Сабақтың мақсаты:

• Теориялық: Кіші допты алысқа лақтырудың мазмұндылығымен ерекшелігін көрсету арқылы  допты алысқа лақтыруды жетілдіре үйрету.

• Дамытушылық: Оқушылардың дене бітімінің дұрыс қалыптасуын, ептілік пен икемділігін дамыту.

•Тәрбиелік: Спортқа деген қызығушылығын арттыра отырып сымбаттылыққа тәрбиелеу

Міндеті: Кіші допты алысқа лақтыруға үйрету

Әдісі: Түсіндіру, көрсету, үйрету

Құрал жабдықтар:  Кіші доп, ысқырғыш, секундомер.

Сабақтың мазмұны Орындалу уақыты Әдістемелік нұсқаулар

I. Ұйымдастыру бөлімі:

А) Оқушылардың сапқа тұруы,

Ә)Қатар бойынша реттік санау

Б)Кезекші міндеттерін қабыл-дау.

Жалпы дене даярлық жаттығулары:

• Оңға бұрылып саппен алаңды айналып жүру.

• Қол жоғарыда аяқтың ұшымен жүру.

• Қол белде табанның іші-мен,сыртымен жүру.

• Қол белде жартылай, қол желкеде толық отырып жүру.

• Жеңіл, бірқалыпты жүгіру.

• Оң иықпен, сол иықпен жүгіру.

• Тізені жоғары көтере жүгіру.

Оқушылардың сабаққа дайындығын тексеру, жаттығуларды толық әрі ретімен орындауын қадағалау.

Жылпы  дамыту жаттығулары:

• 1,2,3,4 реттік санмен саналу арқылы қатарға тұру

• Дене жаттығулары:( бас, иық, қол, бел, аяқ т.б)

5-мин

II. Негізгі бөлім:

Сабақтың тақырыбын түсіндіру, кіші допты лақтыру

Жеңіл атлетиканың бір түрі-лақтыру. Бір орында тұрып доп лақтырудың бес қадамнан екпін алып келіп лақтырудың техникаларын қайталап, кейін толық екпін алудың техникасын меңгеруге көшу қажет.

• Лақтыру бағытына қарап тұрып, кіші допты лақтыру.

• Осы жаттығуды оңға жартылай бұрылып орындау.

• Осы жаттығуды лақтыру бағытына бүйірін қаратып тұрып орындау.

• Лақтыру бағытына(бір қырымен)тұрып, сол аяқтан оң аяққа жеңіл секіріп ауысу арқылы лақтыру.

• Аяқтың арасы иық кеңдігіндей болып, бір қырымен, дененің салмағын оң аяққа түсіріп сол аяқ ілгері қойылған және кеуде сәл алға еңкейіп, оңға бұрылған, қол жанға созылған қалыпта лақтыру.

Ескерту:

Лақтыру кезінде жіберілуі мүмкін негізгі қателер: бастапқы қалыптың дұрыс болмауы: лақтыратын қолды шамадан тыс бүгу: оны иық тұсынан төменнен сілтеп лақтыру: дененің салмағын алда тұрған аяққа ауыстырмау: шынтақты жанға қарай жазып жіберу. 

3-мин

Оқушыларға жаңа тақырыптың жасалу техникасы  толық көрсетіліп, түсіндіріледі

III. Қорытынды бөлім:

• Оқушыларды сапқа тұрғызу

• Қателіктерін ескерту.

• Бағалау 

• Ұйымдастырылған түрде спорт алаңынан шығару.

 

5-мин

Ескерту жасау, қателіктерді айту, түзету.