«Ормандағы саяхат»

Сабақ тақырыбы: «Ормандағы саяхат»

Мақсаты: Балаларға көктем жайлы түсінік бере отырып, орман көрінісінен мағлұмат беру. Ормандағы аңдарға, олардың ерекшеліктеріне мән бергізе отырып түсіндіру. Баланың ой-өрісін дамыту. Сөздік қорын молайту. өз ойын ашық, еркін айтуға дағдыландыру, табиғатты қорғауға, әдемілікті көре білуге тәрбиелеу.

Сабақтың әдісі: түсіндіру, сұрақ-жауап, көрнекілік.

Көрнекіліктер: техникалық құралдар, ағаш түрлері, аң суреттері.

Сабақ барысы:  І- Ұйымдастыру бөлімі.

                                       «Шаттық шеңбері»

Армысың, Алтын күн!

Армысың, Көк аспан!

Армысың, Жер-Ана

Армысың, достарым!

Жылуыма жылу қос,

Міне, менің қолым бос.

• Балалар, қазір бізде қандай сабақ?
• Дұрыс, айналамен таныстыру.
• Сабаққа дайынбыз ба, балалар?
• Дайынбыз.
• Ендеше, қазір жылдың қай мезгілі балалар?
• Көктем мезгілі
• Көктем мезгілінің айларын атаңдаршы?
• Наурыз, сәуір, мамыр
• Қазір қай ай?
• Мамыр айы
• Бұл айда күн қандай болады? Ауа райында қандай өзгерістер болады?
• Күн жылы болады, жаңбыр жауады

ІІ. Негізгі бөлім.

• Ендеше, балалар бүгін біз орманға саяхат жасап көрейік. Орман дегенде көз алдарыңа не елестейді?
• Көп ағаштар, құстар, аңдар.
• Балалар, сендер қандай аңдарды білесіңдер?
• Аю, қасқыр, түлкі, қоян.
• Бұл аңдарды қайдан көрдіңдер?
• Дұрыс, суреттен, теледидардан. Себебі бұл аңдар орманда болады. Олар өз тамағын өздері тауып жейді. Енді балалар, осы орман ішін аралап көрейік. Балалар, мына ағаштың түбіндегі қандай аң, білесіңдер ме?
• Аю
• Балалар, біз аюдан қалай өтіп кетеміз? Қане, кім аю туралы тақпақ біледі?

Ормандағы аюдың

Құлпынайы көп екен.

Теріп, теріп алайық,

Аюға біз салайық.

Балалар аюдың алдына құлпынай салады.

• Балалар, аю жеміс-жидекпен, балмен қоректенеді, ал қыста ұйқыға жатады. Міне, біз аюдан өттік. Орман іші қандай екен, балалар?
• Дұрыс, әдемі, құстар көп, іші шу. Балалар ана бір ағаштың түбіне қарайықшы. Байқадыңдар ма, ол жерде қандай аң жүр?
• Дұрыс айтасыңдар, балалар! Ол қасқыр. Қасқыр туралы не білеміз?

Қасқыр жортып түнімен

Күндес болып күнімен.

Қасқыр жортар сайменен,

Араз болып айменен.

• Балалар, қасқыр жануарларды өзінің тамағы үшін өлтіріп қана қоймайды, оларды текке қыра береді. Балалар, біз біраз жүрдік. Шаршаған шығармыз, кішкене сергіп алайық.

Сергіту сәті:

Аю маң-маң басады,

Түлкі бұлаң қағады,

Қасқыр ылаң салады,

Қоян үркіп қашады,

Орман іші көңілді.

• Балалар, мынау қандай аңның ізі?
• Түлкінің ізі.
• Балалар, біз түлкіге көрінбей өтіп кетейік.

Балалар, аяқтарының ұшымен түлкіге білдіртпей өтіп кетеді.

• Міне, біз түлкіден де өтіп кеттік. Түлкі деген балалар, қу, айлакер, мақтаншақ аң. Біз орманда біраз серуендедік. Қараңдаршы, ана бір аң біздің дыбысымыздан қашып бара жатыр. Ол қандай екен?
• Қоян.
• Дұрыс айтасыңдар. Қоян туралы кім тақпақ біледі?

Ақ, қоянмын, қоянмын

Үркек қоян, сақ қоян.

Дыбыс шықса қашамын

Белдерден бірақ асамын. 

• Балалар, қоян қашқанда жеткізбейді. Орманда өз жауларынан қашу үшін түстерін өзгертіп отырады. Қоянның түсі ақ және сұр түсті болады. Ал, жаңағы біз көрген, қашып бара жатқан қоянның түсі қандай? Қане, кім сұр қоян туралы тақпақ біледі.

Ұзын құлақ, сұр қоян

Естіп қалып сыбдырды.

Ойлы қырлы жерлермен

Ытқып, ытқып жүгірді.

ІІІ-Қорытынды бөлім.

Ойын: «Қарағайлы ормандағы аю»

• Балалар, енді мен сендерге жұмбақ жасырайын.

Ит сияқты пішіні,

Ұнатпайды ол кісіні

               (қасқыр)

 

Жазда қыдырады,

Қыста тынығады.

                (аю)

 

Орғыған қорқақ көзі еді

Қыс пен жазда түрлі тон киеді

                          (қоян)

 

Қуы екен аңдардың

Бір сәтте алдандым.

                 (түлкі)

Ал енді балалар, осы аңдардың кейіпкері бар қандай ертегілерді білесіңдер?

• Дұрыс айтасыңдар, «Бауырсақ», «Маша мен аю», «Үш аю» ертегілері. Өте жақсы, балалар! Сендер көп ертегі біледі екенсіңдер. Мен сендерге ризамын.

Сабаққа жақсы қатысқан балаларды мадақтап, сыйлықтар тарату. 

Соңғы жарияланған материалдар тізімі

Жабайы аңдар. Жабайы жануарлардың қысқы тіршілігі Жабайы аңдар "Жабайы аңдар" Жабайы аңдар Жабайы аңдар Жабайы аңдардың қысқа дайындығы «1,2,3,4,5 цифрлары туралы өткенді пысықтау» Түлкі туралы ертегілер еліне саяхат "Қысқы орманға саяхат" технологиялық картасы

Бөлім: Уроки / Балабақша | Көрсетілім: 5272 | Қосты: NA | Ілмек сөздер: