ОҚУШЫНЫ ҒЫЛЫМИ ЖҰМЫСТАРҒА БАУЛУ
(Әдістемелік бірлестік отырысында оқылған баяндама)

Наурызалиева Жаннат Саматовна,
Орал қаласы, А.Байтұрсынов атындағы
№10 ЖОББМ,
ІІ санатты информатика пәні мұғалімі.

Қазіргі уақытта мектептерде оқушылар мен мұғалімдердің зерттеушілік дағдыларын дамыту үшін ғылыми-әдістемелік шығармашыл топтар жұмыс жасайды. Бұл топтардың басты мақсаты: нақты мәселені зерттеу, оны теориялық және практикалық негізде қолдану, оқушылардың өздіктерінен білім алуға ынталандыру, ізденіске баулу болып табылады. Осындай жұмыстардың нәтижесінде оқушылардың білім мен біліктері артады.
Сол себепті, қазіргі мектепте әр мұғалімнің өзіне қоятын сұрағы «Кімді? Не үшін оқытамын».
Бүгінгі, көтергелі отырған мәселем, менің жеке тәжірибемнің нәтижесінде орын алған өзгерістер туралы болмақ. Оқушыға ойда-жоқта келіп «сен мына ғылыми жұмыспен айналыс» десек, оқушының оған деген қызығушылығы да, талпынысы да төмен немесе мүлдем жоқ болады.
Оқу мен жазу арқылы сыни тұрғыдан ойлау курсын өтіп, соны сабақтарымызға кірістіре бастаған кезден, бұл жұмыс барысында тек сабақ құрылымын өзгертіп ғана қоймай, жеке басымның (мұғалім ретінде) оқушыға деген көзқарасым, ой-пікірім өзгере бастағанын байқадым.
Балаға сырттай нұсқау беру емес, оның қызығушылығын іштен оятатындай жүйелі әдіс-тәсілдер қолдану керектігін түсіндім. Мен 2011-2012 оқу жылында 11-сынып оқушысы Даулетова Орынай деген оқушыны ғылыми жұмыс жазуға дайындадым. Оқушыны дайындамас бұрын, өзім де ғылыми жоба жазуға арналған әдістемелік нұсқаулықтарды көптеп оқып шықтым. Әзірлеген мультимедиалық ғылыми жобамыздың тақырыбы: «Салауатты өмір салтын насихаттау» болатын.
Оқушымен бірлесе отырып, интернет желісінен түрлі сайттарға кіріп, фотосуреттерді қарап, мақалаларды оқып, біріміз бен біріміз ой бөлісіп, тақырыпты біркелкі ашқандай болдық. Қосымша материал көздерін алуға болатын сілтемелерді беріп, оқушыға үйден дайындалуға бірнеше күн уақыт бердім. Арада біраз уақыт өткенде оқушым өзінің жұмысын алып келіп, қарап көруімді сұрады. Ғылыми жоба Power point бағдарламасында дайындалған. Слайдтағы мәліметтердің орналасуы, тақырыбына сай мақсатының жүйелі қойылғандығын, безендірілуі, және ойын жинақтап, мысал келтіріп, мәліметтерді салыстырмалы түрде жазғандығы өте ұтымды шықты. Жұмыс жобасы дайындалып, оқушым қалалық кезеңнен ІІ орынды иеленді.
Әуелі ғылыми жұмыспен айналысу үшін оқушыны тани, түсіне білу керек. Ғылыми жоба дайындау бұл 1 күннің немесе 1 айдың жұмысы емес. Сондықтан екеуміз төмендегіше жұмыс жоспарын дайындадық.
№ Жұмыстың мазмұны Мерзім
1. Зерттеу тақырыбын таңдау, ол туралы алғашқы дерек көздерін іздеу, сұрастыру Қыркүйек-Қазан
2. Барлық жинақталған деректерді топтастыру, дайыннау, қорытындылау. Желтоқсан-Сәуір

Оқыту мен тәрбиелеу процесінде оқушы шығармашылығын дамытудың қажеттілігі қоғам талабынан туындайды. Қоғам кашан да қабілетті адамға мұқтаж. Қоғам барған сайын күрделене түсуде. Оқушының өз бетімен жұмыс жасай білуі, ізденімпаздығы, шығармашылықпен жұмыс жасауы қазіргі кезде білім алудың алғышарттарының бірі болып саналады.
Соңғы жарияланған материалдар тізімі

ДАРЫНДЫ БАЛАЛАРДЫ МАТЕМАТИКА ПӘНІ БОЙЫНША ЗЕРТТЕУ ЖҰМЫСТАРЫНА БАУЛУ Дарынды балалармен жұмыс бағыттары. Жоспарлау әдісі туралы түсінік "Қозы Көрпеш - Баян сұлу" жыры Ізденістер жолында Дарынды оқушылармен ғылыми – зерттеу жұмысын ұйымдастыру Дарынды оқушылармен ғылыми – зерттеу жұмысын ұйымдастыру Математика сабақтарында оқушылардың шығармашылық қабілетін қалыптастыру Математика сабақтарында оқушылардың шығармашылық қабілетін қалыптастыру Биология сабағында жаңа технологиялармен жұмыс жасау нәтижелері

Бөлім: Статьи / Баяндама | Көрсетілім: 3402 | Қосты: NA | Ілмек сөздер: