Озық ойлы оқушы

Басты бет » Уроки » Озық ойлы оқушы

Озық ойлы оқушы

Сайттан жүктеу

Тақырыбы: Озық ойлы оқушы

Мақсаты: а) Оқушылардың ойлау қабілеттерін, пәнге деген қызығушылықтарын,

ынтасын арттыру, алған білімдерін тереңдету.

ә) Ой-өрісін кеңейту, есте сақтау, логикалық ойлау қабілеттерін дамыту.

б) Өз бетімен жұмыс жасай білуге, шапшаңдыққа, ізденімпаздыққа баулу.

Сыйластыққа және ұйымшылдыққа, алдарына қойған мақсатқа жетуге

тәрбиелеу.

Түрі: сайыс сабақ.

Әдісі: сұрақ-жауап.

Көрнекілігі: интеративті тақта, слайд, марапаттаулар т.б.

Барысы

I.Ұйымдастыру.

-Құрметті ұстаздар, оқушылар бүгінгі біздің 4г сынып арасында математика пәні бойынша өткізгелі отырған «Озық ойлы оқушы» атты интеллектуалдық сайысымызға қош келдіңіздер. Бүгінгі сайыс барысында оқушылардың ой-өрісін, білімдерін, ақылы мен ептілігін сарапқа салатын боламыз.

Біреу озса сайыста, біреу артта қалады,

Өкпелемей тараса, озбағандар жарады.

Жарыс заңы ежелден – жеңімпазды анықтау,

Озат болу шарты сол – еңбектену, жалықпау.

Ендеше сайысқа қатысып, жеңімпаз болам деп еңбектеніп келген оқушыларымызбен таныс болайық.

Оқушылар өздерін таныстырып, ұрандарын айтады.

Енді сайысымызды бағалайтын әділқазылар алқасымен таныс болыңыздар:

1.Бастауыш сыныптар ісі жөніндегі директордың орынбасары –

Ақмарал Базарбайқызы.

2.Бастауыш сынып мұғалімі -

-Алдымен сайыстың жоспарымен таныс болайық. Сайыс 6 кезеңнен тұрады:

1. «Кім жүйрік?» 4. «Цифрлар сыр шертеді»

2. «Жорға» 5. «Тапқыр болсаң, тауып көр»

3. «Көкпар» 6. «Бәйге»

Әр 2 кезеңнен кейін ұпайы төмен 2 оқушы сайыстан шығарылады.

Математикалық сайыс – бұл еңбек. Сондықтан сайыс кезінде өте ұқыпты, ойларың жинақталған болу керек және тәртіп сақталған жөн. Сондай-ақ шапшаңдық қажет.

Олай болса, сайысымызды бастайық.

1-кезең «Кім жүйрік?» деп аталады. Бұл бөлімде сендерге бірнеше тапсырма беріледі. Жауабын есептеп, алдарыңыздағы жауап парағына жазып, тез көтереміз. Әрбір дұрыс жауапқа 5 ұпай беріледі және тез жауап берген алғашқы 3 оқушыға тағы 1 ұпайдан қосылып отырады. Дайын болсақ, сәттілік тілеймін!

1.Қай айда 28 күн бар? (барлық – 12 айда)

2.45-тің квадраты нешеге тең? (2025)

3.7 майшам жанып тұр, 4-еуін сөндірсек неше майшам қалады? (4)

4. 50-ден 100-ге дейінгі сандарда 9 саны неше рет кездеседі? (15)

5. Шаршының ауданы 49 м2. Р=?м (28м)

6. Кім шапшаң және дұрыс есептейді?

8х4+3= 35

(8+4)х3= 36

8х4х3= 96

7. Жұлдызшаның орнына сан қойып, көбейтуді орында.

* 2 * 524х7=3668

х 7

3 6 * 8

8. 0,1,2,3 цифрларынан алынған ең үлкен және ең кіші сандардың айырмасы нешеге тең? 3210 – 1023=2187

9. Әрбір сақинадағы сандардың қосындысы 55-ке тең болса, А мен В қаншаға тең?

А=10, В=8

10. Алты 7-ден 100 снын шығар. (777 – 7) : 7=100

I-кезең «Жорға».

Қазақ тілі 10 20 30

Қазақ әдебиеті 10 20 30

Дүниетану 10 20 30

Қазақ тілі.

10 – Зат есім де, етістік те, сан есім де болатын санды ата. (100)

20 – 4 дыбыстан тұратын «а»-дан басталып, «а»-дан аяқталатын 4 сөз айт.

Алма, арба, айна, алқа, ақша

30 – 1-ші және 11-ші әріптен құралған сөз қай сөздің антонимі? Аз-көп.

Қазақ әдебиеті.

10 – 1 ғасыр өмір сүрген ақын кім? Жамбыл Жабаев

20 – Абайдың «Ғылым таппай мақтанба» өлеңіндегі 5 асыл іс пен 5 дұшпанды ата.

5 асыл іс: талап, еңбек, терең ой, қанағат, рақым.

5 дұшпан: өсек, өтірік, мақтаншақ, еріншек, бекер мал шашпақ.

30 – Ақ тарының әр гектарынан 1200-1300 пұт, яғни 260 қап өнім алып, дүниежүзілік рекорд жасаған кім? Шығанақ Берсиев.

Дүниетану

10 – Адам денесіндегі бұлшық ет саны қанша? 650

20 – Оны жасау идеясы Елбасы Нұрсұлтан Назарбаевтікі, ал авторы белгілі ағылшын архитекторы иНормон Фостер. Оның ішінде 8 қабат бар. Ол Қазақстан жеріндегі бірлік пен достастықтың, бейбітшілік пен ынтымақтастықтың белгісі. Ол не? Пирамида – Бейбітшілік пен келісім сарайы.

30 – Әлемдегі ең биік шөпті ата. Оның биіктігі қанша? Бамбук – 25м.

III. «Көкпар».

Бұл кезеңнің өзі 2 бөлімнен тұрады. 1-бөлімде жасырынған санды тауып, мақалды оқу. Тапқан оқушы алдарыңыздағы жалаушаны көтересіздер.

2-бөлімде құрамында сан есімі бар мақал-мәтел айтып жарысамыз.

1. 30 тістен шыққан сөз,

30 рулы елге тарайды.

2. 1 кісі қазған құдықтан,

1000 кісі су ішеді.

3. Білгенің бір тоғыз,

Білмегенің тоқсан тоғыз.

4. Ел құлағы –елу.

5. Еңбегің егіз болса,

Байлығың сегіз болады.

6. Өнерпаздың он қолы бар.

7. Айла – алтау, ақыл – жетеу.

ә) Құрамында сан есімі бар мақал-мәтел айт.

IV. «Цифрлар сыр шертеді»

Тақтада бірнеше цифрлар беріледі, сіздер сол цифрлар нені білдіретінін тауып айтуларыңыз керек. Тапқан оқушы жалаушасын көтеру керек.

1. 1945, 09.05 – 1945 жылы 9 мамырда Кеңес Одағы жеңіске жетті. Осы күнді «жеңіс күні» деп атап кетті.

2. 1= 12=365. 1 жыл=12 ай=365 күн.

3. 2013, 22. Биыл 2013 жылы тәуелсіздікке 22 жыл болады.

4. 1995, 30.08; 9, 98.

1995 жылы 30 тамызда ҚР Констиуциясы қабылданды. Конституцияда 9 бөлім, 98 бап бар.

5. 5 см, 1,6 грамм .

Әлемдегі ең кішкентай құс – колибри. Оның дене тұрқы 5 см, салмағы 1,6 грамм.

6. 35 см, 12 жыл, 56 жыл.

Родос аралына салынған теңдесі жоқ ескерткіш – биіктігі 35 м-ге жуық Гелиостың алып мүсіні. Гелиос Күн құдайы деп саналған. Мүсінді жасау 12 жылға созылған. 56 жыл бойы тұрған мүсін жер сілкінісі кезінде қирап қалған.

V. «Тапқыр болсаң, тауып көр»

Келді кезек жұмбақтарды шешуге,

Жауаптарын беру керек үш тілде.

Қазақ, орыс, ағылшынды білсеңіз,

Жақсы баға, шәкірт саған несібе.

Берілген жұмбақтың, ребустың шешуін тауып, 3 тілде айту. Жауабын тапқан оқушы алдындағы жалаушаны көтереді.

1.Сырт-сырт соғады,

Уақыт озады. Сағат-часы-clock

2.Жоқ өзінде бас та, қас та, мойын да,

Ұзындығы жазылып тұр бойында. (сызғыш – линейка –ruler)

3.Солдан оңға қарай оқысаң да,

Оңнан солға қарай оқысаң да шығатын сан. (қырық – сорок - forty)

4. торт-төрт. (төрт-четыре-four)

5.Кезікті бір жануар,

Үстінде екі тауы бар. (түйе – верблюд - camel)

6. 6+н (алтын – золото - golden)

7. Шекер жейтін аққұтан,

Бір қазыққа байланды.

Аузына тістеп шекерін,

Ол қазықты айналды. (циркуль-циркуль-compasses)

VI. «Бәйге»

Әр оқушы 1 минутта 15 сұраққа жауап беру.

1-оқушыға:

1. 3 кесіндіден құралған фигура (үшбұрыш)

2. Тәуліктің төрттен бір бөлігі? (6)

3. Ең үлкен екі таңбалы сан? (99)

4. Бір центнерде неше кг бар? (100)

5. 65-тің квадраты? (4225)

6. Адамның қалыпты дене қызуы? (360с)

7. Кесіндінің ¼ бөлігі 5 см болс, кесінді неше см? (20 см)

8. Қоян сөзіндегі дыбыс саны? (5)

9. 2 аптада неше тәулік бар? (14)

10. 1 тонна қағаз алу үшін неше тонна су жұмсалады? (250т)

11. 7 мен 8-дің көбейтіндісі? (56)

12. Бес, он бес, екісіз жиырма. Барлығы қанша? (38)

13. Үш орындықтың аяғы нешеу? (12)

14. 12 айды бір сөзбен айт. (жыл)

15. 8 жүздіктен 8 ондықты азайт. (720)

2-оқушыға:

1. 10-ның кубы? (1000)

2. Қазақстанда неше облыс бар? (14)

3. Жарты жылда неше ай бар? (6 ай)

4. Қорада 2 бұзау, 5 тауық жүр. Аяқтары нешеу? (18)

5. Ең кіші 3 таңбалы сан (100)

6. 1 тәулікте неше сағат бар? (24)

7. 6 мен 9-дың көбейтіндісі? (54)

8. 1 тоннаның ¼ бөлігі неше кг? (250)

9. Адам денесінде қанша литр қан бар? (5л)

10. Ұзындық өлшем бірліктерін ата. (мм, см, дм, м, км)

11. Тұңғыш президент күні (1 желтоқсан)

12. 55-тің квадраты (3025)

13. 5 ондық пен 3 –тің көбейтіндісі (150)

14. Барлық қабырғалары тең фигура (шаршы)

15. Шеңбер сызуға арналған құрал (циркуль)

3-оқушыға:

1. Ең кіші уақыт өлшем бірлігі (секунд)

2. Санды белгілейтін таңба (цифр)

3. 3-тің кубы (27)

4. Тәуелсіздік күні қай күн? (16 желтоқсан, 1991ж)

5. 7 жүздік пен 7 ондықтың айырмасы (630)

6. 1 сағаттың 1/3 бөлігі неше минут (20мин)

7. Тік бұрыштан үлкен (доғал)

8. 24 сағат немесе (1 тәулік)

9. 590 санының алдындағы сан? (589)

10. 75-тің квадраты (5625)

11. Екі адам 4 сағат шахмат ойнады. Әрқайсысы неше сағат ойнады? (4)

12. Үстелде 3 стақан сүт бар. Алмаз бір стақан сүтті ішіп қойды. Үстелде неше стақан бар? (3)

13. 3 сағатта неше минут бар? (180)

14. 5 ондық пен 5 бірліктің айырмасы (45)

15. 1 тоннада неше центнер бар? (10)

Әділқазыларымыз қорытынды ұпайларын есептегенше, жанкүйерлеріміздің де білімдерін сынап көрелік.

1. 86 санын еш амал қолданбай 12-ге арттыр.

2. Жаңылмай, тез сана.

3.Логикалық есептер

Қорытынды.

Соңғы жарияланған материалдар тізімі


Математика- ақыл ой гимнастикасы

"Дарабоз" танымдық сайысы

Жүзден жүйрік

«Математика алғыры»

Есепке жүйрік өрендер.

Әдебиет көшбасшысы

Көңілді достар

ХХІ ғасыр көшбасшы. Ашық сабақ

ХХІ ғасыр көшбасшы

Интелектуалдық ойын-2015