Сабақтың тақырыбы: Лепті сөйлем

Сабақтың мақсаты. 
1.Білімділік:  Оқушыларға лепті    сөйлем туралы мағлұмат беру 
2.Дамытушылық:  сөйлемнің түрлерін ажырата білуге дағдыландыру
3.Тәрбиелік: тілді ұлттық мұра ретінде қадірлеуге үйрету.
Сабақтың көрнекілігі: Оқулық ,тірек сызба
Сабақтың түрі: жаңа сабақ
Сабақтың әдіс-тәсілдері: Жаттығу жұмыстарын орындау, өз бетімен жұмыс түсіндіру
Сабақтың барысы:
І. Ұйымдастыру кезеңі.
Оқушылармен амандасу
Сыныпты және оқу-құралдарын түгендеу
ІІ Үй тапсырмасын пысықтау 
23-жаттығу  Сұраулы сөйлемдерін көшіріп жазу
Сұраулы сөйлем дегеніміз не?
ІІІ. Жаңа сабақты түсіндіру.
Лепті сөйлем деп ерекше көңіл күйіне, сезімге байланысты (қуану, ренжу, таңдану, аяу, бұйыру және т. б.) айтылған ойды білдіретін сөйлемді дейміз.

Лепті сөйлем ішіндегі сөздер түгелімен (әсіресе баяндауышы) көтеріңкі дауыспен айтылады. Лепті сөйлем соңынан леп белгісі қойылады.

Лепті сөйлем ішінде сұраулық мәнді сөздер де аралас келуі мүмкін. Мұндайда сөйлем соңында леп белгісі мен сұрау белгісі қатар қойылады. Егер сұрау мағынасы басым айтылса я сұрау мәнді сөздер бұрын айтылса, сұраулық бұрын (?!) қойылады, леп мағынасы басым айтылса я леп мәнді сөздер бұрын айтылса, лептік бұрын (!?) қойылады.
ІV. Cабақты меңгерту
24- жаттығу Ауызша  
26-жаттығу  көшіріп жазып сөйлем мүшесіне талдау
Өзіндік жұмыс 
5 лепті сөйлем жазу
V. Сабақты қорытындылау.
27-жаттығу 
Жеке жұмыс  карточка тарату
Шығармашылық жұмыс 
«Ең жақсы сәт» тақырыбына эссе жазу ішінде лепті сөйлем болуы тиіс
VІ. Үйге тапсырма беру.
25-жаттығу
VІІ. Бағалау