Базарбаева Ботакуз Казиевна Орал қаласы №36 ЖОББМ

«Көк байрағым елдігім, еркіндігім!».
Мақсаты:Тәуелсіздіктің қарсаңында оқушыларды отанды, елді, жерді сүюге туған ел тарихын білуге, еліміздің мемлекеттік рәміздерін қастерлеуге тәрбиелеу.
Жүргізуші:
- Қайырлы күн құрметті қонақтар!
Аяулы да ардақты ұстаздар!
Жүргізуші:
Армысыздар, мұғалімдер әз жандар,
Білім іздеп, инемен құдық қазғандар.
Құшақ жая қарсы аламыз Сіздерді,
Би биленіп, ән де бүгін шырқалар.
Жүргізуші:
Қазақстан – сан ғасырлық тарихы бар,
Қазақстан – бұл озат ел танысыңдар.
Көк байрағы, елтаңба, әнұраны,
Қазақ елі егеменді, сан ұлты бар.
Тәуелсіздік бабалардың ұраны,
Бейуақытта бойға таққан тұмары.
Тәуелсіздік – түнектерде тұншығып,
Ызғар болып жанбай қалған шырағы.
Жүргізуші:
Әнұраным – жан ұраным,
Айтар әнім – сөйлер сөзім.
Туған жерім сағынарым,
Мәңгі бақи шырқалады,
Республика әнұраны.
Мемлекеттік әнұран орындалсын!
Елтаңбасы елімнің,
Неткен көркем әдемі.
Тұнығындай көңілдің,
Ортада аспан әлемі.
Өзіңдікі – Туың да,
От пен ауа суында.
Жаса Қазақстаным,
Белді бекем буын да.
Көк аспандай туларың,
Желбірейтін күні бұл.
Елім деген ұлдардың,
Елжірейтін күні бұл.
Жүргізуші:
Мемлекеттік нышандарын зерделеу: Тудың, Елтаңбаның, Әнұранның мәні мен мағынасын түсіндіру Тәуелсіз Қазақстанның болашақ азаматтарын тәрбиелеудің негізін қалаушы бағыттардың бірі.
Жүргізуші:
Әрбір оқушы рәміздердің мемлекеттің қалыптасу процесіндегі ролі мен мәнін терең түсініп, еліміздің мемлекеттік Туын, Елтаңбасын және Әнұранын қастерлеу рухында тәрбиеленіп, Республиканың мемлекеттік рәміздерін құрметтемегені үшін жауапкершілікке тартылатынын сезініп, мемлекеттік нышандар туралы терең білімі болуға міндетті.
Мен қазақпын, ұланымын қазақтың
Тәуелсізбін, егеменмін, озатпын
Көк байрағым тұр көгімде желбіреп
Алатаудай көкке өрлеген азатпен
Жүргізуші: әсем би.Жүргізуші мұғалім: Мемлекеттік рәміздерді құрметтеу - әрбір азаматтың міндеті. Ашық тәрбие сағатымыз Көк Туымызға арналғндықтан онын тарихына көз жүгіртейік.Қазақстан Республикасының мемлекеттiк туы.Мемлекетік ту көгiлдiр түстi тiк бұрышты кездеме. Оның ортасында арайлы күн, күннiң астында қалықтаған қыран бейнеленген. Ағаш сабына бекiтiлген тұста — ұлттық оюлармен кестеленген тiк жолақ өрнектелген. Күн, арай, қыран және ою-өрнек — алтын түстi. Тудың енi ұзындығының жартысына тең.

ҚР мемл. туының авторы — суретшi Шәкен Ниязбеков. Бiрыңғай көк-көгiлдiр түс төбедегi бұлтсыз ашық аспанның биiк күмбезiн елестетедi және Қазақстан халқының бiрлiк, ынтымақ жолына адалдығын аңғартады. Бұлтсыз көк аспан барлық халықтарда әрқашан да бейбiтшiлiктiң, тыныштық пен жақсылықтың нышаны болған.
Тәуелсіздік - тірегім алмас үнді,
Тәтті үміті халқымның сан ғасыры
Көк байрақты , кемеңгер кемел ойлы
Келбетіңнен көремін жалғасымды.
Тәуелсіздік – шырайлы лағыл таңсың,
Жүректерге үміт боп жағылғансың
Аяулысың білмеген алақаннан –
Суып барып қайтадан табылғансың.
Көк түс және оның түрлi реңкi адалдық, сенiмдiлiк, үмiт сияқты адамгершiлiк қасиеттерге сай келедi. Ежелгi түркi тiлiнде «көк» сөзi аспан деген ұғымды бiлдiредi. Көк түс түркi халықтары үшiн қасиеттi ұғым.
Түркi және әлемнiң өзге де халықтарындағы көк түстiң мәдени-семиотик. тарихына сүйене отырып, мемл. тудағы көгiлдiр түс Қазақстан халқының жаңа мемлекеттiлiкке ұмтылған ниет-тiлегiнiң тазалығын, асқақтығын көрсетедi деп қорытуға болады.
Жүргізуші:
Нұрға малынған алтын күн тыныштық пен байлықты бейнелейдi. Күн — қозғалыс, даму, өсiп-өркендеудiң және өмiрдiң белгiсi. Күн — уақыт, замана бейнесi. Қанатын жайған қыран құс — бар нәрсенiң бастауындай, билiк, айбындылық бейнесi. Ұлан-байтақ кеңiстiкте қалықтаған қыран ҚР-ның еркiндiк сүйгiш асқақ рухын, қазақ халқының жан-дүниесiнiң кеңдiгiн паш етедi.
Қазақстан дейтін менің бар елім,
Жатыр алып жарты дүние әлемін!
Бұл даланы анам жаспен суарған,
Бұл далада атам қолға ту алған
Бұл далада өскен жанда жоқ арман
Айнымайды аспаннан
Біздің тудың бояуы
Оны халық қашан да
Биікке іліп қояды
Туымызға жас туған
Бір қарамай өтпейді.
Сол көк тудың астында
Көгереміз, көктейміз.
Ән орындалады «Туған ел»
Сыр бойындай баулардан ,
Алатудай таулардан.
Сарыарқадай даламнан,
Теңіз Каспий,Аралдан.
Баян сұлу,Жібектей,
Төлегендей түлектей.
Ұл-қызы бар елімнің,
Жұлдызы бар жерімнін.
Ұлы тойдай ұлы есім.
Жаралған ер жер үшін,
Сырда сұлу күрішім,
Қырда бидай ырысым.
Жыршы-жырау салтымнан,
Әнші-күйші халқымнан
Сәлем саған,туған ел!
Жүргізуші:
Осындай кең байтақ даламызда қасиетті көк барайғымыздың желбіреуі елімізідің, халқымыздың егеменді, тәуелсіз мемлекет екеннің көрсетеді.
Хормен! Көк барағымызы әр қашанда биіктерден көріне берсін!
Шіркін-ай, жер жетпейді бір өзіңе,
Қойнауың тұнған байлық, қазыналы.
Әсемдетіп көркем тілмен жазар едім.
Болашақ ұрпағының бақыты үшін,
Жайнай бер, Ұлы Отан- Қазақ елім!
Ән орындалады: «Атамекен»
Бұлт баспасын күнімді
Тарылмасын өрісім.
Биік ұстау Туымды-
Қасиетті борышым
Көк аспанда нұрлы күн
Күлімдейді далама
Бақыт тілеп тұр бүгін
Ол барлық пәк балаға
Ұлттық өрнек мұрамыз
Адастырмас мұраттай
Нық көтеріп тұрамыз
Жалауды біз құлатпай!
Бұлт баспасын күнімді
Тарылмасын өрісім.
Биік ұстау Туымды-
Қасиетті борышым
Енді бүгін өлген туым тірілді,
Әнұраным жалғап алды ғұмырды.
Босағада қалып келген Елтаңба,
Баяғыда төріме кеп ілінді.
«Қазақтай ел қайда» ән шашу
Жүргізуші:мұғалім
Бір ата, бір ананың түлегіміз
Бір болсын қайда жүрсек тілегіміз
« Бірлік барда тірлік бар » деген бабам
Бірлік деп бірге соқсын жүрегіміз!
Көк аспанда көк байрағымыз желбірей берсін! - дей отырып, ашық тәрбие сабағымызды қорытындылаймыз!
Соңғы жарияланған материалдар тізімі

Отаным-атамекен «Тәуелсіздік - көптен күткен бақытым» Мемлекеттік Рәміздер «Тәуелсіздік - көптен күткен бақытым» Мемлекетті рәміздер. Мемлекеттік рәміздер – ұлттық мақтанышым Мемлекеттік рәміздер -ұлттық мақтанышым Диктант Шағын жинақты мектептердің 3,4-сыныптарына арналған қазақ тілінен сабақ Бағдарлық карта Әдебиеттік оқу

Автор Базарбаева Ботакуз Казиевна

М.Б.Ықсанов атындағы №36 ОЖББМ

Бөлім: Материалы / Тәрбие сағаты | Көрсетілім: 10020 | Қосты: NA | Ілмек сөздер: