Достық – адамдардың бір-бірін жаны қалап, шын жақын көріп, қалтқысыз сеніп, тілектес болуы. Ерте заманның ойшылы және асқан шешен Цицерон: «Достық өз бойына қаншама сан алуан пайдалы нәрселерді біріктірген! Қайда барсаңызда, ол сізге қызмет етеді, ол барлық жерде бар, ол ешқашан да мезі қылмайды, ешқашан да орынсыз килігетін жері болмайды; ол сәттілікке жаңа сәулет береді, ол ортақтасқан сәтсіздіктер де көп мөлшерде өзінің уытын жоғалтады», -дейді. Бұл тренинг- сабақ мектеп оқушыларына жолдастықтың, достықтың маңызы өте зор екенін көрсетіп, бір-бірімен қарым –қатынасын жақсартуға, шынайы достыққа, тәрбиелікке үйрететіне сенімім мол.
Керекті құрал: Интерактивтік тақта, ақ парақ, арнайы әуен, түрлі-түсті қазағдан қиылған алмалар, плакатқа салынған «жеміс ағашы».
Сабақ барысы: Ұйымдастыру кезеңі. Психологтың кіріспе сөзі.
Амандасу рәсімі. Жаттығу «Сыйлық» Шарты. Оқушылар шеңбер құрып тұрады. Әр оқушы өз есімін айтады да қасындағы оқушыға сыйлығын сыйлайды. Сый-лаған сыйлықты жест, мимика арқылы көрсету керек, ал сыйлық арнаған оқушы ол қандай сыйлық екенін табу және атау керек.
Жаттығу «Менің ерекшеліктерім және кемшіліктерім». Шарты. Оқушы өзінің жағымды (+), жағымсыз(-) жақтарын анықтайды, таразылайды, талдайды. Жағымсыз қасиеттерін қағазға жазып, умаждап қоқыс шелегіне тастату. Жағымсыз жақтарынан арылу, түзету жолдарын іздеу.
Мақал-мәтелдерді талдау.
1. Жақсымен дос болсаң- жетерсің мұратқа. Жаманмен дос болсаң-қаларсың ұятқа.
2. Досы көпті жау алмайды,
Ақылы көпті дау алмайды
Шығарма жазу. «Досым қандай болуы керек?»
Шарты. Әуен ойнап тұрады. Оқушыларға түрлі-түсті қағаздан қиылған алмалар ұсынылады (сары, жасыл, сарғыш), сол алмаға өз ойларын жазу керек (5минут) Сары-ашық адамдар, жасыл – қиялшыл адамдар, сарғыш-өз дегеніне жететін адамдар (таңдаған түстер арқылы әр баланың мінезі анықталды.) Әр оқушы жазған шығармасын оқып, тақтадағы жеміс ағашына іледі.
Жаттығу « Мен ғажаппын!»
Осы жайдары, көңілді қалыпты сақтай отырып хормен тақтадағы сөйлемдерді айтады.
- Мен осы өмірде келуіммен кереметпін.
- Мен өмірді сүйемін, өмір мені аялайды.
- Мен мейірімді, жылы жүректі жанмын.
- Мен сабырлымын, салмақтымын.
- Мен айналама бақыт шуағын шашамын.
- Мені тек жақсы адамдар қоршаған.
- Мен бәріне ризамын.
- Мен бақытты адаммын.
Талдау: Көңіл-күйіміз қалай? Қандай әсер алдыңыздар?
Соңғы жарияланған материалдар тізімі

Менің арманым Менің досым. Дос және Достық Өзін-өзі тану ашық сабақ "Дос болайық бәріміз!" Достық түбі - адалдық Менің досым Анама қандай сыйлық сыйлаймын? Достық ой Менің туған үйім Нәтиже сабақ

Автор Қобланова Гульжихан

Батыс Қазақстан обл, Қаратөбе ауд, Мұхит атындағы орта жалпы білім беретін мектебі

Бөлім: Материалы / Психологиядан ашық сабақтар | Көрсетілім: 12118 | Қосты: NA | Ілмек сөздер: