Ақылды тыңдай білу де өнеге

Сабақтың тақырыбы:

Мақсаты:

Сабақтың білімділік міндеті:

Сабақтың дамытушылық міндеті:

Сабақтың тәрбиелік міндеті :

Көрнекіліктер:

Пәнаралық байланыс:

Сабақтың типі

Сабақтың түрі:

Сабақтың жоспары:

Сабақтың барысы:

Ұйымдастыру кезеңі:

Қызығушылықты ояту:

Пікірлесу сұрақтары:

Мәтінмен жұмыс:

Жағдаяттар кезінде ойлану

Сабақтың дәйексөзі

Тапсырма

Шығармашылық жұмыс:

Дәптермен жұмыс

Қорытындылау

Үй тапсырмасы:

Рефлексия

Ақылды тыңдай білу де өнеге

Оқушылардың «сыйластық» құндылығы туралы түсініктерін кеңейту.

Ақылды тыңдай білудің өмірдегі маңыздылығын түсіндіру;

Ақылды тыңдай білу іскерліктерін дамыту;

Ақыл,өнеге,өсиеттерді тыңдауға,бағалауға тәрбиелеу.

Оқулық, дәптер, тақырып жазылған плакат, тақырыпқа байланысты суреттер.

Ана тілі

Жаңа білімді меңгерту

Шығармашылық сабақ

1. Ұйымдастыру кезеңі

-         Сәлемдесу, түгендеу

2. Негізгі бөлім

-         Мақсат қою және оқу іс-әрекетіне қызығушылықты ояту

-         Білімді өзектілендіру және проблемалық жағдаяттар туғызу

• Пікірлесу сұрақтары

-         Жаңа білімді меңгерту, ашу

• Оқу ақпаратын беру
• Мәтінмен жұмыс
• Сабақтың дәйексөзі

-         Білімді бірінші бекіту кезеңі

-         Өз бетімен жұмыс, өзін-өзі тексеру мен бағалау

• Тапсырма
• Жағдаяттар кезінде ойлану
• Шығармашылық жұмыс

-         Жаңа білімді жалпы білімдер жүйесіне қосу және қайталау, екінші бекіту

• Қорытынды

-         Үй тапсырмасы: шығармашылық тапсырмаларға бағыттау

• Үй тапсырмасын беру

-         Оқу іс-әрекеті рефлексиясы

• Рефлексия

Сәлеметсіңдер ме, балалар! Сендерді көргеніме өте қуаныштымын. Осындай қуанышпен сабағымызды бастайық.

Балалар, қазір үнтаспаға қосылып, С. Қалымовтың «Бақытты балалық шақ» деп аталатын көңілді әнді бәріміз бірге орындайық.

-         Ақыл айту дегенді қалай түсінеміз?

-         Ақылды тыңдау дегенді қалай түсінеміз?

-         Ақылды айтудың, ақыл тыңдаудың адам өміріндегі маңызы қандай деп ойлайсыңдар?

«Қорада малың болсын, көшеде талың болсын»

                                                                                                     Сұрақтар:

- Балаларға айтқан әке өсиетінің мәні неде?

- Балалардың әке сөзін тыңдай білгеннің арқасында қандай дәрежеге жете білгендері туралы өз ойыңды білдіріп көр.

    Суретті жағдаяттармен жұмыс:

Ал,енді оқушылар оқулықтың 94 бетіндегі суретті жағдаяттарды шешейік. Суреттерге қарай отырып балаларға қандай ақыл-кеңес берер едіңдер?

«Ата-анаңның ақылы,

Сайрап жатқан жолмен тең.

Ақылдының ақылы,

Сарқылмайтын көлмен тең»

                                       Халық даналығы

Әңгімедегі әке өсиетін мүлтіксіз орындаған балалары өмірде ештеңеден қиындық көрмей,жақсы өмір сүрген екен.Ал өсиет сөзге құлақ түріп тыңдамайтын адамның ісі алға баспай,сол күйі қалады.Ата сөзін,әке сөзін,ұстаз сөзін,үлкендер сөзін,халық даналығын,өсиетін дұрыс ақылға салып тыңдай білген адамның ақылы толыса түседі,адаспайды.Ақылды тыңдайтын бала да ақылды атанады Сондықтан да халық:

«Ата-анаңның ақылы,сайрап жатқан жолмен тең.

Ақылдының ақылы,сарқылмайтын көлмен тең»-деп айтқан болатын.

Түйіндеме Данышпан атаның ақыл-кеңесін білдіретін түйіндемемен таныстыру:

1. Адамдарға ізет білдіріңдер!

2. Түсінбегенді сұрап алыңдар!

3. Айтылған сөзге мән беріңдер!

4. Әңгімені мұқият тыңдап алыңдар!

5. Сөйлеушінің сөзін бөлмеңдер!

6. Сөйлеп тұрған адамға көңіл бөліңдер!

Балалар, «Өздеріңе айтқан үлкендердің ақыл сөздерін естерңе түсіріп, айтып беріңдер». Сендерге 2 минут уақыт беріледі

Балалар, «Менің айтар ақылым........», «Менің тыңдар ақылым.....» көп нүктенің орнына ойларыңды жалғастырып жазыңдар. Қандай ақыл айтар едіңдер, қандай ақыл тыңдар едіңдер? Сол жайлы ойланып көріңдер.

Дәптерде берілген бұлбұлдың,күйшінің,ұстаздың,баланың,әженің суреттері тұстарына қалдырылған бос жолдарға олардың қандай ақыл сөздерін тыңдағылары келетіндігін жазу.       

Сонымен, балалар, сабағымызды қорытындылайтын болсақ, Бізге үлгі-өнеге болатын үлкендердің, даналардың ақыл-өсиеттерін, даналық сөздерін тыңдап, оларды өмірде қолдана білсек, өмірден өз орнымызды нақты таба аламыз. Сол себепті қолдан келгенше үлкендердің кеңесін, ақылын құлақ түріп, тыңдаған жөн.

                      Ізеттілік  әліппесі

Атам менің әманда                                      

Атам менің әманда

Кішіпейіл бол деген.

Ата сөзі санамда,

Мақтанбауды жөн көрем.

Өзгелерден өзімді

Санамаймын жоғары.

Артық айтып сөзімді

Желпінгенім жоқ әлі.

Әдепті жан бол деген.

Ата сөзі санамда,

Жасы үлкенге жол берем.

Алдын орап кісінің,

Кесіп өтпей көлденең.

Ізетімен кішінің

Сәлемдесіп, қол берем.

Атам менің әманда

Кішіпейіл бол деген.

Ата сөзі санамда,

Мақтанбауды жөн көрем.

Өзгелерден өзімді

Санамаймын жоғары.

Артық айтып сөзімді

Желпінгенім жоқ әлі.

Балалар, үйде дәптердегі тапсырманы аяқтап келеміз.

-         Бүгінгі сабақтан ойымызға не түйдік?

-         Бүгінгі сабақтан нені үйрендік?

-         Сабақтан қандай әсер алдыңдар?

-         Кімнен үлгі алар едіңдер?