Оқушының пәнге деген қызығушылығын арттыру өз бетімен жұмыс жүргізе  білуге дағдыландыру, ойлау қабілетін дамыту мақсатында өз тәжірбемде сабақты түрлендіріп өткізуге тырысамын. Әрине, әр сабақтың құндылығы мұғалімнің білім деңгейіне байланысты. 8-сыныпта « Сезім мүшелері »  тарауын қайталағанда « Қазыналы аралға саяхат » атты ойын сабағын өткіздім

Сабаққа оқушылардың « Сезім мүшелері » тарауы бойынша алған білімдерін  қорытындылап, бір жүйеге келтіру, сезім мүшелері мен   қоршаған орта арасындағы байланысты анықтай білуге үйрете отырып, оқушылардың ойлау және есте сақтау қабілеттерін дамытуға салауатты өмір салтын ұстануға тәрбие беру мақсатын қойдым.

Сабақтың типі:  Дәстүрлі емес

Сабақтың түрі:  Саяхат ойын сабағы 

Сабақтың әдісі: Қайталау, сұрақ-жауап, интер белсенді әдістер.

Сабақтың көрнекілігі:1. Сезім мүшелерінің түрлері және құрылысы (слайд)

2. Дидактикалық материалдар

Ұйымдастыру бөлімінде: оқушыларға бүгінгі сабақта таңғажайып саяхатқа аттанатыны айтылады. Олар « Білім » мұхитын жүзіп өтіп, қазыналы аралға баруы тиіс. Мұғалім кеме капитаны, оқушылар жас теңізшілер. Сынып үш топқа бөлініп, әр топ топбасшысын сайлайды. Мұғалім саяхаттың маршруттық картасымен таныстырды.

1-аялдама « Сенсорлық жүйе »    

2-аялдама « Сезім жағалауы »     

3-аялдама « Сынақ түбегі »

4-аялдама « Өзен порты »  

5-аялдама « Шариғат шапағаты »

6-аялдама « Қазыналы арал »  ( үйге тапсырма )

Негізгі бөлім: мұнда әр аялдамада берілген тапсырмаларды орындайды

1-аялдама « Сенсорлық жүйе » тапсырмасы.

Ағыстардың қаттылығынан кеме шайқалып, картамыз суға ағып кетті. Енді картаны қайта жасау керек. Ол үшін « Лото » ойынын ойнаймыз. Мына кеспе қағаздардан араласып кеткен мүшелерді жүйесіне қарай жіктейміз: құлақ қалқаны, сыртқы дыбыс жолы, кірпік , мұрын қуысы, тіл, иіс сезу бадамы, дабыл жарғағы, қабақ, мұрын қалқандары, тері, тәтті,дыбыс сүйекшелері, иіс сезу жүйкесі, қарашық, тіл бадамшасы, кеңсірік, ақ қабықша, есту жүйкесі, ащы, торлы қабықша, тұзды, ұлу дене, миға баратын иіс сезу жүйкесі. 

2-аялдамада «Сезім жағалауы»  тапсырмасы

Үш топқа үш қобдиша беріледі. Қобдишаға түрлі заттар салынған. Оқушылардың көзі орамалмен таңылады да заттарды қолмен ұстап, иіскеп жіктеп атын атайды. Қобдишадағы заттар: бор, алма, иіс су, мақта, темір, спирт, т.б. Оқушылар сипап сезу, иіс сезу мүшелерінің көмегімен заттарды тану қабілетін көрсетеді.

3-аялдама «Сынақ түбегі» тапсырмасы

Үй тапсырмасына байланысты жасалған үш нұсқадағы тест сұрақтарына жауап береді.

4-аялдама «Өзен порты» тапсырмасы

1-топ «Көздің құрылысы мен қызметі»

2-топ «Құлақтың құрылысы мен қызметі»

3-топ «Дәм сезу және сипап сезу анализаторы» тақырыптары бойынша мәлімдеме жасайды.

5-аялдама «Шариғат шапағаты»

6-аялдама «Қазыналы арал»

Сабаққа жақсы қатысқан оқушылар бағаланып, үйге тапсырма беріледі.