнанбаев Қыс Абай Құнанбаев Қыс Қыс. Қар (Абай)

Бөлім: Уроки / Бастауыш сынып | Көрсетілім: 2896 | Қосты: Алиева Эльмира Скендірқызы | Ілмек сөздер: