«4 саны мен цифры»

Сабақтың тақырыбы:  «4 саны мен цифры»

Сабақтың мақсаты: білімділік:балаларды 4 санымен және  цифрымен таныстыру;

дамытушылық: балалардың ой-өрісін 4 санының құрамына есеп құрастыру арқылы дамыту ;

тәрбиелік: 4 цифрын дұрыс жаза білуге үйрету.

Сабақтың әдісі: түсіндіру, үйрету, ойын.

Көрнекіліктер: тақырыптық суреттер, сандар.

Сабақтың барысы: I. Ұйымдастыру:

1. Амандасу;
2. Өткен сандарды қайталау.
3. Жаңа сабақ:

Сурет бойынша 4 санының пайда болуын түсіндіру.

-Аквариумде 3 балық болды, тағы бір балық әкеліп қостық. Неше балық болды? 3+1=4.Бүгін біз 4 санымен танысамыз.

4 санын көрсетіп, тура және кері санау. 4-тің алдындағы сан ұғымын түсіндіру.

-3қоянның қасына тағы да бір қоян келіп қосылды. Неше қоян болды? 3+1=4. Төрт қоянның біреуі қашып кетті, нешеуі  қалды?

4-1=3.

-Ал, балалар қояндар нені жақсы көреді?

-Сәбізді.

Сәбіздерді пайдаланып 4 санының пайда болуы мен 4-тің алдындағы сан ұғымы қайталанылады.

-Қане, бәріміз төрт таяқша санап шығарайық.

Таяқшалар арқылы 4 таяқшадан әр түрлі пішіндер құрастырайық.

 -Пішіндер  неге ұқсайды балалар?

-шаршыға, «ш» дыбысына.

-4 саны неге ұқсайды?

- төңкерілген орындыққа.

-Ал балалар, осы жөніндегі Алмастың тақпағын тыңдап көрелікші.

Іздегендер табады,

Зер салса егер мынаған.

Тура «4» боп қалады,

Орындықтар құлаған.

Дәптермен жұмыс:

Үзік сызықтарды бастырып, 4 цифрын жаздыру.

Сергіту сәті:

1,2,3- ал кәнеки ұш,

4,5,6,7- мынау ауыл шеті.

8,9,10- ал, кәнеки қон!

Тақтамен жұмыс:

Тақтадағы суреттер бойынша заттың атын атап, санау.

4балық, 4 ат, 4 доп.

«4» санына байланысты түсініктер беру:

4 түлік мал (атап өту), 4 жыл мезгілі (атап өту), шаршының

4 қабырғасы, машинаның 4 дөңгелегі, т.б.

4 санының құрамын дөңгелектер арқылы толықтыру.

4 санына байланысты есептер шығару.

3қоянға 1 қоянды қосқанда 4 қоян болады.

2 түлкіге 2 түлкіні қосқанда 4 түлкі болады.

1 кірпіге 3 кірпіні қосқанда 4 кірпі болады.

-Қане балалар, қарындаштың тапсырмасын орындайық.

Төрт түрлі- түсті қарындашымызды шығарайық. Қандай түстер екенін атап өтейікші.

-Көк, қызыл, сары және жасыл.

Тиісті түспен шаршыларды ретімен бояу.

Ойын: «Өз орныңды тап»

Шарты:балаларға 0ден 4ке дейінгі кеспе сандарды омырауларына тағамыз. Ретсіз араласып тұрады. Балалар ретимен қатарға тұруы керек, қатардағы орнын атауы керек.

III.Қорытынды.

-Балалар, біз бүгін қандай санмен таныстық?

«4» санының құрамын қайталау.

1. Балаларды мадақтау.

 

 

Соңғы жарияланған материалдар тізімі

0 саны және цифры 7 санының құрамы 7 санының құрамы 3 саны мен цифры 10 санының құрамы 5 санымен таныстыру 7 санының құрамы 3 көлемінде санау 4 саны мен цифры. Төртбұрыш. Шаршы. 7-саны және цифры

Бөлім: Уроки / Балабақша | Көрсетілім: 16227 | Қосты: NA | Ілмек сөздер: