Ю - әрпінің  жазылуы

Мақсаты:        Оқушыларға  сөзде  йу  дыбысы  естілгенімен  , оның  орнына  ю әрпі 

                         жазылатындығын  түсіндіру

                         Есте  сақтауын , зейінін , логикалық ойлауын және шығармашылық

                         қабілетін дамыту

                         Сауаттылыққа , ұқыптылыққа  ,  жауапкершілікке  тәрбиелеу.

Әдісі:               Сұрақ-жауап,  түсіндіру,  ойын.

Көрнекілігі:     Сюжетті  суреттер,  плакатқа  жазылған  өлең-сөздер,  әріптер.

Сабақ барысы:

І. Ұйымдастыру  бөлімі

Психологиялық дайындық

 

ІІ. Үй тапсырмасын  тексеру

-          Қазір жылдың  қай  мезгілі?

-          Күзде  неше ай бар?

Күз келеді , амандасып , қонаққа  келгенін  хабарлайды.

-          Үй жұмысы , 107 – жаттығу, оқыту; сөздерден  сөйлемнің  дұрыс  құрылғанын  тексеру; я дыбысы  бар  сөзді  атап,  я әрпінің  алдынан  келген  дауыстыны  атау;  ережені  қайталау.

-          Ойын «Я әрпі бар  сөз  айт-тез айт»

-          Қорытындылау

ІІІ. Жаңа  сабақ

Жұмбақ :        Орманнан  ,  жалпақ  даладан

Бал  іздеп  бірақ  жортады

Кіп-кішкене  арадан

Үп-үлкен  боп  қорқады.

        -  Аю  деген  сөзде   көп  кездеспейтін  қандай  дыбыс  естіп  тұрсыңдар?  Қанша  дыбыс  естіледі?

        -  Ю әрпі де  я  әрпі  сияқты  орыс  тілінен  енген  дыбыс. Ю әрпін   қосарлы  дыбыс  дейміз.  Ол  дауысты  дыбыс  ,  бірде  жуан,  бірде  жіңішке  идыбысталады.  Аю-айу (жуан) ,  есею (жіңішке).

Оқулықпен  жұмыс

110-жаттығу,  суретті  атау: аю,  ою,  -екеуіне  ортақ  әріп? – ю

Музыка  сабағынан  жан-жануарларға әндер тақырыбында  аю  туралы  ән  жаттадық

Кәне  айтайық.

 

ІV.  Сергіту  сәті  «Аю»  әні

Балпаң,  балпаң  басамын,

Алты  қырдан  асамын.

Аю  деген  ағаңмын,

Аңшы  көрсем  қашамын.

 

-  Ал  ою  бейнелеу  өнерінің  қай  жанрында  қолданылады?

111-жаттығу. Өтірік  өлеңді  оқытып  ю  әрпінің  қандай  дыбыстан  құралғанын  сұрау; осыдан  қандай  ереже  шығаруға  болады?

- Ержені  қайталау. 3-4  оқушы.

Табиғаттың  түрі  пәс

Бау-бақшалар  жалаңаш

Орманның  да жоқ  шуы,

Естілмейді  құс  үні

Ұйқыға  кетті  аю да,

Болады  бұл  қай  айда? (қазан айы)

 

-  Осы  айда  аю  балға  тойып  ұйықтау  керек.  Сол  туралы  112-жаттығу  өлеңді  оқиық.  Оқушы  өлеңді  оқиды,  бәрі  қайталап   оқып  жаттап  дәптерге  жазады.

Бір  оқушы  тақтаға  жазады.

 

1. Дәптермен  жұмыс

Көркем  жазу.  112-жаттығу жазады

113-жаттығу. Тапсырмасын  оқытып  ,  тақтаға  сөздерді  өзгертіп  жаздыру (күшей+у-күшею)

Күшею, азаю,  молаю,  тою,  көркею,  тыңаю.

 

Қалған  оқушылардан   күзде  не  күшейетіні,  не   азайатыны,  не  молаятыны  туралы  сұрақтар  қоямын.

114-жаттығу  тапсырмасын оқытып  тиісті  іріпті қойып  өз  бетімен  жазуды  тапсыру.

Үлкею,  шалқаю,  есею,  сарғаю,  қою. 

 

1. Ойын  «Әріптерді  тіркестіріп  сөз  құра»

  б е к ө ю      көбею

  ғ с п а ю а    сарғаю

  ү к е л ю      үлкею

 

Шығармашылық  жұмыс. Плакат ілу

Өлеңдегі  жоқ  сөздерді  тауып  өлең  құрастыру

Қойды........керек 

Етін  сорғытып........керек

Терісін  тұздап.........керек

Қуырдағына ............керек

Сонан соң қалаға.........керек

 

VII. Сабақты  қорытындылау

-          Бүгін  қай  әріпті  өттік?

-          Ол  қандай  дыбыс?

-          Ю әрпін  сөзде  қалай  жазамыз?

 Бағалау .

 VIII. Үйге  тапсырма  -  115-жаттығу. Ребусты  шешіп,  сол  туралы  әңгіме  жазу.

Соңғы жарияланған материалдар тізімі

Қ дыбысы мен әрпі Үү дыбысы мен әрпі Т дыбысы және әрпі. ю дыбысының жазылуы А а дыбысы мен әрпі Х дыбысы мен әрпі Ә ә дыбысы мен әрпі Щ дыбысы мен әрпі Я әрпінің жазылуы : “ Ю ” дыбысы мен әрпі

Бөлім: Уроки / Бастауыш сынып | Көрсетілім: 9924 | Қосты: NA | Ілмек сөздер: