Жомарт күз

Мерекеге сай безендірілген сынып. Әдемі сазды әуен ойналып тұрады. Бүлдіршіндер тәрбиешімен бірге кіріп,орындықтарға жайғасады.

Балалардың қолдарында жапырақтар.

Тәрбиеші: Құрметті қонақтар,ұстаздар,балалар!Бүгін мектепалды даярлық тобының балалары дайындаған «Берекелі күз» атты ертеңгілігіне қош келдіңіздер!

Армысыздар халайық!

Бармысыздар халайық!

Күзгі тойды жұп жазбай

Келіңдер қарсы алайық!

Тәрбиеші: -Қараңдаршы,бүгін біздің сыныбымыз қандай әдемі болып кеткен

-қолымызға не үстап келдік?

-Жапырақтар

-Осы жапырақтардың түсі қандай?

-Сары

\сырттан бір дыбыс естіледі,желдің шуы\

-Балалар,тыңдаңыздаршы бұл не шу?

(Осы кезде әдемі әуенмен Күз ханшайымы келеді)

Күз ханшайымы:-Сәлеметсіздер ме ,балалар!

Балалар:-Сәлеметсіз бе!

Күз ханшайымы:-Уа,халайық,дархан далам армысың

Табиғатым жаны жайсан тал мүсін

Ханшайымы күздің бүгін келіп тұр

Алмақ болып бар халқымның алғысын

-Мен Күз ханшайымымын. Сендерді көргеніме ұуаныштымын

Тәрбиеші: Қош келдің, Күз ханшайымы! Төрлет!

Күз ханшайымы: Балалар,мен сендерге бір жұмбақ жасырайын

Ағайынды бәрі,

Шықса –жасыл

Түссе-сары.Бұл не?

Балалар: Жапырақ

Күз ханшайымы:- Дұрыс таптыңдар,жарайсыңдар! Мен өзіммен алтын жапырақтарымды ала келдім.Әр жапырағымда тапсырмалар.Егер де тапсырмамды орындасаңдар, менің де сендерге деген сыйлығым бар

Тәрбиеші: -Әріне,қымбатты Күз ханшайымы! Біздің балалар күз туралы өлең,тақпақ,жұмбақтар шеше алады. Сіз жайланып отырып,балалардың өнерін тамашалаңыз

Тәрбиеші:-Міне Күз ханшайымның бірінші тапсырмасы-сұрақтар

1-сұрақ:-Күз мезгілі нешеге бөлінеді?(Ерте күз,алтын күз,қара күз)

2-сұрақ:-Күз айларын ата (Қыркүйек,қазан,қараша)

Тәрбиеші:-Ендеше ортаға күз айларын шақырамыз

1-бала: (Қыркүйек) Бір біріне жер аспан

Мейіріммен қарасқан

Ұстаз-шәкірт жүздескен

Қош келіпсіз күз дескен

2-бала: (Қазан) Қазан айы болыпты

Қамбаға астық толыпты

Сары даланы сәндетіп

Дүмандатып,әндетіп

3-бала: (Қараша) Күн суытып барады

Малдар қолға қарады

Қараша ауыл даламыз

Қысқа дайын боламыз

\Би : Күзгі жапырақтар

Тәрбиеші:-Өнім биыл тамаша!

Көз тоймайды қараса:

Сәбіз, пияз,қияр.бұршақ

Қызанақ пен қызылша

Орамжапыраққа қарашы!

Көкөністер бір жерде жиыла қалып дауласты

Балалар:(хормен ) Жиналып қаппыз бәріміз

Қайсымыз ең дәмдіміз

Ішімізден адамға

Тиеді көп пайдамыз

Бұршақ: Кішкене түймедеймін мен

Ұнаймын мен бәріне

Дәмді тағамдарымен

Сый жасаймын бәріңе!

Қызылша: Үстіне тігіп көк шатыр

Астында қызыл дәу жатыр

Орамжапырақ: жайлы ,жұмсақ төсегім

Домаланып өсемін

Қабат-қабат тоным бар

Қалай оны шешемін?

Картоп: Мен ұялшақ картоппын

Мен емеспін мақтанар

Мені жақсы көреді

Үлкендер мен балалар

Қияр: Дәмім тілді үйірген

Мен тұздалған күйімде

Жаңа піскен кезімде

Жейді бәрі сүйсіне!

Қызанақ: Піскен кезде қызанақ

Көз тартар қызыл түсімен

Бар ма адам сүйсінбей

Томат шырын ішпеген

Сәбіз: Кім бар сәбіз шырынын

Жастайынан ішпеген?

Мені жеген адамдар

Кем болмайды күшке де!

Пияз: Боламын мен дәмдеуіш

Барлық-барлық тағамға

Көкөністер ішінен

Мен пайдалы адамға

Диана :-Көкөністер бәріде

Денсаулыққа пайдалы

Мұны жақсы біліңдер

Оларды жақсы көріңдер

(Өлең: «Күз келіпті көнілсіз» )

Тәрбиеші: Күз ханшайымы,балалардың өнерлері ұнады ма?

Күз ханшайымы: -Иә,балалардың бәрі өнерлі екен

Тәрбиеші: Кане,балалар,осындай молшылық күз айында бір ойын ойнап жіберейік.Ол ойын « Кім жылдам» деп аталады.Ойын шарты бойынша ұлдар қыздар картоп отырғызып жинайды

(ойын Кім жылдам )

Тәрбиеші:-Күз ханшайымы,балалардың ойынына баға беріңіз

Күз ханшайымы: Жарайсыңдар,балалар! Енді екінші тапсырмамды тыңдаңдар,жұмбақ шешу

1.Жазда інге тығылып

Жатқан қызыл түлкіні

Құйрығынан суырып

Әкелді әжем бір күні Бұл не \сәбіз\

2.Жайлы жұмсак төсегім

Домаланып өсемін

Қабат-қабат тоным бар

Бұл не? \Орамжапырақ\

3. қалың киім ұнатады

Шешіндірсең жылатады Бұл не? \пияз\

4.Аспай піскен,қайнамай түскен (Жеміс)

( Ырғақ биі « Қыздар,қыздар» )

(Биден кейін Ортаға жемістер шығады)

Алмұрт:Мен алмұртпын.алмұртпын

Аузындамын бар жжұрттың

Алма: Мен алмамын,алмамын

Таңдай жұлар бар дәмім

Жұзім: Мен жұзіммін 2

Моншақ болып тізілдім

Өрік: Өрікпін ,мен өрікпін

Бау-бақша көрікпін

Баптап мені күткен соң

Талды бойлап өріппін

Шие:-Мен шиемін,шиемін

Күннің көзін сүйемін

Қышқыл шырын менде бар

Төмен басты иемін

Тәрбиеші: -Жақсы балалар Біздің ата аналарымыз көңілсіз отырған сияқты олармен бір ойын ойнайықшы

(Ойын: Қиылған суреттерін құрастыру Алма Алмұрт)

Тәрбиеші: -Енді Күз ханшайымның үшінші тапсырмасын орындайық

«Мақал-мәтелді жалғастыр»

1 Еңбек түбі ------------\береке\

2Адам жерге нәр береді.Жер адамға ------------\дән береді\

Ән орындалады: «Қуанышқа бөленген»

Күз ханшайымы: Рахмет балалар!Өнершіл-өрендерім!Міне ,менің сыйлығым бір себет күз сыйы -алмалар.Сендерге денсаулық.шаттық және байлық әкелсін

Тәрбиеші: Күз ханшайымы саған мың алғыс!Сыйлығыңа рахмет! Бізге тағы кел,біз сені сағына күтеміз Ал біздің жигіттер тобы саған өз сыйлықтарын табыс етеді

(«Қызыл өрік» өлеңін фанограмма арқылы айтып береді

Күз ханшайымы: Берекелі бақ даулет

Артта түссін тойланып

Сау болыңдар ,балалар

Келгенше жыл айланып

(Әуен ойналады.Күз ханшайымы балаларға алмаларды таратып,қоштасып кетеді)

Би : Кыздар тобы шарфтармен би орындайды

Тәрбиеші: Қош бол күз ханшайымы.Күздің кереметі,байлығы өте көп. Күзде біздің дастарханымыз дәнді дақылдарға,көкөністерге,жеміс-жидектерге толы болады,бірақ осы байлыққа жету үшін көп еңбек ету керек.Сондықтан сендер еңбекшіл болыңдар.қазіргі сендердің еңбектерің сабақ оқу. Міне балалар осымен «Берекелі күз» атты ертеңілігіміз аяқталды. Сіздерді күз мерекесімен құттықтаймын,әр отбасыларыңызға бақыт,береке тілеймін

Вальс

Тәрбие оқу ісінің меңгерушісіне Шыңғысоваға Ж.Т сөз беру,балаларды ата аналарды марапаттау

АТА-АНАЛАРДЫҢ БҮЛДІРШІНДЕРГЕ ҚҰТТЫҚТАУ СӨЗІ

Мереке дастарқан басында күзгі тағамдармен,шырындармен көңілді отырыспен аяқталады

Соңғы жарияланған материалдар тізімі


Жомарт күз

«Аққала»

Еліне береке сыйлаған»

«Ардақтайымыз ананы»

«Күз ханшайымы»

Алтын күз

Берекелі күз – мерекелі күз

Алма және жеміс - жидектер

Аққала балаларда қонақта

Алтын күз