Елін сүйген, елі сүйген Елбасы

Тәрбие сағат тақырыбы: Елін сүйген, елі сүйген Елбасы

Тәрбие сағат мақсаты: Оқушыларға ҚР Президенті Н. Ә. Назарбаевтың туып - өскен, оқып білім алған, еңбек жолының басталуы туралы мағлұмат беру, Елбасының еңбек жолынан үлгі алып, еліне деген патриоттық сезімдерін ояту, халқын сүюге, білімділікке тәрбиелеу.

Тәрбие сағат әдісі: әңгімелеу, сұрақ – жауап, сайыс сабақ

Тәрбие сағат көрнекілігі: Елбасы суреттері, кітаптары, рәміздер, «Халқым аман, елім бірлікте болсын деп...», дәйексөздер,презентация , т.б.

Сынып сағатының өту барысы:

І. Ұйымдастыру кезеңі

Психологиялық дайындық

«Жан жылуы» тренингі.  Оқушылар бір-бірден май шам ұстайды. Олар өз еліне,елбасына деген тілектерін жолдай отырып,шаттық шеңберінде қасындағы екінші оқушының май шамын тұтандырады. Осылйша барлық оқушылардың қолындағы май шамдарды жаға отырып тілектер айтылады.

Елін сүйген Елбасы (суреті) Сөйлесіп бір жүрген қай сөзіңде де халықты биік қоясын, Халықпен бір ашығасың да, халықпен бірге тоясың. Жастықтың жалын шақтарыменен бірге айтып арман әндерін, Қазақстанның бақтарыменен бірге жапырақ жаясың, - деп Тұманбай Молдағалиев жырлағандай бүгінгі "Елін сүйген Елбасы!" атты сынып сағатымыз Қазақстан Республикасының тұңғыш президенті Н. Ә. Назарбаевқа арналады. Сынып сағатымызда президентіміздің өмір жолымен және тындырған істері, Тұңғыш Президент күні туралы әңгімелейміз. І. Өмір жолы Тұрмыс құрғанына 3 жыл өтсе де Назарбаевтар шаңырағында іңгәлаған нәресте үні естілмей қапаланады. Қазақ үшін бұдан артық қасірет бар ма? Әбіш пен Әлжан ата - баба аруағына сыйынып, Алладан бала тілеуді қош көреді. Содан екеуі Райымбек бабаның басына барып құрбан шалып, малдың етін жұртқа үлестіріп беріп, моланы 7 рет айналып шығады. Екеуі де Алладан бір ғана ұл тілейді. Құдай шын тілегенге береді деген рас екен. Сол түні Әлжан ана тамаша түс көреді. Түсінде үлкен теңіз көреді. Буырқанып, дөңбекшіп жатқан мұндай теңізді бірінші көруі. Түсуге жүрексінеді, бірақ бір күш суға қарай дедектете сүйрей жөнеледі. Әуелі су тізесінен келеді. Одан кейін беліне, мойнынан асады. Бір кезде басы көрінбей кетеді «Тұншықтым- ау» деп қорқады. Бірақ бір ғажабы еркін тыныстап келе жатады. Аяғы теңіз түбіне бір тиіп, бір тимейді. Өстіп келе жатып, теңіз түбінен мылтық тауып алады. Кәдімгі аңшының ұзын мылтығы. «Жақсы болды ғой, Әбішке апарып беріп, қуантайын» дейді де, мылтықты иығына асынып алады. Сол кезде мылтық иіліп, екі басы да жерге тиеді. Әлжан мылтықты тастамай, аршындай басып теңіздің екінші жағынан бір- ақ шыққан екен. Бұл түсін еті жақын туыстары «алла жар болсын, түсің жақсы екен, Құдай ұл береді сендерге» деп жориды. Қате айтпапты. Құдай жарылқап Назарбаевтар әулетіне Нұрсұлтандай ұл беріпті. Сөйтіп, 1940 жылы 6 шілдеде Алматы облысы, Қаскелең ауданы, Шамалған ауылы, үшқоңыр жайлауында Н. Ә. Назарбаев дүниеге келген. Балалық шағы таршылық жағдайда өткен. Үлкендердің мал бағуына, бау - бақша өсіруіне көмек көрсетіп, шөпшек теріп, отын жарған. Мектепті жақсы оқып, жақсы білім алады. Еңбек жолын 1960 жылы Теміртау қаласындағы Қарағанды металлургия комбинатында қатардағы жұмысшы болып бастап, домна пешінің аға газдаушылығына дейінгі жолдан өтті. 1991 ж. желтоқсанның 1-інде тұңғыш рет Қазақстан Республикасы Президентінің жалпыхалықтық сайлауы өтті. Сайлау нәтижесінде Нұрсұлтан Әбішұлы Назарбаев басым дауыспен (98, 7 %) жеңіске жетті. Қазақстан өз тәуелсіздігін жариялап, егемендік алғалы бері де жиырма жылдан асты. Осы уақыт аралығында Қазақстанды барша әлем таныды, мәдениетіміз, өнеріміз, экономикамыз, білім мен ғылымымызбен өркениетті мемлекет қатарына қосылдық. Бұл- бабаларымыздан келе жатқан ұлы арман - тәуелсіздігімізді орналастыру жолындағы қиын белестерден халқын аман алып өтіп, тарих төрінен өзіндік қолтаңбасымен көрінген елбасымыз Н. Ә. Назарбаевтың салиқалы саясаты мен сауатты басқаруының нәтижесі. Сондықтан Біздің Елбасымыз - өзінің білім - білігімен, тәжірибесімен парасатты саясатымен түрлі этнос өкілдері кіретін халықты қазақ жерінде бірлік пен ынтымақтықта ұстап, береке тұнған құтты мекенге айналдырып, өз Отанының байлыққа кенеліп, гүлденуі үшін елімізді алға бастаған ұлы көшбасшы. Ел Парламенті қабылдаған заңға сәйкес, 1- желтоқсан ҚР Тұңғыш Президенті Күні - Мемлекеттік мереке ретінде белгіленді. «Қилы кезеңде» осындай көшбасшысы болған қазақ ұлты, Қазақстан халқы шын мәнінде бақытты. Елбасы күні - елдікті еңселетіп, тәуелсіздікті тұғырлы ететін күн болсын деп сынып сағатымызды аяқтаймыз.

 

І КезеҢ.Елбасының Ерекше өзіндік болмасын оқушылар сиапаттайды.

1.Елбасының өмір баяны.

2.Елбасының балалық шағы.

3.Елбасының жастық шағы.

4.Елбасының кемел кезеңдері.

5.Отбасы.

6.Мемлекет басшысының қызметінің көлемі.

7.Қазақстан Республикасының Президенті Қарулы Күштердің Жоғарғы Бас Қолбасшысы.

8.Қазақстан Халқы бас Асссамблеясының төрағасы

9.Нұр Отан ХДП

10.Мемлекеттік биліктің айрықша белгілері

11.Қазақстан Республикасы Президентінің төсбелгісі

12.Алтын қыран ордені

13.Мемлекет басшысының байрағы

14.Демалыс аясында

15.Спортпен шұғылдануы

16.Кітап оқуы және музыка

Осы тақырыптарда оқушылар өз білетіндерін ортаға салады.

ІІ кезең: Бұл кезеңде,экономика мен мәдениеттің және халықтың салт – дәстүрінің маңызды бағыттары бойынша Қазақстан Республикасы Президенті Н.Ә.Назарбаевтың мейлінше ең  маңызды дәйексөздерін жатқа айту

ІІІ кезең.   Әр топқа тапсырма беріледі: «Президенттің жұмыс күні». топ мүшелері бірлесіп Президенттің жұмыс күнін құрады және оны қорғайды.

4 кезең:  Қорытынды бөлім:

Президент деген кім? Президент болып кім сайлана алады?  Мен Президент болсам...
(оқушылардың жауабы тыңдалады)

Автор орындығы. Әр оқушы отырғышқа отырып, бүгінгі шарамыздан қандай ой түйді, нені үлгі ретінде өміріне алады сол туралы ашық ойын айтады.

Мұғалім сөзі: «Осы тәуелсіз еліміздің намысын қорғайтын, бүгінімізді ертеңіне жалғайтын, қазақ елінің ертеңі, болашағы үшін жауап беретін ұрпақ екендеріңізді ұмытпаңыздар. Барлығыңыз да Қазақстан Республикасының жақсы азаматы болып өсулеріңізге тілектеспін.

№36 мектеп – гимназиясы

Ашық тәрбие сағаты

 Елін сүйген, елі сүйген Елбасы

5 «а» сынып

Сынып жетекшісі: Рахимова Альмира

Атырау,2014 жыл

Соңғы жарияланған материалдар тізімі

Елі сүйген, елін сүйген Елбасы Елі сүйген, елін сүйген Елбасы! My country is Kazakhstan Елі сүйген, елін сүйген Елбасы атты ашық тәрбие сағаты Ұлт мақтанышы - Президент Елбасы - ел мақтанышы Егемен елдің – Елбасы Кемеңгер елбасы- ырысы елімнің! « Елі сүйген ер » Тұңғыш Президент

Бөлім: Уроки / Ашық сабақтар | Көрсетілім: 3296 | Қосты: Альмира Рахимова Мелисовна | Ілмек сөздер: