Сан есімді қайталау

Басты бет » Уроки » Сан есімді қайталау

Сан есімді қайталау

(Саяхат сабақ)

6 сынып

Нұрғалиева Қ.М.

Сабақ тақырыбы: Сан есімді қайталау. Саяхат сабақ.

Сабақтың білімдік мақсаты: оқушылардың сан есім туралы білімін тиянақтау, дамыту, мағыналық, құрамдық түрлерін жете талдап, түсінуге көмектесу.

Тәрбиелік мақсаты: оқушыларды тарихын, ұлттық салт-дәстүрлерін білуге, адамгершілік қасиеттерге тәрбиелеу.

Дамытушылық мақсаты: Дұрыс, сауатты жазуға дағдыландыру, тапқырлық, тиянақтылық, ізденімпаздық, шығармашылықпен жұмыс істеуге үйрету, сөздік қорын молайту, мәдениетті сөйлеу дағдыларын қалыптастыру.

Сабақтың түрі: Саяхат сабақ

Сабақ көрнекілігі: слайдтар, кесте, үлестірме қағаздар, тест жұмысы.

Сабақ әдіс-тәсілдері: ұжымдық, топтық жұмыс, түсіндіру, сұрақ-жауап, СТО стратегиялары, ой-толғаныс, тест жұмысы.

Ұйымдастыру кезеңі: оқушылармен амандасу, оқушылардың сабаққа қатынасуын тексеру.

Сабақ барысы:

Мұғалім сөзі: Құрметті оқушылар! Бүгінгі біздің сабағымыз ерекше – саяхат сабақ. Алматы – Астанаға саяхат жасау барысында біз еліміздің көрнекті жерлерін аралаумен қатар, өз білімімізді сынға сала аламыз. Ал, олай болса, сәт сапар балалар!

Алматы → Ақши елді мекені → Айдарлы → Бурыл Байтал → Балқаш → Ақсу → Аюлы елді мекені → Қарағанды → Астана

1. Ақши елді мекені аялдамасы.

Сұрақтар:

Сан есім қандай сөз табы, сұрақтары қандай, мысалдар келтір.

Сан есімнің құрамдық түрлері, мысалдар келтір.

Мағыналық түрлері нешеу, аттарын ата.

Есептік сан есім дегеніміз не?

Реттік сан есімнің жұрнақтарын ата.

Топтау сан есімдер қалай жасалады?

Жинақтық сан есімнің ерекшелігі қандай?

Бөлшектік сан есімдердің қолданылатын сөздері.

2.Айдарлы елді мекені аялдамасы.

Үй тапсырмасы «Сан есім туралы» эссе не ой-толғаныс жазу тапсырылған болатын. Ал, кім орындап келді?

3. Бурыл Байтал елді мекені аялдамасы.

Оқушылар, сіздер сан есімдерді барлығын білесіңдер. Сол сандардың арасында «киелі, қасиетті» сандар бар. Сол сандарды атап көрейік

7, 40, 9, 3, жүз, жұма, сәрсенбі күндері. Осы сандарға байланысты салт-дәстүрлерді атау.

4. Балқаш қаласы аялдамасы.

Ішінде сан есімі бар мақал-мәтелдер, жұмбақтар, жаңылтпаштар, өлеңдер ойлап табу.

5. Ақсу-Аюлы елді мекені аялдамасы.

Тест сұрақтарына жауап беру.

1. Емлеге сай жазылмаған сан есімді тап.

а) 9-сынып в) XXI ғ с) 8-ге таман д) 7-қазан

2. Топтау сан есімді тап.

а) қырық-отыз в) жетпістеген с) 23-тен д) 20-лап

3. Сан есім түрін анықтаңыз.

Атадан алтау, анадан төртеу жалғыздық көрер жерім жоқ.

а) жинақтықв) реттікс) топтау д)болжалдық

4. «Ау» жұрнағы жалғанатын сан есімді көрсетіңіз.

а) 4в) 3 с) 6 д) 7

5. Сан есімнің мағынасына қарай бөліну санын көрсетіңіз.

а) 4в) 7 с) 6 д) 5

6. Бөлшектік сан есімді көрсетіңіз.

а) 30-дай в) 5⁄10с) 100-деген д) мұным, менің

7. Дара сан есімді көрсет

а) 17в) 1900 с) 10 д) оқы

8. Болжалдық сан есімнің жұрнақтары қайсы?

а) –дан, -ден в) –дай, -дей с) –ау, -еу д) –лар, -лер

9. Реттік сан есімнің жұрнағын тап

а) –ыншы, -інші в) –ау, -еу с) –тан, -тен д) –дай, -дей

10. Есептік сан есімді тап.

а) бір в) біреу с) жүздеп д) бесеудей

Жауаптары:

1. Д 6. В

2. С 7. С

3. А 8. В

4. С 9. А

5. С 10. А

6. Қарағанды қаласы аялдамасы.

Сандар сөйлейді.

1991, 20, 12, 7, 30, 40, 1894-1938, 2011

7. Астана қаласы аялдамасы.

Сөйлемдер жазу.

Ел Тәуелсіздігінің 20 жылдығы қарсаңында Алматы метросы іске қосылды. Бұл құрылыс 1988 жылы басталған еді. Метро қазір жеті бекеттен тұрады. Әр вагонға 173 адам сияды. Әр тәулікте 30-40 мың адам тасымалдайды.

Есте сақтау.

Слайдтан 5 сөйлем оқып, есте сақтап, дәптерге жазу. 5 минут уақыт беріліп, жазып болған соң, оқытып тексеру.

8. Қорытынды.

Оқушылардың білімін бағалау.

Үй тапсырмасын беру. Тақырыбы: Сан есімнің емлесі.

Соңғы жарияланған материалдар тізімі


Сан есім

Сан есімді қайталау

Сан есімнің түрленуі

Сан есім

Сан есім

Сан есімді қайталау

Топтау сан есім. Бөлшектік сан есім

Сан есім

«Зат есім» тақырыбы бойынша

«Сан есім» тақырыбы бойынша