Өз тіліңді құрметте

Сабақтың  тақырыбы : Өз тіліңді құрметте

Сабақтың мақсаты : 1) Білімділік.Туған тілін, құрметтеу,тіліне деген мақтаныш,сүйіспеншілік көзқарасты қалыптастыру.

 2) Дамытушылық: Өзіндік практикалық әрекет ортасын

қалыптастыру,сауатты,әдемі жазуға бейімдеу,ойлау,есте сақтау қабілеттерін ажырату;

 3) Тәрбиелік: Оқушыларды патриоттыққа,жігерлікке,жаңашылдыққа,

ізденімпаздыққа,өз тілін құрметтеп сүйе білуге тәрбиелеу.                                  

Сабақтың түрі :                                Жаңа сабақ

Сабақтың әдісі :                               сұрақ-жауап,шығармашылық іздену

Сабақтың көрнекілігі :                  Ана тілі туралы нақыл сөздер,мақал-мәтелдер,эпиграф, Елбасының портреті.

 Пәнаралық байланыс :                   әдебиет,тарих

Сабақтың барысы :   І  Ұйымдастыру кезеңі.

Оқушылармен амандасу,түгелдеу,оқу құралдарын тексеру.Сыныптың тазалығына көңіл бөлу.Оқушылардың зейінін сабаққа аудару.

ІІ  Үй тапсырмасын пысықтау :Үйге берілген тапсырманы сұрау . Оқушыларға өткен тапсырма бойынша бірнеше сұрақтар қою.

ІІІ Жаңа сабақ: Балалар өткен сабағымыздың эпиграфын есімізге түсірейік.

 Оқушы: «Қазақстанның болашағы – мемлекеттік тілінде»             

                                                                                         ( Н. Ә. Назарбаев)

Мұғалім: Дұрыс айтасың, Қазақстанның болашағы – мемлекеттік тілінде сендер өздерің өмір сүріп жатқан республиканың мемлекеттік тілін білуге міндеттісіңдер.Сонымен қатар әрқайсың өз ана тілдеріңді ұмытпауларың керек. 

Бүгінгі сабақтың эпиграфы:

.......Анамыздың ақ сүтімен бойымызға дарыған тілімізді ұмыту – бүкіл ата-бабамызды, тарихымызды ұмыту деген сөз.

                                                                                       ( Бауыржан Момышұлы)

« Өз тіліңді құрметте» мәтінді тізбекпен оқу.

 а) Жаңа сөздерді оқып, айтып,мағынасы жақын сөздерді тауып, есте сақтау.

Тіл- қатынас құралы

Ұлт өкілдері-халықтар

Ана тілі-әр халықтың өз тілі

Дүниеге келу-туу-өмірге келу

Ұмытпау – есте сақтау

 ә) Мәтін бойынша сұрақтарға жауап беру.(ауызша)

- Біздің елімізде қанша ұлт өкілдері тұрады?

- Сонда қанша ұлт болса,сонша тіл бар деген сөз бе?

- Әлемдік деңгейде қолданылатын қанша тіл бар?

- Олар қандай тілдер?

- Бүгінгі жағдайда көп тіл білуіміз қажет пе?

- Ал өз ана тілдеріңді ше?

 

ІҮ.Гамматикалық тапсырма: Ыңғайлас салалас құрмалас сөйлем ережесін еске түсіру,жалғауларын пайдалана сөйлемдерді ажыратып тапсырма орындау.

Құрмалас сөйлемнің құрамындағы жай сөйлемдердің бірінде айтылған ойға екіншісінде айтылған ойдың мезгілдес,бағыттас, ыңғайлас мәнде қарым-қатынаста болуын ыңғайлас салалас дейді.Мысалы:Отан дегеніміз адамның туып өскен жері және мәңгілік алтын бесігі.

Ыңғайлас алалас құрмалас сөйлемнің жалғаулықтары: да,де,та,те,және, әрі.

5-тапсырма: Берілген сөйлемдердің ішінен ыңғайлас салалас құрмалас сөйлемдерді теріп жазу тапсырмасы тақтада орындалады.

Ү Ана тілі туралы өлеңдер, мақал -мәтелдер жаттадыңдар ма, жатқа айтқызу:

1-Оқушы: Тілімде менің

                    Байлығы жатыр ғаламның,

                    Кеңдігі жатыр даламның

                    Қаныма сіңген,

                    Жаныма сіңген сүтімен,

                    Мейірім менен

                   Махаббаты жатыр Анамның!

 2-Оқушы: Қазақ тілі! Ана тілім!

                   Анық маған сөнбестен жанатының.

                  Анық маған болашақ замандарға,

                   Бөгелмей баратының.

3-оқушы: Тіл жоқ жерде – ұлт жоқ.

4-оқушы: Анам берген туған тілім,

                  Атам берген құрал тілім.

6-тапсырма: Ана тілім Өлеңді мәнерлеп оқу

     Сенің әрбір тынысыңмен күн кешем,

      Сен арқылы тіршілікпен тілдесем.                   

      Ел бетіне қалай түзу қараймын,

       Ана тілім,егер сені білмесем.

      Ана тілім – Дана тілім, бақ тілім,

      Сенсіз бақыт дүниеден тапты кім?

      Сенсің менің қасіретім,шаттығым,

      Сенсің менің тазалығым, пәктігім.

ҮІ. Жазбаша жеке  жұмыс: 1) Өлең жолдарындағы ерекше белгіленген сөздерді сөз құрамына талдаңдар.

2) Тіршілік, шаттық, тазалық сөздерін тәуелдеңдер.

ҮІІ. Сабақты қорыту: Өтілген сабақ бойынша сұрақтар қою: Бүгінгі сабақта нені білдім? Нені білгім келеді? Нені білетінмін?

 Ой толғау:   «Ана тілі дегеніміз-сол тілді жасаған, жасап келе жатқан мәңгілігінің мәңгілік мәселесі. Ана тілін өгей ұлдары ғана менсінбейді,өгей ұлдары ғана аяққа басады»                                    (Ғ.Мүсірепов)

ҮІІІ. Үйге тапсырма: 6-тапсырма: Өлеңді жаттау.2-тапсырма:есте сақтап ,бірнеше ыңғайлас салалас құрмалас сөйлем құрап жазу.

 

Соңғы жарияланған материалдар тізімі

Салалас құрмалас сөйлем, Ыңғайлас салалас Себеп- салдар салалас құрмалас сөйлем Қарсылықты салалас құрмалас сөйлем Талғаулы салалас құрмалас сөйлем Түсіндірмелі салалас құрмалас сөйлем Кезектес салалас құрмалас сөйлем Шығарма Анамның тілі- ардақтым менің Салалас құрмалас сөйлемді қайталау Ана тілім – асыл қазынам! Сөйлем мүшелері. Ашық сабақ

Бөлім: Уроки / Қазақ тілі | Көрсетілім: 3383 | Қосты: Жамангараева Айгуль Базарбаевна | Ілмек сөздер: