Тақырыбы: «Жыл басы- Наурыз»
Мұғалімі: Каликова Күнсауле Мухатаевна
Жамбыл облысы, Төле би ауылы, №2 балалар саз мектебі
Мақсаты: Оқушыларға Ұлыстың ұлы күні туралы толық мағлұмат беру, халқымыздың салт –дәстүрін, әдет-ғұрпын үйрете отырып, Наурыз қазақтың ұлттық мейрам екенін ашып көрсету; оқушылардың санасына халқына деген мақтаныш сезім ұялату, өнерін, мәдениетін қастерлей дамыта оқытып үйрету; мерекеге байланысты ұлағатты сөздердің мағынасына қарай оқушыларды адамгершілікке, елін, Отанын сүюге, ұлттық салт- дәстүрді дәріптеуге тәрбиелеу.
Көрнекілігі: суретті плакат, нақыл сөздер, ұлттық ыдыс аяқтар, қамшы т.б.
Барысы:
Мұғалім: Құрметті ұстаздар, оқушылар! Дәстүрімізге айналған Ұлыстың ұлы күні- Наурыз құтты болсын! Күлімдеген шуақты көктеммен бірге қазақ даласына жер әлемді жайнатып, әнші құстарды сайратып, Наурыз тойын тойлатып жаңа жыл келді. Той құтты болсын! Ұлыс оң болсын! Ақ мол болсын! Ұлы мереке сіздерге тек жақсылық әкелсін!
1-жүргізуші: Уа, жарандар, жарандар!
Бәрің бері қараңдар,
Наурыз думан басталды,
Бір сәт зейін салайық.
Ұштасқаноймен мәңгілік
Біздерде бар сан ғұрып,
Ғасырлардан ғасырға
Келе жатқан жаңғырып.
Бермен жақын тұрыңдар.
Жауқазындай Наурыздың
Жарапазан жыры бар.
2- жүргізуші: Күттіріп келген жыл басы,
Бізбен бірге жырлашы.
Елімнің дастарханына
Береке, ырыс сыйлашы.
Ата- бабам тойлаған
Наурызым армысың!
1-жүргізуші: Келе жатыр жылымыз,
Мейрамдаймыз мұны біз.
Жас балаша нұрланып,
Жадырасып бәріміз.
Күннің жаңа нұры бар,
Мұның ғажап сыры бар.
Халық сүйген мейрамды
Қарсы алайық Наурызды!
2- жүргізуші: Қош келіпсің, Наурыз!
Арман тойы халықтың,
Қуанышы халықтың,
Құтты болсын қадамың!
Сені тойлап қарсы алып,
Бар әлемге жар салып,
Сәлем бердік біз сізге!
1- жүргізуші: Міне, Наурызда келді. Осы наурызға байланысты не білер екенбіз? Соны ортаға салайық.
1- оқушы: Шығыс күнтізбелігі бойынша жыл басы болып саналатын Наурыз күн мен түн теңелетін наурыздың 22-сіне, жер бетінде тіршілік біліне бастайтын мезгілімен тұтас келетін мереке.
2- оқушы: Наурыз көже- наурыз тойына ғана тән , көпшілікке арналған мерекелік тағам. Оны әр үй жеті түрлі дәмнен: сүт,ет,су, тұз, тары, құрт, жеміс тағы сол сияқты тағам түрлерінен жасап, оған қазы, шұжық сияқты сыйлы мүшелер қосып, мерекемен құттықтауға келгендерге ықыласпен ұсынады. Наурыз көженің дәстүрлік, мерекелік, ұлттық тағылымы өте зор. Ол барлық адамдарды жомарттылыққа, ізгілікке, ұйымшылдыққа, татулыққа, бірлікке шақырады.
3- оқушы: Наурыз тілек. Әр адам өзіне , от басына немесе жақын туыстары мен дос жарандарын Ұлыстың ұлы күнімен құттықтап, жақсы тілек тілейді, бір бірінің үйіне кіріп дәм татады.
Соңғы жарияланған материалдар тізімі

Хош келдің , әз Наурыз! Қош,келдің Наурыз! «Күлімде, Наурыз, күлімде!» Қош келдің-Әз наурыз! Наурыз - жыл басы! Наурыз –думан. Наурызым - әз наз гүлім! Наурыз - думан Жыл басы Әз-Наурыз «Қош келдің - Наурыз».

Автор Каликова Күнсауле Мухатаевна

Жамбыл облысы, Шу ауданы, Төле би ауылы, №2 балалар саз мектебі

Бөлім: Материалы / Тәрбие сағаты | Көрсетілім: 5028 | Қосты: NA | Ілмек сөздер: