Тілден терең теңіз жоқ

Тақырыбы: Тілден терең теңіз жоқ

Мақсаты: Қазақ тілімізді қастерлеп, бүгініміз бен келешегіміз үшін тілімізді нығайту басты борышымыз екендігін ұғындыру.

Барысы:

А) сыныпты безендіру;

ә) 5-6 сынып оқушыларын екі топқа бөлу.

Байқаудың негізгі бөлімдері:

1. Сөз тапқанға қолқа жоқ
2. Тапқыр болсаң, тауып көр
3. Өнерлі өрге жүзер
4. Сен білесің бе?
5. Кім жылдам?

А)Құрметті  мұғалімдер,оқушылар!

Бүгін сіздер «Тілден терең теңіз жоқ» атты 5-6 сынып  оқушыларының сайысына келіп отырсыздар. Сіздерді сайыстың негізге шарттарымен таныстырып өтейін.

ә)Әділқазылармен таныстыру

б) Бәйгеге түсіп жарыспай

Жүйріктің бағы жанар ма?

Білім мен өнер жарысып,

Тәрбие білім табар ма?

Бұл бәйге ойдың бәйгесі

Кім жүйрік ойға- сол алда!

І кезең:  «Сөз тапқанға қолқа жоқ» деп аталады. Бұл кезеңде берілген әріптерге байланысты қойылған сұрақтарға жауап бересіңдер. Сонымен, іске сәт!

А, д, б,м,т,с,қ,о

1-топқа:

1. Тазға тарақ керек пе?

2. Ең алғашқы қазақ ғарышкерін ата

3. Сурет салған қызық па?

4. Қазір қалтаңда не бар?

5. Қулық жасағанды ұнатасың ба?

6. Сыныбыңда кім үздік?

7.Қыздар нені ұнатады?

8. Жаңбыр қашан жауады?

9. Ауылда кім әзілкеш?

10. Қандай тамақ түрін ұнатпайсың?

11.Мейрамда анаңа не сайлайсың?

12. Қай қалаға барғың келеді№

13. Жағымсыз әдеттеріңді ата

14. Үлкенге қалай сәлемдесесің?

15. Тілсіз жау деп нені айтамыз?

 

2- топқа:

1. Сенің досың кім?

2. Бос уақытыңда не істейсің?

3. Қай пәнді ұнатпайсың?

4.Би билегенды ұнатасыңба?

5. Қазақтың билерін ата

6. Осында сеніңше кім сұлу?

7. Тіл мерекесі қай айда тойланады?

8. Әжесінің еркесі кім?

9.Өтірікті жиі айтасың ба?

10. Жапырақтың түсі қандай?

11. Тауықтың түсіне не кіреді?

12. Тоқтар Әубәкіров кім?

13. Зиянды заттар деп нені айтамыз?

14. Білімді болған дұрыс па, білекті болған дұрыс па?

15. Адамға ең жақын жан кім?

 

ІІ кезең-Тапқыр болсаң, тауып көр

Әр топ басшысына сөздер беріледі, соны жұмбақтап тобына түсіндіруі тиіс.

Ал, топ мүшелері соның жауабын табады.

1-топ: Қарға, оқушы, кітап, отбасы, футбол, арыстан, шаңсорғыш, күрек

2- топ: Күнделік, көгершін, ұстаз, Елбасы, түйе, дос, айна, айыр.

ІІІ кезең: Өнерлі өрге жүзер

IV: Сен білесің бе?

Қазір тақтадағы сандарды таңдап, оның астындағы сұраққа жауап бересіңдер

Әкеңнің шешесі саған кім болады? /әже/

Дауысты дыбыстарды ата?  /а,ә,е,о,ө,и,э,і,у,ы,ұ,ү/

Егемендік сөзін буынға бөл.

«Ғылым таппай мақтанба» өлеңінің авторы кім?  /Абай/

Бірінші байлық не?           /Денсаулық/

Бір-біріне мағынасы жақын, мәндес сөздер          /Синоним/

Әртүрлі бұйым салуға арналып жасалған үй жиһазы. Ағаштан не металдан жасалады.           /Сандық/

Үш арсызды ата                   /Ұйқы, күлкі, тамақ/

V кезең: «Кім жылдам?»

Мен қазір екі топқа да бір сөз беремін, сендер сол сөзден бірнеше жаңа сөздер тауып жазасыздар.            /1 минут/

«Мемлекеттік»

В)Әділқазыларға сөз беріп, жеңімпаз топты анықтау.

Г) Қорытынды

Міне, балалар , бүгін біздер жарыс – ойын түрінде өткізген кешімізде  біліміміздің қаншалықты деңгейде екенін көрсете білдік. Сендерге кітапты көп оқып, тіл байлықтарыңды дамытыңдар дегім келеді. Болашақта саналы да білімді адам болу өз қолдарыңда екенін естен шығармаңдар!

Соңғы жарияланған материалдар тізімі

Тіл сайысы Тіл сайысы Тіл тағдыры – ел тағдыры Сөз мерген сайысы Тапқыр достар Сөз мерген Білімді мыңды жығар Бастауыш класс оқушыларында білім негізін қалыптастыру, теория мен практиканы ұштастыра отырып, пәндерге деген қызығушылығын ояту, сөздік қо Ойлы болсаң, озып көр Ойлы болсаң, озып көр

Бөлім: Уроки / Қазақ тілі | Көрсетілім: 2861 | Қосты: Сариева Әлия Әбілғазықызы | Ілмек сөздер: