Басты бет » Уроки » Мектеп сахнасына: Аюға көмек

Мектеп сахнасына: Аюға көмек

Кіші жастағы балалар үшін:

Кейіпкерлері: Аю,Түлкі,Қоян,Әтеш, Дәрігер.

Әтеш: Ку-ка-ре-ку! Ку-ка-ре-ку!

Жалқаулар, қане , тұрыңдар, Беті-қолды жуыңдар,

Ұйқыны былай қойыңдар! Еңбекке мойын бұрыңдар!

Осы сәтте қолында «шелегі» бар Түлкі асығып сахнадан өтеді.

Артынша орғып Қоян келеді. Ыңылдап әндете:

Айналам қандай тамаша! Кім көтерер әзілді,

Ойнағым келді балаша. Аю мырза болмаса,-деп «бөрене» сүйреп келе жатқан Аюға бұрылады.Ал Аю мырзаның оған қарар уақыты жоқ еді. Қоян: Әй, қорбаңбай, қорбаңбай,

Күніңнің қиын болғаны-ай.

Ағаш сүйреп не болды?

Ойнайық, кел ,ойланбай.

Аю маңғаздана: Мазалама, аулақ бар!

Жалқаулықты сүймеймін,

Үй салатын ойым бар,

Сондықтан ағаш сүйреймін.

Қоян аюдың ойнамайтынын білген соң, амалы таусылып:

Е-е,ойнауға уақыт жоқ

Жарайды, еңбекқорым.

Ойнайтын кім бар екен,

Табылар, жүгірейін./Қоян сахнадан шығып кетеді/

Оңаша қалған Аю: Сәл демалып алайын,

Балға қолды салайын.

Неткен тәтті бал деген,/ап-ап,ым,ым/

Дәмін білмес жемеген! –деп «бөшкедегі» балды рахаттанып жей береді, жей береді. Сәлден соң Аюдың тісі ауырады.

Аю: Ой-ой-ой! Тісім-ай! Қақсап барады. Енді қайттім? Ой-ой-ой!

Аю сахнада ары –бері жүгіріп, мазасызданады. Сахнаға Қоян мен Түлкі бірге шығып, Аюға не болғанын көрген соң, мазақтайды. Екеуі бірге: Аю балды қалайды, Тісі ауырып соңынан,

Саусақтарын жалайды. Ойбай салып жылайды./хе-хе-хе/

Ашуланған Аю бар даусымен айқайлап:

Шуылдамай ,кетіңдер,

Ой-ой,ой –ой, тісім –ай!

Сендермен болсын ісім-ай. /екеуін қуа жөнеледі/

Бұл шуды естіген Әтеш асыға жетеді:

Аю мырза ,не болды?

Айналаға шу толды.

Бұл не деген масқара,

Түсіндірер кім жөнді?

Әтештің сұрағына Қоян мен Түлкі қосарлана жауап береді:

Көп жеймін деп балды,

Тісі ауырып қалды.

Әтеш асығып-аптығып: Енді қайттік, кім бар көмектесер.

Ку-ка-ре-ку, ку-ка-ре-ку!

Аюға көмек шақыр-р-р.

Әтештің даусын алыстан естіген Дәрігер сандықшасымен жетеді.

Дәрігер: Қане, науқас ,көрейін.

Емдеп жазып берейін.

Аузыңды аш «а» деші, /аузына үңіледі /

Жұлу керек тісіңді,

Бітпес бұдан іс енді.

Таза күтіп тісіңді,

Дос боласың ендігі-

Щеткаменен кәдімгі./аюға тіс щеткасын ұсынады/

Аю: Щетка деген немене,

Қажет ол қай кәдеге?

Дәрігер: Айтыңдаршы ,достарым,

Тіс щеткасы қажет пе?

Қоян: Тұрып ерте ұйқыңнан

Тазалайсың тісіңді.

Түлкі: Түскі асты жеген соң

Тазала тағы тісіңді.

Әтеш: Ұйқы алдында тағы да

Жалғастыр осы ісіңді.

Аю «Жарайды» деп тіс щеткасын алып сахнадан түсіп кетеді.Сәлден соң көңілдене қайта келеді: Щетка деген жақсы екен,

Дос боламын мен енді.

Тазалаймын тісімді,

Ұмытпай бұл ісімді.

Аю «бөренені» қайта көтереді. Оған Түлкі көмектеседі. Әтеш пен Қоян тағы бір ағашты көтерісіп, сахнада әндетеді:

Достар аман болса егер, Жалғыз жүрген көңілсіз,

Жарасады әніміз. Көппен бірге болыңыз.

Жұмыс боп па үй салу, Жақсылықты ойласақ,

Тату болсақ бәріміз . Сәтті болар жолымыз.

Осылайша көңілді достар сахнадан жылжып түсе бастайды.Маңызды мәселе айтатындай Аю сахнаға қайта келіп көрермендерге қарап:

Ал, кішкене балалар, Жаман әдет-жалқаулық,

Ынтаменен тыңдаңдар. Одан аулақ болыңдар.

Дос болыңдар сендер де Қиын сәтте жөн айтар

Щеткамен, тіс жуыңдар. Көп болсыншы шын достар.

Менің жаңа үйіме қонаққа келіңіздер, балалар!

/Қойылым барысында кейіпкерлердің әрекетіне сәйкес әуен ойналып тұрады.

Саусақ басына киілетін жұмсақ ойыншықтармен орындауға арналған/

Авторы: Шарападинова Райжан Арал қаласы № 62 мектеп мұғалімі

Соңғы жарияланған материалдар тізімі


"Күнді іздеген достар" ертегі қойылымы

Ертегі- ертегі сыр шертеді.

Қыз сыны

1-ден 10-ға дейінгі сандар.

Жабайы аңдар

Жабайы аңдар

Жаңа жыл мерекесіне арналған сценарий

Бауырсаққа көмектес

Ә ә дыбысы мен әрпі

Ойнайық